أنور ميرغني يوسف «أمونة»

ضى القمر

:: كــاتبة نشــطة ::
أمـــونــة


بكرة امونة بتجي

بي مجيها تخضر السهول

وبعدما أضنانا الجفاف

مطرنا يعاود الهطول

ينغسل حزن الأيام

نشدو وندق الطبول

أشواكنا تتبدل ورود

لا تخبو لا يغشاها الزبول

أمونة ست كل البنات

فيها الوصف بمتد يطول

بي جمالا تتحدي الجمال

نورا يتحدي الإفول

عينيها أجمل عيون

بي نظرة كم تسلب عقول

وجد أمونة بتشبهني

جسارة وهيبة وإصول

أمونة درة وطني السمح

قمحاية من أروع حقول

بلقاها في أنفاس شعري

لما الخاطر يسرح يجول

بلقاها في هدير الموج

لما النيل يروي الشتول

بلقاها في طيبة بلدي

أبنوسة بتعانق نخيل

طالعة من صوت السواقي

زولة ما زي أي زول


جمالا ما طاف بي خيال

ما بوصفو مهما أقول

يا أمونة خشي ساي

ما بتحتاجي إذن دخول

يا أمونة خشي ساي

ما بتحتاجي إذن دخول
 
أعلى أسفل