أعود الى العنقريب هذه المرة لأبشّر بالعزوبية

عيال الزمن الغريب

(( مداخله سريعه كده عشان نحرر القلوب دي للعرس عرسوا عرسوا ياناس والله البنات كتار ودايرات العرس ولا نلم ليكم فيهم مثني وثُلاث ))



بدر الدين والله لى كم يوم كل ما أكتب ليك رد وأعمل ارسال للمشاركة النت يفصل والله لما زهجت من البوست زاتو :mad: ...
ياخ لو عامل (كجور) للبوست دا فــكو الله يفـكنا من الهم القاعد من 89 دا هههههههههههههههه :smilie19:
biggrin.gif
 
والله يا عمك لمن تكون رايق بطلع درر .,..
موضوعك ده مليان حاجات كتيرة منها الصداقة بين البت والولد
هوايضا الثقة بين الخطيب والخطيبة والزوج والزوجه في موضوع الصداقات التي تكون بين احد الطرفين وزملاء الجامعه او المدرسه سابقا
ودي عايزة كل واحد موضوع منفصل يا ريت نتناقش فيهم معا...
لكن برجع بقول ليك كلام عنقريبابي بحت انت انسان مشوكش وبس :014: :Icon113::smilie41:

وييييييييييييين يا مواطن

والله يا محمد الشوق بالشوالات والجراكين ....

في حاجات كتيرة مفروض مراعاتها في مسألة العلاقة بين الجنسين بداية من معرفة وصداقة وخطوبة ثم لو زواج ...
الناس بتخلط بين حاجات وبتنسى حاجات وبتفوت عليها حاجات والعاقل من يعرف كيف يوازن ويوزن كل الأمور ويضعها في ميزان ويعرف كيف يتصرف ....
بالنسبة للشاكوش أنا ما جديد على الشاكوش ومعروف لكتيرين قصة شاكوشي في أسافير الله دي أها بجيك بالنجيضة أستنى بس وخليك قريب في بداية الصف وما تبعد ... :smilie19:
 
أصابع اليد مااااها واحده
والبياباك آتِجاني بتلقي غيرو ألف
والباعك بالرخيص بيعو بالغاااالي
والأيام بتعلمك
لكن آتِجاني كُت معايش دا كلو ربنا يخفف ويرحم من الخنقة الستاتية والرجالية
هذا هو جيلنا.......للأسف
فقد أحببت يوماً حتي الثُماله فما جنيت إلا ألألم فكتبت:
أفتش للغرح جواي ما لاقياهو يايمه
وأحوم بعيوني في جواي ......أقول إمكن ألقي أوتاد خيمة الفرح فيني
أتاريهو رحل مني وفات لبعييييد أقول أقدار تشيلو بعيد تجيبو كمان
وَكِت ما أقول سكن الفرح جوايا وإتحكر خلااااص وأبدأ أرتاح يايُمه
ألقاهو إتشتت وإتبعثر
ليه يايُمه .......ديمه الفرح يكون عامل معاي زي
ريحة الدُعاش قبل المطر................وزي
مطر الرُشاش البيخدع في الأرض......وزي
خشة خُشَاش ضُل الضِحي
ويبدأ يتكسر الألم فِينِي .......وآه يا آه تدوب الآهَ في الآلام
تدوب نفسي وتروح مِني.......وتلقيها يا يُمه
في شجر الحراز المجافيهو المطر في عز المطر
وفي أرض الرزاز البتفرح بالرزاز تقول جاييها المطر
وفي كل حِته سكن الحُزن جواها وإتحكر وعملو خيمة بأوتاد كمان
وأبدأ يا يُمه أفتش لنفسي الضايعة بين إتنين
شوق الحرازة علي الخدارة في عز المطر
وشوق الخدارة علي الحرازة في عز المطر
ويكون فرح الغلابه حزن...
فرح الغلابه حزن
**************************
في أكعب من كدا آتِجاني
بعد كل هذا نعم
للحب.......
للصدق......
للوفاء
 
كانت ايام حلوة والله ... مرت زي القدر !!!
الله يسعدكم اينما كنتم يا احباب
 
ي اخي استغفر الله .. الزواج مثبت في كل الكتب السماوية
لولا الزواج لما كان وجودك ومجتمعك اصلا.
من اي كوكب انت.
 
سلام يا تجاني ،
عجبنا البوست و لو تسمح لينا بمداخلة من بوست عندي
بعنوان قريب منو:( مِحَنْ العزابة) و حأنزلو منفصل بس دي
عينة منو (وش ملاح) حيثُ كتب لي عمنا المرحوم / محجوب عمر
قال: تعجبنى التشبيهات عندك، ففيها اتقان يجمع بين الجد والهزل .
و لكن ما قلت لى إتا عشته عزابى كم سنة ياخ .عندك وصف للأشياء
تدل على إنك زول غزابي خبرة جيانياً مقرقح بلحيل.

فقلنا له: تشكر يا غالي الغالين أستاذي المحجوب ود عمر ،،،،،
وللإجابة على سؤالك، يمكن القول إنه ما بين شهقات الحنين
و زفرات الألم ، كانت صرخة ميلادي.....ثم من تالة خبرة دي كطع شك،
لدرجة أن سنيني مع العزوبية رغم إنها شرٌّ مستطيرٌ إلا أنني بلاقي متعة
في ذكرياتها ، علماً بأني من جيل محظوظ تربى و ترعرع على حساب
أبوية الدولة، حيث مجانية التعليم و الصحة والترحيل . رغم أنني و للأمانة
لم أدرك عهد ناس جلاكين هنا كانو ماسكنها منذ أيام ذات الرأسين، ثم
الوسطى، فالثانوي ، ثم لا عند البركس، حيث السكن داخلي و الإعاشة
من حر جزلان وعرق جبينبهاتنا ، عبر إدارة مشروع الجزيرة.و لنا عودة
إلى نفاجات بيوت العزابة إن كانت لديكم رغبة في المزيد من السرد،
ثم كُتِبَتْ لنا بسطةٌ في العمر .هذا، و للحديث بقايا و شجون،،،،

((( ود الحيشان التلاتة )))
 
التعديل الأخير:
أعلى أسفل