أعود الى العنقريب هذه المرة لأبشّر بالعزوبية

رغم انني عذابي منذ 27 عاما الا كلام المدعو تجاني دا تب ما بنبلع :biggrin:
 
رغم انني عذابي منذ 27 عاما الا كلام المدعو تجاني دا تب ما بنبلع :biggrin:



شاكوشك يلخم يا نابشو 27 سنة معناها من عمر الـ 15 سنة عمر الزهور عمر المني .. !! ده شاكوش طويل المدي !! :biggrin:

حاااارة عاد ما تنبلع :rolleyes:
 
تجاني ازيك

انت البشوف موضوعك ده من بدايتو بقول انت خايف من المسؤليه

حكاية البت البتخلي خطيبه او حبيبه عشان واحد تاني دي ما كتيره يعني ما قاعده

وانا بشوف بتعرس بتعرس بس خايف ....
 
التعديل الأخير:
تجاني ازيك

انت البشوف موضوعك ده من بدايتو بقول انت خايف من المسؤليه

حكاية البت البتخلي خطيبه او حبيبه عشان واحد تاني دي ما كتيره يعني ما قاعده

وانا بشوف بتعرس بتعرس بس خايف ....

والله يا شكرية تنفعي دكتورة نفساوية دا نفس الانا حسيت بيهو
برضو احتمال الشاكوش متواجد وبقوة
 
الكلمة الضائعة ..

صنقورك ..
الجات في صنقورك سامحتك ... :rolleyes:

ههههههههه ههههههههههههههههههههه
انت يا معروف أوشى لسع متزكر الامتحانات ولا شنو
اصلو الببارى الاساتذة عمرو ما بنسى احساس الطالب​
وين صاحب البوست صحى كبى الزوغة ؟
دا كلام​
 
والله يا شكرية تنفعي دكتورة نفساوية دا نفس الانا حسيت بيهو
برضو احتمال الشاكوش متواجد وبقوة

هو من ناحية شاكوش !!!! هو شاكوش جااامد

وخلي يهضرب وهضربتو قربت تاثر في جماعتنا ديل اصلهم قاعدين علي الهبشه شايفه تنقا بقي يمشي ويجي ياخد معلومات
وود اوشي داك اصلو متحيل :(167):
 

المعذرة يا شباب ظروف سفر كدا حالت دون متابعة البوست ...

جاييكم على رواقة ...

أبقوا طيبين ...
 
بصراحة كده يا تجاني
انا فكرت في موضوعك ده بتأمل لقيتك علي حق في بعض الاشياء ما انو انت ما وريتنا شئ بالواضح
فقط ضربته بالحاله العلي وقدرت افك بعض الغموض الفي الموضوع المهم انو النتيجة واحد
انا شخصياَ جاني حاجة كده ...؟! ما عارف اسميها شنو ؟؟
نقدر نقول عليهو ( نص شاكوش ) يعني حته كده ما كبيرة خالص ، وقربت تقلب لي الدنيا علي عقب ما خطيبتي
بس لقونا متفقين وقويين وثابتين ، بكل وضوح بنعيش حالة هجوم خارجي من الاقارب المقربين الينا ، واستقلوا فارق القبيلة بيني وبين خطيبتي
والله قربت اطرشق الموضوع الا اشتغلت بنصيحة صحبي تندلقي لمن قال لي في احد البوستات انو ( مافي حلاوة بدون نار )
ممكن جداَ نرفع شعار (( تجاني )) لاكين الغريزة الفينا معاكسانا
نسوي شنو يا ناس ؟؟؟
تجاني انا لسه منتظرك علي احر من الجمر

يا بنج شيباك ...

نص الشاكوش دا يابنج بيقويك وخليك واقف فى صف معاي هنا ونبشر للعزوبية :biggrin:
أها أنا في يوم كنت خاطب وخطوبة كم سنة كدا بس الموضوع ماتم وحصلت كدا حاجات قلبت الدنيا فوق تحت ...
الحاجة دي يا بنج بتعمل نفسيات والله وبتهز الواحد من جووووه لكن في النهاية الواحد بقول يمكن لخير ....
اها أنا خطيبتي أسه عرسوها وعندها شافع ولو متاكد شديد بقول ليك عندها شافعين :biggrin:
 
تجاااااااااااااااااني
لى صديق تقدم لخطبة فتاة وتمت الخطبة بعد فترة من الزمن أستأذنت منه في أنها تفكر في السفر لماليزيا للتحضير فساعدها في كل شئ وقام بكل تكاليف السفر وساعدها ودفع كل مصاريفها وبعد أن أكملت تحضيرها رجعت للسودان ولكنها رجعت وفي يدها خطيب آخر وتقدم لها وأرسلت لصديقي تخبره بأن الموضوع قسمة ونصيب و (أن يشيل الموضوع من راسو)
والله كلامك ده بس لو غيرت ماليزيا بقطر وانها ما رجعت السودان وارسلت له الشبكة مع صديقه كان قلته انت قاصدني عدييييل كده
وبعدين اقول ليك حاجة الحب والخطوبة بتخلن لكن العرس كانت خليتو هو ما بخليك
 
تجاااااااااااااااااني

والله كلامك ده بس لو غيرت ماليزيا بقطر وانها ما رجعت السودان وارسلت له الشبكة مع صديقه كان قلته انت قاصدني عدييييل كده
وبعدين اقول ليك حاجة الحب والخطوبة بتخلن لكن العرس كانت خليتو هو ما بخليك



:rolleyes:


:Icon159:
 
ياجماعه علي ما اظن هو مقلب كما قُلت انا في البدايه


والتجاني دايرنا نركب عكس الريح

قال ايه اجازه

تعال يا الحبيييييييييييييب تعال بس
 
حالة سعبة يا تجاني يا اخويا ..
غايتو ايد في الجنة و ايد في النار ..
يعني لازم كمان الواحد يعرس كمان في النهاية ان شاء الله من باب
حفظ البقاء الانساني يعني .. !! :021:
لاكين تسمع في جنس الحكاوي دي و تشوف الناس اللي اتنيلو علي عينهم
و عرسو تقول نحممممد الله انا لسه علي البر ... !!
تعرف الليلة لاقيت واحد قريبنا في بيت ناس عمتي و طولت ما لاقيتو مما عرس
قبل سنتين و شوية .. !!
تتخيل ما عرفتو .. الود الكان وجيه و انيق و اشيك واد في الجامعة .. كان شفتو
الشعر شاب و الوجه اتكرمش و كملان من لحم الدنيا .. !! :rolleyes:
قلت ليهو ده شنو يا زول مالك ؟! مش قالو العرس بيزيد الواحد الق و بهاء و سمنة ؟!! :biggrin:
قال هووووي ده عرس زماااااان ... !!

اها ...


تحياتي ..

معروف يا صحبى سلامات
وكيفنك يا قلب ....
بيقولوا يا معروف العرس دا (شر لا بد منه ) :biggrin:
يعني أى واحد عزابى يشيل شيلتو بس ويحضّر شعورو ويتأنق ويتهندس ويعمل فيها زول مسؤول وأتنيّل على عينو ويفكر يتلم على بت ناس في النهاية ...
ياخ حبوبتى قالت لى كلام ما بقدر أكتبو هنا برسلو ليك في رساله خاصة لما سألتني وقالت لى حا تعرس متين قلت ليها يا أمى أنا لسه (سغيّر) وما وصلت التلاتين الكلام اللى قالتو لى برسلو ليك في رساله خاصة :60408a3c44d0319f55a :biggrin: ....

وصدقاً لكلامك عن الزول اللى عرس دا والله يا معروف أنا عندي صحبى كان أنيق وشيااكة ووجيه :biggrin: يقوم يتخبط في رأسو ويعرس أنا زي ستة سنوات كدا ما شفتو والله أسة حالو انسى بس ههههههههههه شعر أبيض وراكب ركشة وأشتغل في سوق الخضار ما نفع وأشتغل في عملة ما نفع وكلو ما جاب حقو ... :biggrin:
 
أعلى أسفل