أحمد فرح شادول «القلب المحتار»

يوسف عوض الباري

:: كـاتب نشــط ::

القلب المحتار

كيف اصبحوا الحلوين...؟؟

بي راحتهم مهموم .. وهُمْ ناموا مرتاحين

من عيني شالوا النوم ديل سكنوا نِنِّي العين ..

يا قلبي يا محتار...دا البِسْتَحِقَّك وين!؟

طول العمر دوَّار ... مين البِعِزِّك مين !؟

تِتْكَشَّف الاسرار ...وانت العليها أمين..

الرَبَّى ريشُو وطارْ ..ما اظن يجيبو حنين !!!


باكِرْ بعيد الدار.. بِرْجَعْ بِيَمْلا العين ..

بي منتهى الاصرار..عن ريدو ما راجعين ..

الفرقة والاعذار...نِتْحَمَّل الوجعين..

لو حتى وعدو هزار... في الشوفة عشمانين !!

عدل الزمن او جار..كان حَقُّو انت تلين

ايه ذنبي !؟ دي الاقدار.. اللوم على الناسين

لي كل ريدة مسار ... لو دُرْنَا او مابين

قِدَّامْنَا مافي خِيار...غير نبقى مُتْحَابِّين
 
أعلى أسفل