أحمد الجابري «كلمات الأغاني»

ضى القمر

:: كــاتبة نشــطة ::
هات يا زمن

كلمات : مصطفى عبد الرحيم
غناء : أحمد الجابري
.
.
هـات يا زمـن
جيــب كـل أحــزانك
تـعـال جيـب المحــن
طــول يا أسى وكتر ينابيع الشــجن
جـرعني كأس من لوعة من الامي
ما المحبوب خـلاص خلاني ليك الليلة راح
خلف لقلبي الحسرة والشـوق والجــراح
خلي النواح
فــاض قــلبـي شـمعة
وحيـدة في هـوج الريــاح
خـلاني ليـك أنا يا زمــن
وخلص شجن
الليـل يهـــود بي
ويبــقى تـلـت الأخــير
يطـويني في رحــابه الوثـــــير
أنا والظنـون وعـــذابي والصمت المثير
خلاني وحدي جناح كسير
وانا والدموع والشكوى والليل والشجن
رماني ليك راح يا زمن
وخلى الشجن
من بعد ما علمني ريد
فجر العواطف غنا ونشيد
بدل مراير الوحدة والهم أحلى عيد
علمني أبني حياتي من أول جديد
أشرق من عمري هواه زي أجمل صباح
وكساني بالآمال وشاح
قلبي المتيم بيه بي احلامه باح
تاه في رياضو الرايعة في جنة استراح
لكنه وين الليلة راح واصبحت يا أيام حزين
باكي العيون محتار أقول ماليه حنين
إيه غيرو بدل عواطفو صبح ضنين
إمكن ظنون إمكن خلاص إن شك في قلبي الأمين
قلبي المحال في يوم يخون
قلبي الملان حنية زاخر يالأمل ومهما حصل
أملي الوحيد لحبو مكتوب في الأزل
لايمكن أبداً مستحيل في يوم أميل
لغيره وأعشق تاني زول
مهما يكون بالود بخيل
لو حتى يجرح قلبي أنا برضي صابر يا زمن
بكل أجزانك تعال
جيب المحن
 
سامحنى
كلمات : كلمات الزين عباس عمارة
والالحان برعي محمد دفع الله
غناء الجابري
..
..

سامحنى ما تغلط على وهبتك كل ايامي الهنية
قلبى راضى وراجى مستني التحية
مرة جامل مرة منا تنسي المحنة
مرة واصل عندى قربك احلى جنة
جنة نقطف من رياحينها المودة
نزرع الدربين مشاتل ورده ورده
وردة تتحدى المصائب فى دروبنا
وواحدة تغمر بالشذى عاطر قلوبنا
كل ما اخضرت غصونها وفاح عبيرها
تقترب فرحه نهايتو جدلة مصيرها
جيت اسامحك والقى بين حكاياتي الطويله
مرة اكتب خطابي يحمل ليك احاسيسي الجميله
وكل نظرة حب تأكد لعواطفنا النبيله
وكل نسمه تمر بتحمل لى ريدك
جيت اسامحك وانت ما بتبخل بإيدك
ايه حياتي مصيرى نابع من وجودك
كلوا لحظة سعيدة تورق فى عمرنا
كلوا خطوة جديدة حين تصلنا
سامحنى .
 

سيد الاسم
كلمات: كامل عبدالماجد
غناء : احمد الجابري


سِيد الإسم محبوبى وكتين تِبتسم

الدنيا ياناس تِنقِسم

الفرحه تملاه وتزغرد فيها والشوق يرتِسم

مرات أقول أديهو كلمه تزعلو

حبة عذاب وكلام عتاب .. أنا عارفو مابِتحملو

علشان أشوف خدو الحرير الدمعه جاريه تِبللو

لكنى قُبال أبدا بى لحظات أقيف أتأملوا

الضحكه واللفته البتاخد من عيونى النوم شهور وتَجفِلوا

والبسمه والنظره الوديعه ودلو واشراقو الحلو

وأنسى العتــــــــــــــــاب الكنت ناوى أقولو

وأرجع منهزم وكتين يبالغ ويبتسم

الدنيا ياناس تنقسم

الفرحه تملاها وتزغرد فيها والشوق يرتسم

************

فى العيون ببنيلو دارين من موده ومن منا

بضمه فى قليبى محبه فياضه وهنا

ماردت غيره ولاهو راد زولا سواى انا

نظراته كيفن اوصفا دى الفى العيون مدونا

همساته تحنان القمارى الراجعه للعش والجنا

وتضوى والليل ينهزم

وكتين يبالغ ويبتسم

الدنيا ياناس تنقسم

الفرحه تملاها وتزغرد فيها والشوق يرتسم

********

يوم جانا شايل خطانا الكايسنه راح

وشايل الامل فى عيونه والحب والسماح

ارتحنا من ماشفناهو والليل استراح

ضحكت نجومه وغنى قمره معانا لعند الصباح

لكن بغير والله برجع منهزم الدنيا ياناس تنقسم

الفرحه تملاها وتزغرد فيها والشوق يرتسم
 
ناسى الحب
.
.

ناسي الحب وقلبك خالى
اعطف مرة حن لى حالى
يا مسهر عيونى ليالى
.........
حبك ما نسيت اياموا
حتى عيونى تروى غرامو
خليت قلبي فى آلامو
...........
واصبحت انتى قلبك خالى
تبسم روحى تبقي سعيدة
واشرب من كؤوس الريدة
والبسمه عنى بعيدة
....................
كان ايه ذنبى مالى ومالى
الريد للأحبة مودة
والصد لى سده بسده
.................
ايام فى العمر تتعدا
ليه نقضيها شوق طوالى
 

نواعم
كلمات : السر قدور
غناء : الجابري

نواعم
زى خدك ناعم
وصدك ناعم
وتتكلم ناعم
وتبسم ناعم
الحب فى قلبك دابو براعم
خلاك احلى وبقيت اغلى واجمل ناعم
ياناعم اه اه اه ياناعم


****************
فى وجدانى تعيش صورتك
يوم والتانى تحكى هوانا
بتخيل انت معايا
القى معاك نعيم دنيانا
فى الحب والريد نحكى حكايه
واقول ليك ...
وقلبى يعوم فى بحور عينيك
وقلبى بحبك وقلبك ظالم
ياناعم اه اه اه اه ياناعم
 
رســـــــائل - الجابـــــري

من طرف الحبيب
جات أغرب رسائل
يحكي عتابو فيها
وقال ناسنوا قايل

ياما قال حكاوي
ما خطرت ببالي
قال في كل كلمة
إني جفيت وسالي
لو في كل لحظة
لو تعلم بحالي
ما ناسيك والله
ذكراك شاغله بالي
لو أناسك إنت
اكون غدار وخنت
أسأل عني غيري
واحكم في مصيري
ياما تشوف دلايل

ياما قال كلام
ما لي دخل بيه
إني بروح لغيرو
بهوى وبصطفيه
إن شاء الله حياتي تفنى
لو فكرت فيه
لالا والف لالا
ده حبك عشت ليه
بدل أشواق ومحنه
ترسل لي مظنة
كلام يجرح شعوري
وما يريح ضميري
من زول عنه سائل
 
ياربيع الدنيا .. أحمد الجابري ..

يا ربيع الدنيا …في عيني
يانور قلبي يا معنى الجمال
يا أخت روحي يا أماني هواي
في دنيا ….. الخيال:*&:

أنا فيك عشقت الروعة
ما أحلاها في الدل والدلال
والمعاني الراسمة نور
اشراقة في عينيك ظلال
وابتسامتك لما تأسر قلبي
تحكي عن المحال
تحكي عن شوقك إليّ
وتحكي عن بعد الوصال

من قلبي من أجل المحبة
وهبت ليك شعر الغزل
مع إنو قدامي الطريق
انا عارفو يا السمحة انقفل
مافي قسمة ومافي يا نور
قلبي حتى بصيص أمل
ما قدرت أقرب من ضراك
وما قدرت لفراقك أصل

يا حبيبة ليه قلبك قِسا
كتمتي ما تخفيه عني
أنا عشت في حبك مقيم
ما عرفت نكران أو تجني
ما عرفت غير حبك غرام
وسرحت فيه سنين بغني
وهبتو دمعاتي الغواليوهبتو قلبي وهبتو فني
 
الطاؤوس
كلمات : عبدالرحمن الريح
غناء : الجابري
..
..

الطاؤوس

ملــك الطيــــــور ارقــــــــص
وســط الطيـــور نشــــــوان
خلـــي الزهـــورتفتـــــــــــح
مختلفـــــــة الالــــــــــــــوان
ارقــص وهــل فـي الكــــون
طايـــر جميــل مثلــــــــــــك
بيهــــو الوجــود مفتــــــــون
مـــــن درك المكنـــــــــــــون
اكشـــف كنـــوز حسنـــــــك
ورينــا فيـــك كــم لــــــــــون
مــا بيــن جمـــال وفنـــــــون
للزهـــــر تصحــــو عيــــــــون
تهــدي الشــذي واحيـــــــان
تهـــــدي الهــــوي النديــــان
للعاشــــــــق الولهـــــــــــان
يا اجمــــــــل الاطيــــــــــــار
ليــك فـي الحديقــة ديــــــار
مبنيــــــــــــة بالــــــــــــــورد
ومعروشـــــة بالأزهـــــــــــار
مخضـــــــــرة الاشجـــــــــار
فــي شواطــئ الانهــــــــار
ملتفـة والاغصــان بالخفــــة
والميسان تلهب الانســـان
انشــر جناحــــك و ميـــــــل
حـــي الربيــــع يا جميـــــل
خلـي الشمــس تسكـــــب
ذهــب الاصيــل في النيــل
فـــي رياضـــك النضـــــــرات
النـــــور يسيـــــــر قطــــرات
محمــــــــــرة العبــــــــــرات
الروعــــــــــة تستكمــــــــل
يبقـــي المكــــان اجمــــــل
زي لوحــــــــة الفنـــــــــان

 
أغنيه الجريف واللوبيا
كلمات : الصادق الياس
غناء : الجابرى
..
..
..
عندي شوق لي نيلنا
والاهل والطيبة
الجريف واللوبيا
وباقي ذكرى حبيبة
وقشة الصفصاف
القايمة عاملة زريبة
ضل مغطي القيف
فوقو روعة عجيبة
ياسواقي بلدنا
وينو صوتك مالو
وينو قارع مويتك
غنى باسم حالو
وين غسيل النيل
وشرهدوم فى رمالو
وينو ماضي الحلة
وين ومين الشالو
كان زمان نتدلى
لما كنا صغار
من فريع لفريع
نقطع الاثمار
كان بحرنا نعومو
ناس كبار وصغار
فينا طيبة القرية
ومافى كان اسرار
وينو صوت الساقية
الكان يشق الليل
وين نخيلنا الرامي
الظلال فى النيل
وين ووين دفيقو
الكنا منو نشيل
وين جداول الموية
الجارية زي السيل
يابحر حلتنا
فى رمالك ذكرى
لا بتشيلا الموجة
ولا بتفارق الفكرة
الجريف واللوبيا
 
حكمه والله وحكايه
كلمات : عبدالرحمن الريح
غناء : أحمد الجابري ..
.
.
.
حد يشعر بالسعادة ويمشي يختار البعاد؟؟
حكمة والله وحكاية .. تشغل أذهان العباد
ناس بتتعذب وحيدة ..وناس بتنعم بالوداد !

قبلما تشوفك عيوني بيك سعدت وقلبي راد
نظرة في مرآة خدودك أحلى من كسب المعاد
يا جمال يا عاطفة صادقة انت بتحب العناد
ولا بتحاول بدلك تشغل الروح والفؤاد

أحكي لي أحكي لي ..
قصة غرامك كيف بديت حبك زمان
وكيف بديت كيفن بديت في الحب كلامك يا ينابيع الحنان
كنت بتبادل المحبة؟ ولا بتعاند الأحبة ومقصدك أنبل مراد !
ناس بتنعم بالمودة ..وليها مجد الحب يعود
ناس تحاول ليها مدة وما لقت غير الصدود
حكمة والله وحكاية أدهشتني من البداية
كيف تكون بكرة النهاية لو عنادك شفتو زاد؟؟

عشانك يا ملاك الكون بشد قوس الشعر سهمي
بريدك يمه غيمة خير وبي حنك علي تهمي
بعيشك دنيا في دنياي وحلمك يمه فاق حلمي
 
ليه كدا
كلمات : ابوامنة حامد.
غناء : الجابري
...
...

ليه كدا ... ليه كدا الظلم دا
مكتوب علي وعلي أنا
في حبي ليك هجر وضنا
انا يامنى لي كم سنه
من هجري داك اه اه اه اه.
عايش وحيد طول الدهر
واتعب عيوني انا ماالسهر
محروم لقاك لي كم شهر
فاقد رضاك اه اه اه اه.
جافي ونحور وقصد فراق
وكل يوم زيد زيد بعاد
ليه إنت ناسي يوم الميعاد
يوم اللقاء اه اه اه اه.
ليه كدة الظلم دة
اه اه اه اه اه اه.
 
ما نسيناك

كلمات : أبو آمنة حامد
ألحان : أحمد الجابرى
غناء : أحمد الجابرى
---

مانسيناك جاي تعمل إيه معانا بعد ما بدلتنا
وماسقيناك أحلي ما في عمرنا
من عواطف مالقيناك جاي تعمل أيه؟
**********
الرهيف قلبو بيعيش في شكو اكثر من يقينو
تستبيهو نظرة جارحة وتحترق بالحب سنينو
قلبو ضايع في العيون الشاربة من حبو وحنينو
وناكرة حتي إنو إنسان يسعي لي قلبي يعينو
**********
ماكفاهو العذاب الهو فيهو ليه تزيد آلامو اكتر
وليه عيونو العمرها ماخانتك تبكي و تسهر
وليه توشح فجرو بالأحزان بعد ماقلبو نور
اضحي جرح الفرقة في قلبو الحزين من حبو أكبر
**********
قلبي غافر ليك ذنوبك سيبو بس تنشف جراحو
الحنين العاش لحبك صرت تسخر من نواحو
سيبو مرة يغسل احزانو بالأمل يشرق صباحو
وكيف يطير لعشو عصفور منكسر مكسور جناحو
************
جاي تعمل إيه؟؟
مانسيناك
نسيناك
جاي تعمل ايه معانا بعد ما بدلتنا

وماسقيناك أحلي ما في عمرنا
من عواطف مالقيناك جاي تعمل أيه؟

 
أعلى أسفل