أبوطالب عبدالباقي «إنتظار»

ضى القمر

:: كــاتبة نشــطة ::
إنتظار!

يا شايلة همك مرتين

ومشيّلاني الهم معاك

مترقّبة الزمن البعيد

لامن زمن يومك نساك

ونساني برضو اليوم معاك

يا خايفة من بكره البجيك

لامن ظلام الهم غشاك

وغشاني برضو الهم معاك

تعبت رؤاك مدّ البصر

ما تريّحي الشوف من (هناك)!

وهناك رؤاك لمّن تصل

تكمل عليك بهجة رؤاك

يا زولة كبّت مويتا

شافت سراب كضّاب هناك

عطّشتي روحك مرتين

سقتينا لي سكّة هلاك

يا واقفة أبعد مني وأقرب للقليب

أنا لسّه منكوب في رجاك
 
أعلى أسفل