أبنائي في منتدى الحوار العام ..... عمكم السنهوري الخواف يكشف عن نفسه

alsanhori

:: كاتب نشـط::
الله اكبر
الحمد لله كثيرا
والف حمد لله على السلام
وانشاء الله بدولة القانون والمؤسسات سوف تشيدوا بلدنا السودان.
حكمة من الله سبحانه وتعالى لا تستوعبها عقولنا القاصرة ان يحكمنا الكيزان 30 سنة ولكنها قد كانت درس قاسي جدا وسوف تجعلنا نعض و نتمسك بدولة القانون والمؤسسات التي سوف تكون سببا لتنمية وازدهار السودان
عمكم السنهوري واعتقد كل ناس جيلنا نشعر بأننا خوافين عند مقارنة انفسنا بهذا الجيل الذي سطر اعظم تاريخ للسودان بدمائهم الطاهرة وتحملهم للضرب بالزخيرة الحية والضرب العنيف بالسيخ والعصي الغليظة والتعذيب والاعتقالات. هذا الصمود والجسارة والشجاعة ادهشت كل العالم وسوف تكون سببا لاحترام السودانيين في أي مكان في العالم. وبناتنا الكنداكات كانن الدنمو الحقيقي المحرك لهذه الثورة المجيدة واظهرن شجاعة لا يمكن ان يصدقها العقل. الاخلاق العالية التي تحلى بها أولادنا وبناتنا والابتكارات المتعددة ميزت الشعب السوداني ووضعته بجدارة في مصاف الشعوب المتحضرة.
كل الشكر والتقدير للابناء في صحيفة الراكوبة لاتاحتهم لنا الفرص لنشر افكارنا ونتمنى لهم التوفيق والسداد.

محمد الجمري عطا المنان (السنهوري)
استاذ بكلية علوم الغابات والمراعي - جامعة السودان للعلوم والتكنولوجيا
 
التعديل الأخير:
شنو ياعمنا السنهوري الا تخاف من الدوله العميقه هههه كشفت ورقك بدري كده
 
مافي خوف تاني اصبحنا علي بعد امتار من الحرية ووطن عريض يحوي الجميع
 
أووووووو أستاذ سنهوري
بركة المرقـْت.

عاوزين من ناس الغابات يتابعوا لينا موضوع الإستعمار الإيكولوجي. أي شجرة أو جسم غريب إستجلبه الإنجليز إلى بلادنا (النيم, المسكيت), أي تجارب إيكولوجية خبيثة, توطين أمراض, إبادة أسماك, الخ. عاوزين ناس المجال ده يعملوه مقررات دراسية.

كتيرين مفتكرين انو الإستعمار سياسي فقط.
تحياتي

مازن
 
السنهوري وبقية العقد الفريد كيفنكم ومبروكين ومباركين
للثورة المجيدة وإنشاءالله ما تكون آخر الثورات . ثورة علي الجهل
والشعوذة وعلي الكسل والإتكالية والعشوائية وغيرها التي جعلتنا
في مؤحرة الأمم .
كسرة : هسع إنتا السنهوري وأنا ود الشريف . ود سنترها ده خايف
من شنو تاني !! يكون خايف علي الأمجاد !!
 

المرفقات

  • الكذب الاصلي.jpg
    الكذب الاصلي.jpg
    45.4 KB · المشاهدات: 9
السنهوري وبقية العقد الفريد كيفنكم ومبروكين ومباركين
للثورة المجيدة وإنشاءالله ما تكون آخر الثورات . ثورة علي الجهل
والشعوذة وعلي الكسل والإتكالية والعشوائية وغيرها التي جعلتنا
في مؤحرة الأمم .
كسرة : هسع إنتا السنهوري وأنا ود الشريف . ود سنترها ده خايف
من شنو تاني !! يكون خايف علي الأمجاد !!
داير تدردقنى يا ود الشريف هههههه
كسرة
تلقاها عند الغافل
 
الابن ود الشريف
الف مبروك لكل سوداني ما تم تحقيقه حتى الآن ونتمنى زوال دولة الكيزان العميقة نهائيا من السودان.
لكن والله اخوك الخالدي ده زول نجيض خلاص عرف الحكاية من البداية.
 
يا ود سنترها في احد رسائلك استنتجت انك ساكن في الثورات. هل هذا الاستنتاج صحيح؟
شخصى الضعيف من مواليد امدرمان القديمة الموردة فريق ريد وحاليا السكن الثورة بالنص
كسرة
استنتاجك مية المية يا استاذ
 
ههههههه الابن منو يا استاذ ؟ ود الشريف ده بكون نديد عمك الجمرى عطا المنان هههههه
يا فقر إياك تقول للسنهوري آخر العنقود قال عايز يتأهل
بعدين تعال هنا إنت ما عندك كمره تصور لينا الثورة لايف
وتقرب لينا البعيد .
 
الابن ود الشريف
الف مبروك لكل سوداني ما تم تحقيقه حتى الآن ونتمنى زوال دولة الكيزان العميقة نهائيا من السودان.
لكن والله اخوك الخالدي ده زول نجيض خلاص عرف الحكاية من البداية.
الله يجبر بخاطرك يا السنهوري رجعتني لذكريات (الأبناء البرررة) ثم الثورة المجيدة
أرجعتنا كما ولدتنا أمهاتنا .
 
إياك تقول للسنهوري آخر العنقود قال عايز يتأهل
الف مبروك يا ود الشريف ولازم تعزمنا لحضور المناسبة وسوف احضر مع ود سنترها اصلو دولة الكيزان العميقة شكلها سوف تقتلع اقتلاعا من ارض السودان ... قريبا انشاء الله
 
الف مبروك يا ود الشريف ولازم تعزمنا لحضور المناسبة وسوف احضر مع ود سنترها اصلو دولة الكيزان العميقة شكلها سوف تقتلع اقتلاعا من ارض السودان ... قريبا انشاء الله
اممممممك عمك ود الشريف داير يتاهل تانى هههههه انا قايلو قاصدك اتا يا استاذ وما كتا قايلو داير يسقط المؤتمر الوطنى بتاعو ويعين ليهو مجلس سيادى جديد ههههههه
كسرة
غايتو يا ود الشريف الختيتها رقدت قلتا لى داير تسقط النظام ههههه
 
ده ولدك الباشمهندس ربنا يتم على خير يا حبيبنا
كسرة
ح تبقى حبوبة يا فردة ههههه
 
ح تبقى حبوبة يا فردة ههههه
يا ود سنترها والله انا كنت مفتكركم اولاد صغار في عمر ولدنا ناجي الاصم عشان كده شابكم الابن ود الشريف والابن ود سنترها لكن طلعتو حبوبات كبار بالحيل.
لكن افتكر الابناء مننا ونبيل ومازن حا يكونو لسه شباب صغار اما اخونا الخالدي يظهر عليه زول كبير شوية وعنده خبرة ومدردح.
 
يا ود سنترها والله انا كنت مفتكركم اولاد صغار في عمر ولدنا ناجي الاصم عشان كده شابكم الابن ود الشريف والابن ود سنترها لكن طلعتو حبوبات كبار بالحيل.
لكن افتكر الابناء مننا ونبيل ومازن حا يكونو لسه شباب صغار اما اخونا الخالدي يظهر عليه زول كبير شوية وعنده خبرة ومدردح.
يا حبيبنا المنتدى كلو جلاكين انا ذاتى كود سنترا مرات بستغرب المدخلنى مع اعمامك ديل شنو ههههه
كسرة
اتا وانا احتمال نكون اصغر اتنين هنا مننا لسع فيهو رقشة شباب ذايد روحو الحلوة وطبعا مننا ده الزول الوحيد اللاقيتو اذاعة وتلفزة ( مباشر )
 
الابناء ود سنترها وود الشريف
عمكم السنهوري لبد لبد لبدن لبدا
والشباب الابطال قلعوا الكيزان قلعن قلعا
وربنا سترنا والحمد لله
 
أعلى أسفل