مدني يوسف النخلي «لأنك ضُل سحابة جميل موشح بي حنانو النيل»

ضى القمر

:: كــاتبة نشــطة ::
ضل سحابة

لأنك ضل سحابه جميل
لأنك ضُل سحابه جميل
موشح بي حنانو النيل
لما يمر على الشتلات
مطر دفاق عليها يسيل
مشيت كل المدن كايسك
لقيتك مافي ليكي مثيل
لانك ضل سحابه جميل
رجيتك يا قماري تنوح
على الحب الي كان مجروح
سلْمتك قليب حزنان
وسكْنتك مداين الروح
لانك ضُل سحابه جميل
معاي عداي محل ما أروح
يجول بصري الكفيف قبلك
يلاقي مداهو بيك مرسوم
تحلقي فوق جفاف حلمي
وتنزلي في هجيري غيوم
لانك لي ثبات خطوات
بترجع من لهاث محموم
صدق غنايك الوصاف
صباح وجهك جميل وضاح
وزي ما الليل بعج أسرار
نهار عينيك كمان فضاح
فضح ريداً كتمتو زمن
واهدي الكون حنان وسماح
لانك ضل سحابه جميل
موشح بي حنانو النيل

 
أعلى أسفل