محمد حسين الخير " رموشِك "

ضى القمر

:: كــاتبة نشــطة ::
يا رموشِك لمَّا تعْلِن عن وُجودا
بـَبْقى تايه
وابْدا اسأل عن مَراسيها وحُدودا
عن مَحنـَّة بتـَحْتويهم
وعن تفاؤل وحُب بِسُودا
عن معانى وعن روائِع
وعن معزَّة وعن صُدودا
اسألى العالم يجاوْبك عن رموشِك
وعن حبيب فى قلـْبو ريدِك وكيف بعِيشِك
وعن عواطِف كامْنة فى جوَّة الدواخِل تسْتـَجيشِك
وعن سفن حرْدانة تبْحِر غِير رموشِك
أسألى النجْمة فى سماها
واسألى الوردة فى رُباها
عن رموشِك وعن صِباها
وعن حنين الكون مََـلـَمْلم فى غـُناها
ويا غـُناها
لمَّا يرْسُم فى الدواخِل أحْلى آهة
ألقى رمشِك مدَّ إيدو
وفى محنـَّة إحتوانى وإحتواها
يا رموشِك لما تبْقـَى لى حبيبك مـُتـَّكاهو
وتبـْقـَى للشوق مُبتداهو وتبقى للرِّيد مُنتـَهاهو
بـِبْقـْى حُبِّك فى الدواخل
جاى من كـُلَّ المداخل
بى سُفن كـُلَّ الموانى
وبى حنين ناساً تعانى
يردِّد الكون حِسْ صَداهو
ويبْقـَى حِلـْمو يا حبيبة
نـُورعيونِك يغـْمرو فى كونو ومَداهو

 
أعلى أسفل