سامي سرالختم «رحيلك مدد الوجعة»

ضى القمر

:: كــاتبة نشــطة ::

رحيلك مدد الوجعه

رحيلك مدد الوجعه حنانك وين دروب شوفتك

رحابك ساب تباشيرك صباحك فات مساك عشعش

شعبة للقلب اسمك حروفك نبض احساس زول تعال لى بكره نحلمبك


بدل هم الوجع فينا دروب حسرات تفتشلك غناوى الحزن والتحنان

بشارة عودة المفقود سلامات جوه ليكة قاعده

بشارات عمر منتظرك مقسم حلمو فى وعدك سنين


واكتر حلم جنبك يكون حاضر يحسك جنبو يتامل

يشاهدك فى زمن صالح يسامرك فى الحقيقه


وجد بدل جواو يعيش حلمك اعود من دون عينيك تانى يزيد


جواى تحنانى الاقيك رغم انك حس معذب فينى اشجانى



رغم السفر يمرق حلم من بين شوارع الضلمه

نور تفضل ملامحك هى الاصل تهدى السراط

المستقيم معنى الامل صوتك عيونك روعتك

صمتك مشيتك فى الارض معنى الرهافه الفى الشعور


بعد الترجى الطال سنين كان انتظار من غير

مواعيد مسبقه غير المعزه الفى جواى

كما الوطن الظلم دايرو كما القلب الحزين راجي

ك تجينى ونمشى لى بكره نغنى قصيدة الرجعه نقطع

حرمة الحرمان يشب ولع الفرح فينى اعود من دون عينيك

تانى يزيد جواى تحنانى الاقيك رغم انك حس معذب فينى اشجانى

تعال لى هسع الماتت تعال لى امبارح الضاعت تعال لى بكره نحلمبك

رحيلك مدد الوجعه

نزيف الم البريدك

زاد حنانك زاد دروبك رغم ظنك لى

بعيده زمن جواك ساور

احسك فينى شدة جار ودايرك لى قليبى

الحار

اجيك صادق ممدد بى حنين اشواق....



بدل دمعه بدل وجع السنين البى اتارى

الدنيا تلعب بى دحين انساك او اتناساك

وحتما ابقى حاير شوق

مقسم حالى بين البين وبين امبارح

الوجعه

وكيف انساك وكت يبقى النبض ذكراك

ويبقى الفينى كلو هواك
 
أعلى أسفل