الفاتح الدخيري «مرقتك من جواي»

ضى القمر

:: كــاتبة نشــطة ::
مرقتك من جواى ؟؟
مرقتك من نفس الكتابه
وشهقة سطور
ومن معاني
الحروف والقرايه
مرقتك من
جواي ملفوفه
بلهفة الشوق
ولسه ريدي
بكتب في البدايه
*
*
*
(2)
مرقتك من
مقاطع الغنا الأول
ومن مشاعر
عرشت فوقك
ضل مداخلك معايا
مرقتك من
حلم كان جايبني ليك
قبل تبدا البدايه
ومرقتك من
وحشة الغربه
ال ما بتعرف نهايه
ومرقتك من
دوبيت ومن عديله
وجرتق ممدود
بشعري وغنايا
مرقتك
من عيوني ..
يا عيوني
مكحله بريدي
واحساسي
ما احساسي فيك
نازف من حروف الدوايه
مرقتك من
قلبي مكتوبه
بنبض النبض
مرسومه
بالاندهاش
مسطرة
بملامح هوايا
مرقتك
من نفسي
لأنك بتجري
في دمي
وتبقي انتي
ملامح المرايا
مرقتك من
دهشة المعاني
ومن تفاصيل
تفاصيل غنايا
لأنك مشارق
الأبد الما بتعرف نهايه
مرقتك من
ذكر الدراويش
وتقابة القرايه
مرقتك من
دفاتر ومن بيادر
ومن أحاسيس
ودفقة مشاعر
ومن ايقاع الروايه
 
أعلى أسفل