أرتيقة مصطفى الجيلاني «وطن بكرة»

ضى القمر

:: كــاتبة نشــطة ::
وطن بكرة


وطن قامة
وطن جنة
وطن بى حبو
نتغنى
ونتمنى
يقيف نزفو
يطيب جرحو
يشق الليل
يقيف طولو
يطول عزاً
زمان هولو
ونتمنا ..
وطن واسوق وطورية
وطن حلم المزارعية
وطن موية
وسرف بترول
يقيف فى وسطو
داك الزول
يقول للدنيا
ديك عموم
قمح ساكت بكفيكم
وبرويكم
وطن سلة
وهبة الله
وطن خيراتو
منشرة
وحد ما تمشى
تترجاك
ارض مروية
بى عرق
الرجال الشم
ونتمنا
سلام وامان
بدل لغة
الرصاص والدم
نشمر عن سواعدنا
ونبنيهو
ننشر فى ربوعو
علم
نعليهو
وننشد للصغار
الجاية
يوم باكر
اغانيهو
 
أعلى أسفل