هل ما زلت تفخر بأنك سوداني !!

Ana Mnkom

Ana Mnkom

:: مُـشــــــرِف ::
بعيدا عن التعصب والحساسية وشعارات وطنية مفرطة عن الحد وبدون انفعال عاطفي هل انت في الوقت الحالي راضي وتفتخر عن كونك سوداني ؟.
 
Ana Mnkom قال:
بعيدا عن التعصب والحساسية وشعارات وطنية مفرطة عن الحد وبدون انفعال عاطفي هل انت في الوقت الحالي راضي وتفتخر عن كونك سوداني ؟.
أنقر للتوسيع...

السؤال طالما استبعد فقط الحساسية والشعارات الوطنية والإنفعال العاطفي, ولم يستبعد أشياء أخرى على درجة كبيرة من الأهمية تعتبر ركائز أساسية للفخر بالإنتماء وهوية البلد, فالإجابة نعم بالتأكيد

الأشياء الأخرى مثل صون الكرامة لسكان البلد وإتاحة الفرصة لأكل عيش دون احباط أو مسكنة, كما مقدرات الأمة .. بنيات تحتية, مؤسسات العلاج والتعليم, تسليح يردع الآخرين عن التفكير في انتهاك السيادة, تنمية شاملة
 
بلد غارقة فى الفساد والحروب العبثية يعانى انسانها الفاقة والجهل والمرض والاحباط والقهر والظلم وسادية الطغمة الحاكمة منذ عهد المهدى الكبير وحتى تاريخه
كلمة معاناة فى حد ذاتها ليست بالوصف الدقيق والمعبر . نحن لا نختار اوطاننا ولكن بكل صدق حاجة مؤسفة ومخجلة انك تكون سودانى
كسرة
واى زول عامل فبها وطنيتو زايدة قبال ما يجى ناطى ويدينا حصة فى التربية الوطنية انا متاكد مية فى المية لو خيروهوا بين جنسيته السودانية بالجنسية الامريكية مثلا او البريطانية او حتى الخليجية خياراتو ستفضح وطنيته الزائفة
كسرة تانية
البلد كلها طشت والشعب السودانى الفضل ظروفو القاسية بث هى المنعتو يهج ويبقج
 
السودان وسكان السودان من اجمل واطيب الناس الذي تعرفت عليهم
 
مازن سخاروف قال:
السؤال طالما استبعد فقط الحساسية والشعارات الوطنية والإنفعال العاطفي, ولم يستبعد أشياء أخرى على درجة كبيرة من الأهمية تعتبر ركائز أساسية للفخر بالإنتماء وهوية البلد, فالإجابة نعم بالتأكيد

الأشياء الأخرى مثل صون الكرامة لسكان البلد وإتاحة الفرصة لأكل عيش دون احباط أو مسكنة, كما مقدرات الأمة .. بنيات تحتية, مؤسسات العلاج والتعليم, تسليح يردع الآخرين عن التفكير في انتهاك السيادة, تنمية شاملة
أنقر للتوسيع...

ماذا تبقي هناك ليكون مدعاة للفخر علي كافة الأصعدة!!
أبنائنا يرسلون كمرتزقة في حرب اليمن.
أطفالنا يموتون ويغتصبون ويشردون ؛ حرائرنا تهان وتغتصب.
مواردنا تنهب وتسرق وتستغل ضدنا..
الجوع والفاقة ضربت بظلالها علي كافة الشعب بينما ينعم بالثروة قلة تنتسب للمؤتمر العفني والاسلامويين فما الذي يدعونا للفخر بسودانيتنا والشعوب من حولنا تتحرر من حكم الطغاة..
كيف نفتخر واراضينا في مثلث حلايب والفشقة مغتصبة!
ولسان حالنا يقول كان أبي..
 
ود سنترها قال:
بلد غارقة فى الفساد والحروب العبثية يعانى انسانها الفاقة والجهل والمرض والاحباط والقهر والظلم وسادية الطغمة الحاكمة منذ عهد المهدى الكبير وحتى تاريخه
كلمة معاناة فى حد ذاتها ليست بالوصف الدقيق والمعبر . نحن لا نختار اوطاننا ولكن بكل صدق حاجة مؤسفة ومخجلة انك تكون سودانى
كسرة
واى زول عامل فبها وطنيتو زايدة قبال ما يجى ناطى ويدينا حصة فى التربية الوطنية انا متاكد مية فى المية لو خيروهوا بين جنسيته السودانية بالجنسية الامريكية مثلا او البريطانية او حتى الخليجية خياراتو ستفضح وطنيته الزائفة
كسرة تانية
البلد كلها طشت والشعب السودانى الفضل ظروفو القاسية بث هى المنعتو يهج ويبقج
أنقر للتوسيع...

اذا كان من في سدة السلطة يحملون جوازات أجنبية..
في ظل الوضع الحاصل أصبح الوطن طاردا والكل يريد أن ينجو بنفسه وأسرته من هذا الوضع ولتذهب الوطنية والوطن للجحيم ..
حقيقة شيء مخزي أن يصل أحوال العباد لهذا الدرك..
 
حكومة السجم والرماد مع انو كل عبر الدنيا ورزائلها لابسنها جلابية منقوعة فى رواسب سابتك تانك داكنة ونتنة لا تتحمل الوزر جله . كثرة من الشعب السودانى فى عضمو تغيرت مفاهيم ومثل راسخة كانت تميزه عن بقية الشعوب الكل اصبح يستغل الكل ( اصغر منك دوسو ) وتفسخت الاخلاق وانتشرت الرزيلة وانتشرت جرائم يندى لها الجبين وكنا نسمع بها عند الاخرين ( القتل والاغتصاب والتحرش والنهب والاحتيال وزنا المحارم وكل الموبقات ) الايام الفاتت دى امام البنوك والصرافات الخاوية على عروشها من الكاش وعلى عينك يا تاجر وبدون خجلة ( المليون شيك كان بتباع بتسعمية كاش ) وكل الازمات على كثرتها اصبحت وسيلة للتكسب والتربح واستغلال حوجة الناس . للاسف مافى زول برفع من زول ومافى زول برحم زول واى زول شغال شغلتو بمزاجو وبالسعر البريحو عجبك تشيل ما عجبك تتفكفك وتبقى مارق
كسرة
اتا قايل الناس دى ساكتة على الحكومة دى ساى ؟ كلو بيسترزق وكل ما تزرقن زيادة ماشة باسطة هههههههههههه
 
ود سنترها قال:
حكومة السجم والرماد مع انو كل عبر الدنيا ورزائلها لابسنها جلابية منقوعة فى رواسب سابتك تانك داكنة ونتنة لا تتحمل الوزر جله . كثرة من الشعب السودانى فى عضمو تغيرت مفاهيم ومثل راسخة كانت تميزه عن بقية الشعوب الكل اصبح يستغل الكل ( اصغر منك دوسو ) وتفسخت الاخلاق وانتشرت الرزيلة وانتشرت جرائم يندى لها الجبين وكنا نسمع بها عند الاخرين ( القتل والاغتصاب والتحرش والنهب والاحتيال وزنا المحارم وكل الموبقات ) الايام الفاتت دى امام البنوك والصرافات الخاوية على عروشها من الكاش وعلى عينك يا تاجر وبدون خجلة ( المليون شيك كان بتباع بتسعمية كاش ) وكل الازمات على كثرتها اصبحت وسيلة للتكسب والتربح واستغلال حوجة الناس . للاسف مافى زول برفع من زول ومافى زول برحم زول واى زول شغال شغلتو بمزاجو وبالسعر البريحو عجبك تشيل ما عجبك تتفكفك وتبقى مارق
كسرة
اتا قايل الناس دى ساكتة على الحكومة دى ساى ؟ كلو بيسترزق وكل ما تزرقن زيادة ماشة باسطة هههههههههههه
أنقر للتوسيع...

الانحطاط الأخلاقي الذي أصاب المجتمع حدث ولا حرج فالقيم والأخلاق التي شكلت شخصية السوداني قد سقطت في مستنقع الاسلامويين النتن وتشوهت.
لا يخلو مجتمع من الانتهازيين الذين يستغلون أزمات المواطن للتكسب الرخيص وهي ثقافة انتشرت في عهد الكيزان لانهم من كانوا لهم القدر المعلا في استخدامها. شراء الشيكات 1000 جنيه ب 900 هو أسلوب جديد بالاتجار بالعملة..
من هؤلاء ومن أين يتحصلون علي الكاش!! حتي العملة المحلية يتم الاتجار بها!!
 
Ana Mnkom قال:
الانحطاط الأخلاقي الذي أصاب المجتمع حدث ولا حرج فالقيم والأخلاق التي شكلت شخصية السوداني قد سقطت في مستنقع الاسلامويين النتن وتشوهت.
لا يخلو مجتمع من الانتهازيين الذين يستغلون أزمات المواطن للتكسب الرخيص وهي ثقافة انتشرت في عهد الكيزان لانهم من كانوا لهم القدر المعلا في استخدامها. شراء الشيكات 1000 جنيه ب 900 هو أسلوب جديد بالاتجار بالعملة..
من هؤلاء ومن أين يتحصلون علي الكاش!! حتي العملة المحلية يتم الاتجار بها!!
أنقر للتوسيع...
دى تقليعة جديدة كرت كرتونة خلقتها ازمة السيولة والشفوت ديل مفتحين يا عمك ما بشتروا الشيك ساكت احتمال يكون مضروب او بدون رصيد . ديل بدوك رقم حساب محدد تمشى تورد فيهو الشيك وتجيب ليهم اشعار التوريد حتين بعد داك بسلموك كاشك ( ما عندهم زمن لى جرجرة وشيك احتمال مسروق ولا لقيتو واقع ولا بدون رصيد ( امسك لى واقطع ليك )
كسرة
سلمنى نضييييييف اسلمك نضييييف ههههههههه
 
Ana Mnkom قال:
من هؤلاء ومن أين يتحصلون علي الكاش!! حتي العملة المحلية يتم الاتجار بها!!
أنقر للتوسيع...

واضحة يا حبيب وما دايرة ليها درس عصر
ديل مجموعة من الاذناب والجوكية والصواريخ مشغلنهم الكيزان يقلبوا ليهم قريشاتهم لانو اصلا مافى زول بقدر يسحب من حسابو كاش غيرهم والفى يدو القلم ما بكتب شقى
كسرة
الرزق تلاقيط وقال ليك برضو الرزق بحب الخفية ههههههههه
 
بالنسبة لي اعتبر حمل الجواز السوداني ورطة كبيرة وقدر احمق وبالتالي علي التعامل مع السودان كمنفى محتمل ووطن بحكم الصدفة البيلوجية ومن لم يجد مايحب حب ماوجد
كسرة
تحسن الوضع الاقتصادي في السودان قد يخفف علي الغربة
فيها ولكن هيهات شظف ومنفى
 
ود سنترها قال:
دى تقليعة جديدة كرت كرتونة خلقتها ازمة السيولة والشفوت ديل مفتحين يا عمك ما بشتروا الشيك ساكت احتمال يكون مضروب او بدون رصيد . ديل بدوك رقم حساب محدد تمشى تورد فيهو الشيك وتجيب ليهم اشعار التوريد حتين بعد داك بسلموك كاشك ( ما عندهم زمن لى جرجرة وشيك احتمال مسروق ولا لقيتو واقع ولا بدون رصيد ( امسك لى واقطع ليك )
كسرة
سلمنى نضييييييف اسلمك نضييييف ههههههههه
أنقر للتوسيع...

دائما هؤلاء الكلاب سباقون في ابتكار وسائل استغلال المواطن حتي كمان لا يمكن تدقيسهم..
 
التعديل الأخير:
ود سنترها قال:
واضحة يا حبيب وما دايرة ليها درس عصر
ديل مجموعة من الاذناب والجوكية والصواريخ مشغلنهم الكيزان يقلبوا ليهم قريشاتهم لانو اصلا مافى زول بقدر يسحب من حسابو كاش غيرهم والفى يدو القلم ما بكتب شقى
كسرة
الرزق تلاقيط وقال ليك برضو الرزق بحب الخفية ههههههههه
أنقر للتوسيع...

لا يوجد من يكتنز الأموال غيرهم اصطنعوا أزمة السيولة ليستغلوا المواطن من جهة اخري.
لكن برضو اقول نستاهل لاننا شعب جبان لم نستطع صنع قدرنا..
 
اسماعيل جبريل قال:
بالنسبة لي اعتبر حمل الجواز السوداني ورطة كبيرة وقدر احمق وبالتالي علي التعامل مع السودان كمنفى محتمل ووطن بحكم الصدفة البيلوجية ومن لم يجد مايحب حب ماوجد
كسرة
تحسن الوضع الاقتصادي في السودان قد يخفف علي الغربة
فيها ولكن هيهات شظف ومنفى
أنقر للتوسيع...
الجميع فى دواخلهم يحسون نفس احساسك بث فى ناس بتكضب وبتغش فى نفسها قبل ما تغش الناس بوطنية مزعومة . قالوا الصدق لو ما نجاك الكضب ما بنجيك . عندما يصبح الوطن طاردا اقنع من خيرا فيهو
كسرة
بركة الشوفة وعيد مبارك
 
اسماعيل جبريل قال:
بالنسبة لي اعتبر حمل الجواز السوداني ورطة كبيرة وقدر احمق وبالتالي علي التعامل مع السودان كمنفى محتمل ووطن بحكم الصدفة البيلوجية ومن لم يجد مايحب حب ماوجد
كسرة
تحسن الوضع الاقتصادي في السودان قد يخفف علي الغربة
فيها ولكن هيهات شظف ومنفى
أنقر للتوسيع...

سمااااعين انزيك وكل عام وأنت وأسرتك بخير..
بلد تفتقر لمقومات الحياة الآدمية وتفتقر للأمن والأمان والاستقرار حتي الاكل والشراب في تلتلة كل شيء معدوم وغير متوفر فما الذي يجعلنا نتمسك بسودانيتنا!
 
Ana Mnkom قال:
سمااااعين انزيك وكل عام وأنت وأسرتك بخير..
بلد تفتقر لمقومات الحياة الآدمية وتفتقر للأمن والأمان والاستقرار حتي الاكل والشراب في تلتلة كل شيء معدوم وغير متوفر فما الذي يجعلنا نتمسك بسودانيتنا!
أنقر للتوسيع...
كل عام وانت واسرتك بخير
المشكلة الناس عايشة في غيبوبة على سبيل المثال احدهم كتب تعليقا ياجماعة مباراة فرنسا وبلجيكا كم نتيجتها كهربتنا قاطعة من العصر هههههههههه
زي دا تدي بالشلوت
 
افتخر بسودانيتي رغم أن السودان أصبح ملطشة لكل من هبً ودبً

بسبب سياسات المؤتمر الوطني الصبيانية

افتخر رغم إهانتنا ومذلتنا من أبالسة المؤتمر الوطني لمدة 30سنة وقابل للزيادة

إفتخر لأني واثق بأن حواء السودان ولودة لكي يأتي من يقيم العدل والدولة المدنية ولا ظالم ولا مظلوم بيننا
 
Ana Mnkom قال:
بعيدا عن التعصب والحساسية وشعارات وطنية مفرطة عن الحد وبدون انفعال عاطفي هل انت في الوقت الحالي راضي وتفتخر عن كونك سوداني ؟.
أنقر للتوسيع...
بدون تعصب : سؤالك ده امشي اسألو لزول واقف في صف العيش .
بس خلي بالك من راسك وما تعصب
 
يجب تسجيل الدخول أو التسجيل كي تتمكن من الرد هنا.
أعلى أسفل