/ نـــــــاكل لــــــــــــوبة //

ود الأصيل

:: كاتب نشـــط::
/ نـــــــاكل لــــــــــــوبة //
[] و مالو يعني ، ما نـــــــاكل لــــــــــــوبة![]

تنويه لمن يهمهم ، أو لا يهمهم الأمر:
® ي جماعة الخير بصراحة متناهية كدي،
عشان "عيون المها ما بين الرصافة و الجسرِ
ما يقومن يجلبن لينا الهوى من حيث ندري و لا ندري"، فالعبد لله
زول واسع الانتشار في القروبات عبر أثيرالأسافير؛ و بأسامي ظاطو
ما تديك الدرب ، وحيثما وُجِدَتْ الأجواء الرطبة: ففي الراكوبة/ محسوبك كان/
ابن البادية و حاليا ود الأصيل؛و في ولاية نهر النيل و ود حامد/ ود العزتين،
الخمج
الحلتين؛ في الغريبة شمال عطبرة/ باسم حقيقي؛ في العريجاء ريفي العزازي

/ود الأصيل ، ثم سنمار ؛ في الواطس/ ود الحيشان التلاتة ؛ في الفيس/Sinymmar /
aabersabeel و أخيرن، في ود مدني و العريباب / aabersabeel. لأنو ياخي شايف
النقة كترت .فأي حاجة تلقوها ملطوشة كدي و لا كدي فهي من حر بنات أفكاري
و تشابه أبقاري و تشابك حنابل أمطاري .
يعني ححتى لو سراق فبَسرق من
جُزْلاني
براي. بس شغال بيهن طواقي؛ من هنا لي هني .
ترا متل حكاية {أبو الدرداق و عرسو لستي قمرة}.

*****(((((1)))))*****
@ أهااا، بعد الفواصـــــل دي ، ممكن نرجع بكم لموضوعنا،
اللي هو "ناكل لوبة بي دغلوبا" عدييييل كدي من الجريف و اللوبيا !!
نان و تيب،و مالو ياخي؟! موش ترا قالولنا بروتين (برمائي)؟! أخير لينا
من حاجة قرففف اسمها: (جلافيط القعونج) اللهو ظاطو لمن سمع
تصريحات عمك/وزير صحتنا الاتحاي النارية ديك طبعن أخدا على محمل
الجد. و قام يتعزز الليمون، و صابو هلع جري الخلا لبد اندس عمل نظام
بيات شتوي قبال أوانو. أها ملاحظين إنو و رغم عنف الخريف دا و كترت
الطمل في حلتنا و لا قعونجاية واحدة ما سمعناها تاني قالت
(غوووغ)، تحين ما قلتو نوبة؟! أها عاد تحين جنس دا ما خير
منو نمدغ صفق نيم و نحلي قرض راسو عديل!!؟

* مع تحيات/ ود الأصيل،،،
 
التعديل الأخير:
اقتباس المشاكسة الأصلية كتبت بواسطة أبو صديق مشاهدة المشاركة.
* صباح الخيرات ود الأصيل يا ود العزتين و يا عابر السبيلين يعني هسي اللوبا دي بايته
( قصدي من الأرشيف يعني ). دا أولاً.ثم ثانيا إنت ما تركز ليك علي إسم واحد ماااالك
زي التقول مساكك ليك في شيك طاير.


(2)
® بو صديق و مساكم بكل صباحاتٍ رابحاتٍ و أماسي بكل خيرٍ نافحاتٍ.
حللت أهلاً و نزلت سهلاً بهذه الاستراحةالنفاجية الخالصة والمتواضعة
على طريقة أهلك ناس ود مدني على طريقة (راكوبابنا) عنقريباب الحرس
القديم ناس ود التهامي، و نسمة الصباح و ست أبوها و دبوية بت المطر؛
يا حليلم و حليل دواز بطراهم و بطرا أيام زمانم الخرافي.
*****(((((+)))))*****
@ و أما بالنسبة لسوعالك عن نوع اللـــوبة ؛ فلو قصدك بايتة هي،
فلازم تحدد. لو زول جروف عندنا الفوك(لوبة عفن)دي نفاخا قبض أيد.
و كان زول تقانت عندنا لوبة عدسي دي لبليلة رمضان؛ غايتو مع الصيام
ما بتنفع ، علا عاد كان تربطلك(كوز) موية غليد كدا في صرتك
مع حقة الصعوط و محكاكة الملود .

*****(((((+)))))*****

© و أما لو قصدك الزول الماكلا يكون بايت القَوَىْ ، فذاك شأن آخر.
خسوسن كمان،لو رقد ليك رقدت الشيح و عكس مراقد الريح؛لأنها بتفرز
حامض (Lobic Acid)؛ و دا بقى أخطر من غاز ثاني أوكسيد اللعوتيك الفتاك.
و محرم تداوله دولياً باعتباره سلاح دمار شامل و تناوله و قد يرقى إلى جريمة
ضد البشرية. و أما عن كترة الأسامي ففعلا أنت تاريك ناقشا كويس شكلك مجرب
ياخوي ، و بتنفع لشغل الطواقي و الشيكات الطايرة. و لو ملاحظ حتى الانتماء
العرقي برضو صحن فتة. دا كلو لزوم سهولة المناورة ،عند حالات الضرورات
التي تبيح المحظورات.ياخ، و لا خليــك؛ ظنيتك ماك عارف الباقية ساكت!!
***(((((+)))))***
 
شوف عين وما سمع حاليا فى امبدات وغرب الحارات البليلة العدسية تزيح الفول من عرشه وتحتل ( قدرته ) كبديل اقل سعرا فى جميع الدكاكين
كسرة
البلد دى ماشة ويييين ما معروف حتى الفول رفع نخرتو علينا وطلب الفول عامل تلاتين جنيه وكمشة واحدة بث
 
شوف عين وما سمع حاليا فى امبدات وغرب الحارات البليلة العدسية تزيح الفول من عرشه وتحتل ( قدرته ) كبديل اقل سعرا فى جميع الدكاكين
كسرة
البلد دى ماشة ويييين ما معروف حتى الفول رفع نخرتو علينا وطلب الفول عامل تلاتين جنيه وكمشة واحدة بث
تعظيم سلام ليك ود سنترها و ربك غايتو
يجيبو قوي، و لا نملك علا نقول
ربا لا
تُؤاخذنا
بما فعل السفاء منا ، و لا تسلط ع لينا
من لا يخافُكَ و لا يرحمُنا
@ عندنا ليك مشاكسة بهنا واصلة من عمك​
راكبابي ملحوتابي كبير هو / بشير ود التهامي:
بقول لي: حليلك يا عمك هوي النايم علي حيلك
و هو اللوبا قالولك نان هين ...؟!هسع

دحين (ملوة) اللوبا براها بي كم؟!
٪٪٪٪٪٪٪٪(((+3+)))٪٪٪٪٪٪٪٪
® قلنالو: بشة ي عمگ، يعني مداقرننا حتي في اللوبة عفن دا؟​
ياخ دا قاعدين يداعونا بيهو. وكتين يشوفوگ مطنقر عامل ضبنان
ضكر و ما دايرين بهببوگ، ترا يقولولك: "إن شاء الله نوفاخ
اللوبة الفوك الما ينفك"

© أها عاد كان كدي الواحد علا كان تاني يضرب الخلا و الصي​
سااه ؛ يعيش نباتي مع الطبيعة؛ يعني كان يشوفلو ضريصاء و لا بيت
نمل؛ يتعشا بشوية رشوشة من( دِفْرِنش) نملة، مگشنة بي بصل كلاب؛
و عليها تلاتة (كيزان) موية گدي غولاد ، من ترس الحقنة، يطفحا بيهن.
بعدين يظبطا ليك بي شاي مدنگ گدا، و گمان مقنن بلبن عوشر . و يلا
من ثمة يمش ينبطح ليگ تحت نيمة مرشوشة، يرقد مراقد الريح؛ و عاد
يسويلگ سوات ( الشيح) و مراقد الريح مع ثاني أوكسيد اللعوتيك.
 
صدق بشير ود التهامى اللوبا بشقيه ( العدسية والعفن ) خاتيهم اللوم تب وما هينات الهوان نحنا
كسرة
اللوبا عفن عفانتو شنو ؟ على الطلاق العفنين نحنا الراضخين وساكتين . و برضك احسن من ( القعوى ) القال لينا حميدة اكلوهو هههههههه
 

  • (((((4)))))*****@ود صنطرها ياخ و الله بالجد القلوب شواهد،،، أنا جيت هنا ساكي لي زولن بقولولو ود التهامي علا فعلاً لقيت روحي رايح وسط أخوان من أطعم النفاجية في نخبة النخبة .. طيب على حس اللوبة و الحديس طبعن دايمن بجيب باقي العريس!!فتعال نگرم مثواگ بشوية طرايف من حلتنا.*****(((((4)))))*****ناكل لوبة با سليقة بي مهيوبة!![] فمن شر البليلة ما يضحك!!! و قبال ما نخش في غريق اللوابي و كدي، قالگ: واحد من عروبنا ديل( معطرب) و شالق متل صاحبي قشير دا، جايب أبناهو و جاي من الخليج كرت كرتونة ؛ و مخلي رحاب الحرمين الشريفين وراه و قال داير يقضي العشرة اللواخر وسط العشيرة في ربوع تاس )أم صفقن عوراض)، غادي من تبول واتا مصبح على جبل اللبايتور .∆ فتاني يوم بدا يدق جرس. قال جاهو ملل شديد من ثالوث المعاناة:(عطش+ كتاحة + نمطية حياة ريفية). العصار يقوم من نص صنقورك ؛ مع جو الرتابة موت بطيء، من كثرة التكرار في كل شيء. *****(((((+)))))*****فلاحظ إنو الحلة دي عن بكرة أبيها تقريباً، عدا من رحمه و فتح عليه ربك بقرشين حلوين ، يصومون و يفطرون علي صنف واحد فقط لا غير، هو/ (السليقة): يمرقو كل صباح على الجزارات ريقان ريقان، يجيبو ربع أو تمن الكيلو دا شايلنو مصرور مضارينو في تيابم ، متل (فسحة الفحص) عند الدكتور، و عليه فرطاقة بصلة و سلقة ملحة و شوية موية . والبعدم خالس، ممكن يضبحو لوبة تمشي حاجتين( بليلة + ملاح) يضربوه مع جك من الشيء وضده آبري /(حلو مر). و يلا عليها!! *****(((((+)))))*****¶ بعد داك يا التراويح جوك ناس ، متعودين يصلوها بالفاتحة و معاها بس سورة فرد واحدة من الخفايف متل ناس/ الإخلاس (قل هو الله أحد ) أو الكوثر ( إنا أعطيناك ا لكوثر ) عشان يرجعوا فسراع فسراع يتكاملو النوم دايخين متل جداد سمير. الساعة تمانية دي شفتا لو في جنازة ما تلقى طفاي النار البسترا . ياخي ديل قال ليك : مرة كدا عمك إمامن الراتب شكلو تقل ليك العيار في السليقة شوية و (بطنو مگركبة).∆ فقامو بالعدم ، جبدولم واحد أظنو ضيف جايبو الدرب ساه قالولو يصلى بيهم. عمك داقس كدا ، ما كان ناقش النظام عندهم: إنو كل الركعات من قولة تيت للنهاية بنفس الوتيرةفقام هبش ليك راس ( و الضحى و الليل إذا سجى). فتعالت أصواتهم محتجين من خلفه يزجرون و كادو يضربونه لامن اتلخبت ظاطو. قام اتنحنح و نضم فب الصلاة قال ليهم: في شنو يا جماعة مالگم ؟! فردو ليك بي حس فرد گورالي واحد " " يا زول ،دي مي ياها السورة القريت بها مع الفاتحة دي
 
تسلم كتير الاصيل ود الاصلاء
كسرة
وبالمناسبة شخصى الضعيف متابع جيد لكل تغريداتك وسردك السهل الممتنع . واصل بدون فواصل
 
تسلم كتير الاصيل ود الاصلاء
كسرة
وبالمناسبة شخصى الضعيف متابع جيد لكل تغريداتك وسردك السهل الممتنع . واصل بدون فواصل
(5)
أولاً متأسف ليك يا ود صنترها لامن سافي الدغناء
و تعذرني يا اغلي من غالي . لومي معاك البل ما يشيلنو .
علا و الله لو بإيدي كنتا أهديك عيوني و أسقيك من وريدي
بس تعبان مع الراكوبة المتابعة مشكلة من يوم السبت بعافر
برضو معليش الكي بوردحق موبايلي مخستك معانا.​
.
بس عان جاي : رغم عنف الخريف دا وكترت الطمل في حلتنا
و لا قعونجة
واحدة ما سمعناها تاني قالت غاغ، تحين
ما قلتو نوبة؟!!

عمومن ، ربنا يمتعك بالصحة و العافية يا ود صنطرها
و طبعن القعونج دا بكون انخلع من سمع بكلام وزير
الصحة
زمان بانه مفيد و به بروتينات بالكوم . عشان كدا لبَد مشاققة:
ونحنا قبلنا على البديل اللوبة . ياخ هو قاليك فوائد اللوبة
شوية؟ خاستن في أيامات الخريف ديل.

و طبعن ، موش الضفادع براها الفهمت الرسالة ،
إحنا ظاتنا مفروض الكلام يكون ليك أنت يا المشتح
اضنيك أيوة و مال قايل شنو؟! دي مش تعليمات
طبيب، دا وزير صحة راسو عديل .و يا وزير
الصحة هوووي قوم أص
حى.





 


٪٪٪٪(((6)))٪٪٪٪
® ناگل لوبة بي دغلوبا))
تعرف يا ود صنطرها ، أنا بجيب ليك محني مع
فردتي ود التهامي كنا شَلة عاملين ثورةكونية هنا،
زمن الناس حُنان و العنقريب بشيل طلطاشر نفر بالراحة؛
و مصران العرنون طول السلب . فالمشاكسة الجاية دي كتبها
بشير ود تهامي قال:يازول مساكگني انا مالي گمان؟! مدين منك
قريشات و علمتا ظغبير وماشفتني تاني...؟!انا متلي متل
(ود شلعي) بجي داخل تووووشك و بمرق جب جلب جنبلغ
لأنو (يد في الموية ) و (يد في النار)..؟! بس حسب
معلوماتي الرهيفة وغير موثوقة (المريسة في الغرب
تعتبر وجبة فطور وكدي) فشنو ليك؟!
***** (((+++)))*****
® قلتلو اسمع قشير يا حامل المسگ، والله ياها، كان قالولك سمين،.
علا بس تسكت ساي و تقول يامين. هي و نان آعشا البيتات البدرج العاطلات.
و مقنع الكاشفات هي و نان أنا عندي قريشان بزوغو بيهن. كونتا مستني
ضحيتي سواكني يجيني من أخوانا (المعطربين) عايم گاطع بحر المالح
من طرفگ و لا من عبدو؟! و كان بالنسبة لمعلومة المريسة أعلاه ،
دي شكلك لاطشة حااارة بالشوكه و الشنكارمن عماتك ناس
بت أبوها و (حوا بت عبد ربب النبي) لو بتطراهن بالخير؟!

© أها قت لي جماعتك ظابطنها على(الاخلاس) و بس.
لأنو أقل تأخير، نفاخ اللوبة بشوف شوغلو و بعدين نبقى
في(حاو و تر). ههههاي من البساطة البتفقع المرارة.

@ عشان كدي كل ما تهل بشايرالخير. رمضان أحلي في السودان .
و إن شاء الله ديامن تامين و لامين .و عشان كدا بالجد "وا شريري نا
و يا حليلي نا النايم على حيلي،لو ما كنت سوداني؛ و ناس أمحمد و عطانا
ديلا ظاطو ماهون أهلي".

¶ فياريت ي بشة تجونا كل شوية تغيرو معانا جو في نفافيج (أم صفقن عراض).
و خلك من الجماعة ديل اللي رمضان دا فرصتنا الوحيدة يضوقو معانا (الحلو مر)
و بعداك تاني يواصلو باقي فصول السنة هم حلو (بس) و نحن مراير و (بس).

¶ متلما برضو الضحية بياكلو معانا المرارة،؛ و يفكونا عكس الهبباي،
نرجع تاني: نحن لوبة لوبة؛ هم توبة توبة؛ و دهن النغانغ دا تلقاهو
سايل البسداغات لحدت الكيعان) ناس مرطبة ياخي، و ناس مهببة.
*****(((((+)))))*****

فَمَنْزِلِيَ الفَضَاءً و سًقْفُ بًيْتِي** ‏سَمَاءُ الله أو كٌتًلُ السَّحَابِ
فأَنْـتَ إذا أردْتَ دخـلتَ بَيْتِي *** عَلَيَّ مُسَلِّمـاً من غَيْـرِ بـابِ
لأني لَمْ أجِدْ مصـراعَ بابٍ*** يَكُوْنُ من السَّحَـابِ إلى الترابِ
 
(7)
سمح هاك النختم ليك الوصلة دي بواحدة و بمش و بجيك:

@ الجنا باشري تراهو باقي جناين ويحيد أمو . ترا عايشين بالكفاف..
أها لهمة الكسرة دي يوم بي بصارة، دُقَّة ملحة و شطيطة يَتِفًّو فوقا
بصلة و يظرطوها يبلعوها متل الشي الكعب.و كان غيروا خلااااس
علا بي ملاح لوبة و لا ويكاب (Wake-Up) لانو بِنَعَّس . حيلتم بس
معزاية تقرتن فرد و احدة بحلبوها لي طنوب اللبينة، و دحيش
نعير يركبوبو لي (طــاحونة الأنيــن). و عندهم حبيبات فتريتة
زي اردبين مدفونات في مطمورة في صفاق البيت.
# فيوم أمو مرقت ليها لي ناس بكا فالزول دا انتهز فرصة​
غيابا و غفلا ليك قام يتشوبر قلع المطمورة مشى جلب العيش​
باعو في سوق تمبول. فا جات أمو سعلتو . قال داير يحفر​
ليهم مُسْتُراح (لزوم يطلوع فوقو زي الناس) قال يرتاحو​
ساااه من المزازاة بي شدر العَشَر و بُتُّق الللعوت.​
# أها قامت أمو لامن جات راجعة لقتو خارب سوبا.​
فسعلتو وراها بالحاصل. قامت زعلت شدشد و قالتلو:​
" هي و نا يا الخزين الدُخريو عشا البايتات ،يا البدرج​
العاطلات، تحين أدبخانتك البدور تحفرا دي بتملاها بي​
شنو ،و كتين بعت مونتنا و قَمَّحْتنا عدَّمتنا البُتَّابة؟!!​
 
ربنا يكرمك . ومنتظرين عقاب محنك مع ود التهامى
كسرة
لينا زمن ما ضحكنا اضحك الله سنك ( ﺯﻣﻦ ﺍﻟﻀﺤﻜﺔ ﺑﻘﺖ ﻣﻔﻘﻮﺩﺓ ﻭﻛﻞ ﺍﻟﻜﻮﻥ ﻟﻠﻔﺮﺣﺔ ﻳﻨﺎﺩﻱ)
 
ممتن للنخاع لحضورك البهي معنا يا ود صنطرها
و يبدو لينا عترنا في ود تهامي بهنا فألف مرحب بيك.

اقتباس المشاكسة الأجاية كتبت بواسطة /
اللدود الودود بشير ود تهامي. فإلى مشاهدة المشاركة:

@ لالا يا ود الأصيل بس فاكر. علا بس في بوستن كان حق
zekra ،اسمو (خالتو آمنة ست العرقي غلبت البوليص)؟؟!!بعدين
(ام طرقاً عراض) دي الظاهر عليهو كان عندكم واحدة (فالحة في العواسة)
و طرقتا عرييضة بلحيل و من هنا أتي الاسم؟!(هو انتا قايل أي زولة بتعرف
تعوس) ههه اسكت ساااي (جنس خرمجةهي لكن) ولا في طرقة من اصلو في
شلاتيت و شراميل طرقة وكدي .؟!حليل (طرقة الكسرة البترحمن ديك) طرقة
واحد بس يعطنوها لي في (كورية الروب) تاكل وتشبع وتشرب الباقي وتتكرع
لا من تدَّشا و تحمد سيدك حمدا يوالي نعمه ..واحات الله وماك رايدني حليفه
لما كان الناس عقيدتهم سمحه وقلوبهم منشرحه (كان الغنمعندنا تلد تيمان
جوز جوز) (سخلة وعتود)..علا هسع دي حدث ولا حرج ...؟!
فاللهم لا تمحنا لا نبيلنا ×؛ و حسبنا الله و نعم الوكيل
*****(((((8)))))*****
# لعلك تقصد يا بشة أيام ربع الرطل يدفس القزازة لي حنكَّا،
و متر مصران البمبار متل حبل المهلة يربط و يحل، تحين مو كدي ي بشة؟!
عمومن ،لا أملك سوى الوقوف مشدوهاً أمام هذا اليراع النابض بالحيوية وهو
دافعني دفعاً للخروج من عزلتي المجيدة و لاجمني لجماً بلجام من نار لأقول خيراً
أو لأصمت. فيبدو أنني واقع و لا محالة في شر أفعالي إذ أجاري خيولاً عربيةً
أصيلةً في عنفوان صباها و قد هرم قلمي و سقطت أسنانه في حلق محبرتي بعد أن
نضب مدادها..و لكن فضولي يدفعني أيضاًلسؤالكم فيقول: إنتو يا بشر؟! جيتي من
وين يا بنية و ناوية على وين السفر؟ قلت من بلدي الوديعة؟ مدني يا أجمل خبـرْ!
فيك قضيت الطفولة فيك شاب عمري و كبر ..عايشة في حدقات عيونى و باقية
فى جواي أثــرْ.. تلهم الكــــاشف يغنى و تلهم المساح شِعِرْ.السلام شيليه منى،
و ذكرياتى مع الصُّوَرْ.. بلغي ناسي و صحابي قولى فرقنا القدرْ إن نأيت لابد
راجع حتى لو طال السَّفَرْأذكر ايامنا الجميلة و مجلس النيل فى العصر
الحنينيا مدني ليك صحا فى نفسى الوَتَرْ..(مع اعتذاري للتطاول
على شاعر:"مدني يا أجمل خبر"و مغنيها ود الرفاعي).
أخوك الملتاع/ ود الأصيل ،،،
 
التعديل الأخير:
*****(((((9))))*****
@ بخاطري شيء: حين يكون البوح درراً مما نتبارى به عن معاني الألفة
سنبدأ معكم من هنا ، كنوع من أعطاء الخبز لخبازيه و لنتمتع بما تخبزون. و
نستوصي خيراً بما تطرحون كي تعود الراكوبة سيرتها الأولى ما راكوبة خريف.
في خاطري أن نضم أصواتنا لمهرجان واقعنا الذي بين أياديكم ؛ لنغرس معاً فسائل
حنطةٍ و شعيراً بصحارينا اليباب ؛فلنسكب عليها حوضاً من نبل عطفكم الجياش .

ُ# في خاطري شيء: أن نَمُدَّ إليكم صحافنا بيضاً من غير سوءٍ "تحتضن "ترانيم
"أقلامكم و دوزنات حروفكم مدرارةً بمعنى أن المجال مفسوحٌ أوراقاً وقراطيس ليزرف
الكل عليها الحبر إضاءاتٍ و" إشراقاً " بكل ما يجول " بخلدكم" فلتكتبوا.لنا ما يدور بخُلْدِكم
"ولتهمسوا لنا بما يتردد بطبول آذانكم ..فهنا القراطيس لا تزال عذراء بيضــاء دوماً لم يغزو
أرضها "وجع"العتمة. فقط ـ أكتبوا لنا ما يحلّق بفضــاء "خواطركم " وأن كنتم ترونه " لا شيء"
في نظركم فذاك منكم تواضع كحُبْلَى السنابل حين تنحني بقطافها؛ و الفارغات رؤوسهن شوامخ و هو
بنظرنا يبقى" كل شيء" ننتظركم ... فبارك الله فيكم أعزائي و زادكم بسطة في العلم و رفعكم شموخاً
في الهمة. اسمحوالي أن أضيف فواصل متواضفةً بعد نقاطكم في أؤلئك الذين يعلقون سلبياتهم و ينأون
بنائحة اللومفي قٍَصَرِأنظارِهم لفضائل الحب على مشجب ثبت على جدار الزمن من باب الحفاظ على
بعض ماء الوجه ،و لسان حالهم يقول:نعيب زماننا والعيب فينا ..ومال زماننا عيب سوانا.. و نهجو
ذا الزمانبغير ذنب ..ولو نطق الزمان لنا هجانا..وليس الذئب يأكل لحم ذئب. و يأكل بعضنابعض عياناً.
لقد أقعدنا حطام دنيايا كثيراً عن غاياتنا النبيلةوالحب أسماها.و تسكعنا طويلاً نلهي أنفسنا بمناظر
الطريق حتى وجدنا أنفسنا نحبوافي زمان الكبار. ... فأصبحنا نعيش في عالم "افتراضي "
بعيد عن قيمنا ورسالتنا الخالدة حتى صار كل شيءعندنا منقلباً عقباً على رأسه.
أرجو ألا أكون سرحت من الموضوع متل فراق الطريفي لجملو
*****(((((ود الأصيل)))))***
 
التعديل الأخير:
101)
اقتباس المشاكسة الأصلية كتبت

بواسطة بشير ود تهامي مشاهدة المشاركة:

لا لا ياخ بقصد (ام رطلين و ربع) بتاعت عصير الكرستال

الزمان داك؟! يا اخي البعملوا فيها يعني المعني يعني (يحقنوا
فيها السمن البلدي) سمن المعوز و كدي. هوي، لكن سرحت ساي
سرحت عدوك . تيب قول يا ود الأصيل من هي تلگ الحسناء التي
تناجيها بقولگ: (جاية من وين بنية و ناوية على وبن السفر! فبارك الله
فيكم عزيزتي و زادك بسطة في العلم و رفعكم شموخاً في الهمة.
و اسمحوا لي أن أضيف فواصل متواضعةً بعد نقاطكم في أولئك
الذين يعلقون سلبياتهم و ينأون بنائحة قصر نظرهم لفضائل
الحب على مشجب ثبت على جدار الزمن من باب الحفاظ
على بعض ماء الوجه). من هي هذه العزيزة ياخ ....؟!
٪٪٪٪٪٪٪٪(((10)))٪٪٪٪٪٪٪٪٪
يا قشير ياخ ربما تگون رمزية بس تراها متل رمزيةو لدكن عمر اود الطيب الدوش وكتين شبه زولتو بيحاجة بتطلع ليه ﻣﻦ ﻏﺎﺑﺎﺕ ﻭﻣﻦ ﻭﺩﻳﺎﻥ... ﻭ ﻣﻨﻰ ﺃﻧﺎ.. ﻭ ﻣِﻦ ﺻﺤْﻴَﺔ ﺟﺮﻭﻑ ﺍﻟﻨﻴﻞ ﻣﻊ ﺍﻟﻤﻮﺟَﻪْ ﺍﻟﺼﺒﺎﺣﻴَّﻪ ﻭﻣﻦ ﺷﻬﻘَﺔ ﺯﻫﻮﺭ ﻋﻄﺸﺎﻧَﻪْ ﻓﻮﻕ ﺃﺣﺰﺍﻧﻬْﺎ ﻣﺘْﻜَّﻴﻪْ ﺑﺘَﻄْﻠَﻌﻰ ﺇﻧﺖِ ﻣﻦ ﺻﻮﺕ ﻃِﻔﻠَﻪْ ﻭﺳﻂ
ﺍﻟﻠﻤَّﻪْ ﻣﻨْﺴﻴَّﻪْ .. ﺗَﺠﻴﻨﻰ ﻣﻌﺎﻙْ ﻳﺠﻴﻨﻰ ﺯﻣﻦ ﺃﻣﺘِّﻊ ﻧﻔﺴﻰ ﺑﺎﻟﺪﻫﺸَﻪْ..طبول بتْدُق !!!! وساحااااات لى فرح نَوّر.. و جمّل..للحُزن ممشى. فياخ دي بالذات أكان تفطها زاتو ما تنسخا.أصلكن بالله ما بتفوتو لا شاردة لا واردة بس الشقي بس يعتر في قبضتگم. مجرد لتغة لسان ساي من الگيبورد
زلقت لينا تأء تأنيث متحىكة جات مشرقطة لينا سهواً من السما. و هي طبعن، دايماً متعودة كان ساكنة و لا متحركة تراها باقيالنا متل شوكت الحوت. غايتو نحنا علا نقيف لها بس(عود عشر)؛ و الباقي عاد شن باقي ، ما تراگا عارفو براك!
((((( ود الأصيل ))))))
 
التعديل الأخير:
(11)
اقتباس: كتب بشير ود تهامي:
ذكرتني يا ود الأصيل لما كنا في المرحلة المتوسطة
(حليل المتوسطة)؟!كنا في حصة الخغرافية بجيبوا ليها (اطلس)
وبوزعوا كل اثنين في كتاب أها انا وزميلي الان (عميد شرطة)
كان بجيناكتاب اطلس مكتوب فيهو وبين الخرائط بخط جميل جدا
(عصيدة حااارة ومعاها كوز مريسة)؟؟! كل الاطلس مكتبوب بهذه
الطريقة اها في كل توزيعه بجينا الاطلس ده لدرجة انو لو حصل
غلط مشى عند ناس تانين بجيبوا لينا (هوا) وياخد الما مكتوب
فيه مننا ؟! وحسب معلوماتي الرهيفة (المريسة في
الغرب تعتبر وجبة فطور وكدي)؟!!
٪٪٪٪٪٪٪(((+11+)))٪٪٪٪٪٪
تخريمة سريعة كدا و نقطة نظام بالله عشان ما تخمونا ساي،،،
® علا إتا يا ود التهامي اللخو ، تحين قوت لي لامن كنتو في المرحلة​
المتوسطة مو گدي؟!. يا زول ما تخاف الله و تقوم تلف يا عمگ ما تشبح
ا شديد گدي ، يقوم ينگطع فيگ طايوق، و لا تنزلق لگ صابونة مخروقة.
ياخي المتوسطة دي نحنا ظاطنا الأصغر منگ ما رجيناها. حاضرين السانوي
العام ، و گان ليگ إتا آبو ضراع، عاد تگون من الوسطى و زات الراسين
و لي غادي.و لا عاد گان گدي أخير نرجعگ مرحلو الأساس راسو عدييل!!
© عارف ، ذگرتتي عمگ الجاگ الگضاب. مرة في لمة فراش بگا ماسگ لگ​
المجلس مگطع الناس النفس. بس الدورابة و را الدورابة. فگان جنبو ود عمن ليو،
قاللو إتا آالجاگ گلو ما تگبر الگضبة أنا بديگ قرصة و بقولگ الجاگ ، أنبهگ
و گدي، عشان تباقصا شوية. قاللو سمح أتفقنا.

∆ و يلا قبل علي اللمة ، و بدا يحگيلو في مغامرة بطلا هو شخسياً
مع تومساح عوشاري ، قال صدناهو في بحر أزرق ترا جيهة الصعيد دا.
قال ضنبو دا برايو بجيبلو خمسطاشر متر؛ أها و د عمو بدا يقارص فيه
و هو بدا يباقص في طول الضنب ، لحدت ما وصلو نص متر بس. و داگ
لسة يقارص فيه لامن گطع جلدو تگطع، و يسويلو : الجاگ ، الجاگ.
فلامن خلاس زهج منو ، قاللو تطير عيشتو الجاك ، أها عاد علا گان
أخليه ليگ أملط ، برا ضنب؟! و يلا انگطعت انشمطت
و راحت الحگاية شمار في مرقة.
 
(12)

® ذى ماانتو..ياالحلوينπ√

∆ وذى ماانتو ياالحلوين خاليين بال و مرتاحين تأكلو رغيف و كلو خفيف و كلو ظريف نحنا هناك كمان عايشين نضرب خدرة بالكاتولة نتمها مويه بالمهيوبة نأكل لوبة تخلى الزول يقيف انبوبة.. تستفو تب .. تبرشمو تب توقفو تب تبقى انفاسنا فيها صعوبة.

∆ و برضو استايل نكون عايشين.
ذى ماانتو يا الحلوين فى جو القصور ساكنين هناك الناس كمان ساكنين و لو فى ضل راكوبة بي شوك الكتر مزروبة و فى حر الهجير منكوبة بابها حصير وعادمة سرير والسوسيو وقع فى الزير والخمارة ليها هدير وابوك بي غادى ليهو شخير و كان زرتونا ياالحلوين بدل ىفدور تشمو دهن العود و تلقو هناك طقم بنوت .

∆ و ديك شافعة ميرودة ناشفة تقول كراع شرموط تشوفا تقول هسى تموت واريتها تموت ما أصلو الناس كتير بتموت و ديك بي غادى تتونس وواحدة كمان بتتحنن و شوف السمحة ديك مخطوبة قاعدة تفلى فى الحبوبة وتلقى الحاجة بقرقوبة قاعدة هناك تهز فى روبا و شافع لونو ذى الطوبة فى نص راسو قامت قوبة و شافع هناك يقلب الهوبة.

∆ و برضو ستايل نكون عايشين اساميكم: ديك ياسمين و داك نزار وديك سوزان و داك امجد وديك هزار .. نحنا هناك اسمونا كتار: اخوك حنكوك وابوك قرجة واختنا عوجة و ود عقربا و أم بلي و أم الطور و أم كابور وجبر الدار وعوض الجيد و ود سفار وبت تية وأسامى كتيرة منسية.

¶ اصلكم انتو ياالحلوين اكلتو حقوقنا زندية وطرتو هناك على النفحة الأوربية. نسيتو الكعة و أم دلدوم بقيتو تضربوا كارتية وقلتو دى هى المثاليه.

¶ الاإنتو ياالحلوين حياتكم مرة مابتندار حياة النفخة والبوبار و أبدا مابتكرمو الضيف و مابتعرفوا حق الجار.. وعاد يوم يقطع التيار نلقاكم كبار وصغار تقول صبرا ضرب حجار .
© هذا، مع خالس مودتنا لناس معزتنا،،،
... ود الحيشان التلاتة....
 
اكتب أبو إيثار

* تمنياتي لك دوماً بالصحة والعافية أستاذي الرائع .. باللول بدور أسعلك إنت القعونج ده حرام ولا حلال ؟؟زمان عندي أخوي دخل القوات الخاصة وتخرج برتبة ضابط وكان بجينا البيت وبحكي لينا إنو أكل كم قعونجة كدة وكان بشرح طريقة سلخها وقتلها وللأسف بتم كل ده في ثواني عن طريق جوانب البوت اللابسو ؟؟ تخيل كم مسكينة هي القونجة ياا

* ي أستاذ اللوبة سمحة ومشهية ومفيدة بس والله أنا مابحبها لأنو بتتعبني؟! مش لأني حنكوش والله أكلتها لمن بقيت برويتيناريا بس عشان جواي في ماكنتوش!؟لك المودة وكل التقدير ياوريف ..
أخوك دومن/ مشلعيب :

(13)
∆ و الله الواحد بقي يتوقع أي شي من جماعتك
(هؤلاء) لأنو حتى الحرام في ظل فقه الواقع ، بقى ممگن (يتحلل) عادي؛ بس ربك المستعان . علا ،كدي اول تبادي تفسر لي مشلعيب دي اسم حركي و لا شنو؟!
علا كان كدي عاد حاشاك الحنكشة. اما أكل القعونج تستفتي عمك /محمد حسن، لكن كتلو حرام دي علي حسابي. بس لسة ما شفتو حاجة ، الغريق جاي!!

© هذا، مع خالس مودتنا لناس معزتنا،،،
... ود الحيشان التلاتة....
 
التعديل الأخير:
كتب أبو إيثار:

∆ ههههههه ،، مشلعيب دي حركية إبتدعوها حبوباتنا للملمة ماتبقي من زاد. يعني زي التلاجة هسة بلغة العصر. لكن ماعارفين بكرة البعلّقو شنو في مشلعيبهم ..مساك عافية ..
(14)
∆ مشلعيب بعرفا بلحيل ، و كمان ازيدك في الشعر بيت: مسمنو دوا كلب و دوا كديس. بس الداير اعرفو ، اذا كان اسم حركي لشحصكم الكريم .و لو ما الكيبورد معصلج كنا هريناك تراثيات .علي الاقل اللوبة القاعد تنفخك دي براها ليها مية اسم!

كن كصندلة ٍ تعطر فأس قاطعها
كن وردةً ، عطرها حتى لسارقها
لا دمنةً ، خبثها حتى لساقي
 
كتب أبو إيثار:

∆ ههههههه ،، مشلعيب دي حركية إبتدعوها حبوباتنا للملمة ماتبقي من زاد. يعني زي التلاجة هسة بلغة العصر. لكن ماعارفين بكرة البعلّقو شنو في مشلعيبهم ..مساك عافية ..
(14)
∆ مشلعيب بعرفا بلحيل ، و كمان ازيدك في
الشعر بيت: مسمنو دوا كلب و دوا كديس. بس
الداير اعرفو ، اذا كان اسم حركي لشحصكم الكريم.
و لو ما الكيبورد معصلج كنا هريناك تراثيات .علي
الاقل اللوبة القاعد تنفخك دي براها ليها مية اسم!

كن كصندلة ٍ تعطر فأس قاطعها
كن وردةً ، عطرها حتى لسارقها
لا دمنةً ، خبثها حتى لساقي
 
كتب أبو إيثار:

∆ هادي وهيطة والغريق منك إنتشال درر
تشتهيها الأنفس ماتطول علينا بس ؟؟
في الإنتظار يازول يا رائع ..

© لم كلّما أوغلت في عينيك يغتالني ظمؤ السنين!!

(15)
® أهلنا ناس تنوب في قلب الجزيرة
( ودي فرصة برضو الواحد بحييهم من هنا)
مقسومين على خشم بيتين: كناباب و من اللَّاب
يعني: (عيال كنان) و (أولاد من الله). و عايشين
فيما بيناتم حرباً باردةً شعواء. فيها مداقرات و مناقرات و سجالات تقيلة تقول بالله و لا في
(سوق عكاظ).

∆ و معاهم شوية بويتات مجدعات متل الأباريق، نازحين من قرى مجاورة زي ناس شادلي ومريود
و ود حسين ود أب لقمة،عاملين (جبهة بوليساريو)
و جنبهم كمبو شُركيلة معصور هنوووك دقار سفة
بينا لحلة و الترعة متل الزايدة الدودية.

© الشاهد بقى حبيبنا/ الحاج كنان عربي ممسوخ لسانو فلقة و قاعد يقرق على الفريق المنافس يقول: ديل يوم تجي مطرة دا هو اليوم الوحيد الممكن يضوقو فيه دعة اللحم. فيقومو يجيبو ليهم عديد(ابن العنز) بجغور كدا و يمرقو بيه يصنقرو فوق ضهر الترعة الجاية من المناقل، و يلا يبدو ينخسو ليك في الواطة و هم يتفاوضون حول قضية تقسيم اللحم و العفشة قبال الضبيحة ظاطا ما تتم.

∆ و السخيل المسكين تلقاه واقف منتظر حيران و متملل يحدر جاي و جاي، ليس خوفاً من شفرة ذابحه بقدرما هو قرفان من كترة النقو و اللت و العجن و مفاوضات شرق أوسطية لا تودي ولا تجي بلعلمه علم اليقين أنها ستنتهي بفشل محتوم و لامحالة. ثم ينفض السامر، بعدما يدوه قشطتين على صلبهو ينكشح ؛ ليعلنا كبير القوم صرخة مدويةإنو: مافي لحمة، إذاً ، يلا ناكل لوبة.
∆ فبناء عليه، سرعان ما تنطلق بها حناجر الغاشي
و الماشي بهتافات كورالية تشق عنان الافق وتطوف
بها المظارات هادرة أزقة ونفافيج تنوب: ناكل لوبة!!
ناكل لوبة!! و للنفاخات بعدين: نلعب عيتنوبة لامن نقلب هوبة!!!
كن كصندلة ٍ ، تعطر فأس قاطعها
كن وردةً ، عطرها حتى لسارقها
لا دمنةً ، خبثها حتى لساقيها
 
أعلى أسفل