ماشي اقابل ترامب !!! العندو وصية يقول ؟؟؟

دكتور / عباس الرضى

:: كاتب نشـــط::
زي كل سوداني ( زعلني ) خبر انو ترامب قال ما داير يشوف خلقة ( البشير ) واعتبرت انو دي حقارة عديل وقلتا ما دام انا موجود في الرياض (العاصمة السعودية ) وما بعيد من مقر (ترامب ) وبقية ( شلة الزعماء ) لييه ما انتهز هذه السانحة و اقابل ترمب دا واشرح ليهو الوضع واشوف راسو فيهو شنو ومالو مكجن البشير دا والزول ( لاسجن ولدو ولا عرس ارملتو !!!!!!!!!!!!!!! ) وكان لكلام زمان وانو امريكا تحت جزمة البشير ( الزول ندمان وسافي التراب مش كدا و بس دا اكل كل تراب السودان واتكرم على الجيران ) وبعدين حتى لو اكل كل السودان فيها شنو؟؟ ( اذا كانت تراجي رضيانة وجاية تسكن معانا ) !!!!!!!!!!!!
المهم (بعد ما ظبطت وهمة كبيرة لناس الشغل وانو الفريق طه جاي لزيارة السعودية وانو معرفة قديمة لانو بت خالة المهندس احمد ابوالقاسم الحرش ليهو الفريق طه جماعة ودوهو سوبا ودقوهو بتعرف بت ناس جيرانا الكانوا شمال بيتنا قبال من نرحل من بيتنا شرق النيل بعد السيول السفوا الجماعة الاغاثة الرسلتا قطر وانو الوالدة الله يحفظها مرسلة معاهو حلومر ولازم اقابلوا عشان اشيل منو الوصية لانو الوالدة حريصة انو اصوم رمضان بالحلومر حقها وما اشرب الحلو مر البجيبوهو اهل المدام ( الكلو طبقة وطبقة فيهو فيها عمل لزوم السلامة والبعد من الشغل التحت تحت والحفر الناعم )وكمان لازم اسلموا مصاريف الحاجة (الجماعة ادونا اذن كل اليوم مع التمنيات لي انو استلم الوصية )
نواصل والعندو وصية يحضرا ومافي واحد يقول لي كلموا يلغي ( البان على السودان حق التاشيرات ) وكدا !!!!!!!!!!
 
بالله ماتنسي ياعبس توصيه انو طالما ماقابل بشبش يرسل ليهو كرتونة هوت دوغ كترضية اصلو بشبوش قالوا بموت في الكلاب الامريكية الحارة
 
بالله ماتنسي ياعبس توصيه انو طالما ماقابل بشبش يرسل ليهو كرتونة هوت دوغ كترضية اصلو بشبوش قالوا بموت في الكلاب الامريكية الحارة
عمك بلبل كيف حالك ( الهوت دوغ ) ما بنبلع لعمك كلمنا ترامب يشوف ليهو ( مس هاند شيك ) (مصافحة ساكت )
 
انا مستغرب في السيسي دائما مبتسم وتحس انو مخلوع كده واسي في لالصوره دي منبرش عديل
 
يا دكتور حبابك
طلبي وااااااحد بس
اخطب لي #بنت_ترامب اسوة بالهاشتاق السعودي الوصل الترند في وقت قياسي مالي ومال السلام على ترامب ومال القمة :005:
 
أعلى أسفل