راحت عليك ي ود الشريف

العبدالله

:: كاتب نشـــط::
قصة التيس المحظوظ
قصة حقيقية حدثت بالخرطوم
يقول صاحب القصة .. كنت مع ابنتي ذات ال 13 سنة في (مول الواحة)
وكنت ادفع عربة التسوق امامي وفجاة ظهرت امامي امراة فارعة الطول
قد ظهر جمالها من فتحات النقاب (مثقبة)
وضعت رقم تلفونها
في العربة امامي
واستغربت منها لان ملامحي ليست ملامح مراهق
كما اني متزوج وابنتي برفقتي
اخذت الرقم ووضعته في جيبي
وبعد يومين وانا ابحث عن فاتورة
وجدت الرقم وتذكرت تلك المراة
فاتصلت بها
ردت علي وسالتني (مين معاي ) ؟
قلت لها انا الرجل الذي التقيتيه
في (مول الواحة) برفقة ابنتي
فتذكرتني وقالت انا معجبة بيك !
قلت لها انا ما مراهق
وعمري الان 42 سنة
متزوج وعندي ولد وثلاث بنات
قالت باختصار "
عايز منك (تتزوجني) !!
قلت لا لا ما بقدر
كدس هسي ما ترد بس موعد منك
موعد في مطعم عشان اشوفك واتكلم معاك
في موضوع الزواجّ !!
انا برضي ما مراهقة ودايراك بالحلال ياخ
قلت لها اديني فرصة افكر واتصل عليك
قالت لي كم رقم حسابك في البنك
ثم فكر في الموضوع براحتك
استغربت منها تطلب رقم حسابي
فقلت لها رقم الحساب
قالت لي ارسل الرقمي بس ثم قطعت المكالمة
قمت بارسال الرقم فوصلتني بعد ذلك رسالة منها
تقول انا حولت في حسابك مائة الف جنيه عبارة عن مهري
اذا وافقت انك تتزوجني!
طلعت من البيت علي الصراف الالي
لاتاكد هل هي صادقة بانها
حولت لي في حسابي
هذا المبلغ الكبير ام لا
فكانت المفاجاة
فعلا حولت المبلغ في حسابي
اتصلت بها فقلت لها انا فكرت واستخرت واريد ان اتزوجك
قالت لي يوم الخميس القادم
تعال عند ابوي واخطبني منه
وصفت لي الحي الساكنة فيهو
ومكان منزلهم بالضبط
وفي يوم الخميس قشرت ومسيت حسب الوصف
ووجدت اهلها في استقبالي
ورحبوا بي وطلبت يد ابنتهم
وطلبت منهم (النظرة الشرعية)
ادخلوني (الجزء الخاص بالحريم) تابع للمنزل
فكانت البنت جالسة مع والدتها
فرايت امراة اجمل مما تخيلت
المهم تكلمت معها وقلت لها
اريد وقت لكي امهد لزوجتي
واخبرها بانني عزمت بان اتزوج عليها
اعترضت علي كلامي وقالت
لا .. ما تكلمها خالص بموضوع زواجك
وما تشيل هم الموضوع ده
وقامت بتحديد يوم الزفاف

وهو بعد اسبوعين
وطلبت من ان اطلب اجازة من العمل
لمدة شهر
واقول لزوجتي بان العمل انتدبني لمدة شهر للعمل
وقالت لي جدد (جوازك)
وقم بعمل تاشيرة كذلك
لان شهر العسل
حيكون في (دبي)
حصل حفل الزواج وكان مختصرا جدا في بيت اهلها
ثم سافرنا في نفس الليلة
وجلسنا في دبي 16 يوما فقط
وطلبت مني بان تعود للسودان
وقلت لها انا اخبرت زوجتي باني منتدب شهر كامل وليس 16 يوما
قالت لي ابحث عن عذر وقل لها انتهي الانتداب قبل الوقت المحدد!
وصلنا الخرطوم ونزلتها في بيت اهلها
وقالت لي اذهب لزوجتك واولادك
واجلس معهم بالبيت
وسوف اتصل بك لاحقا
بعد 3 ايام اتصلت بي
بعد صلاة الظهر وقالت
اذا خرجت من البيت بعد صلاة العصر اتصل بي
عايزاك ضروري
قلت لها اجيك الان حالا
قالت لا بعد العصر اخبرك بالموضوع
المهم جلست 3 ساعات علي اعصابي
حتي حانت صلاة العصر !
وبعد خروجي من المسجد اتصلت بها فورا
ردت علي وهي تضحك وقالت
شيك علي حسابك في البنك
لقد حولت لك 100 الف جنيه اخري
مشيت فورا علي الصراف الالي وجدت المبلغ فعلا في حسابي
اتصلت بها وشكرتها
علي كرمها معي
وقالت دايرة منك طلب
قلت لها تفضلي قالت: (عايزاك تطلقني)!
تفاجات وقلت لها انت بتهظري ولا جادة في طلبك
قالت لا والله جادة
قلت ليها هل في مني تقصير
اوشيء من هذا القبيل؟
قالت لا والله نعم الرجل انت
ولكن انت استلمت قيمة زواجك
واستلمت قيمة طلاقك
وانا عايزاك انت تطلقني عشان
يرجعني زوجي السابق!!
تيس .. بس تيس محظوظ
200 الف و16 يوم في دبي شهر عسل ولاشاف ولا
من شاف ولا من دري
عن اذنكم طالع (مول الواحة)
 
عبد الله العريبي انزيك..
ود الشريف تيسوهو ياااخي دي قوية خخخخخخخ..
البت دي عرفتوا كيف تيس!
 
وكمان طلعت حاسد
يعني الواحد ما يديك أي سر يا أخي قلت ليك
الكلام بيني وبينك ... هسع اودي وشي وين من ناس
مننا وود السنتر . غايتو تاني توبة أقول ليك سر
وينك ي شر شر ... مشتاقين يا اخي كثير
يعلم الله دي لو لمي فيها بتاع العرقي داك
باخوي واخوي ما بفرط
بالمناسبة اخوك معسكر في الواحة ليهو اسبوع المطر
والعواصف دي كلها في راسو .. الله يكثر من الطلاق والبرنسيسات
موديل 2006 .. اكون كاذب لو قلت ليك ممكن تاني ارجع من (دبي)
 
عبد الله العريبي انزيك..
ود الشريف تيسوهو ياااخي دي قوية خخخخخخخ..
البت دي عرفتوا كيف تيس!
شوف ..شوف الزول عايز يخرم بوين
بطل تخاريم ولولوة وخليك هاديء ورزين زي اخونا بتاع العرقي الطفش ومارجع.
 
شوف ..شوف الزول عايز يخرم بوين
بطل تخاريم ولولوة وخليك هاديء ورزين زي اخونا بتاع العرقي الطفش ومارجع.

لكن عاد نجمت ود الشريف نجام قبورة..
عندنا واحد معرفة ساقوه يخطبوا ليهو والتعتر لك البت نجفة..
دخلوه للشوفة الشرعية الزول من شاف البت قعد يظرط من الخلعة...
 
القصة دي عجبتني شديد عن إذنك بقتبسه اشاغل بيها واحد بهناك...
 
لكن عاد نجمت ود الشريف نجام قبورة..
عندنا واحد معرفة ساقوه يخطبوا ليهو والتعتر لك البت نجفة..
دخلوه للشوفة الشرعية الزول من شاف البت قعد يظرط من الخلعة...
برضو احمدو الله انو معرفتكم ده ما هنق عديييييييييل ههههههه
كسرة
قدر اخف من قدر هههههههه
 
وكمان طلعت حاسد
يعني الواحد ما يديك أي سر يا أخي قلت ليك
الكلام بيني وبينك ... هسع اودي وشي وين من ناس
مننا وود السنتر . غايتو تاني توبة أقول ليك سر
ياشماتتة ابلة ظاظا يا ود الشريف اخرتا بقيت الود سيد الشغال ههههههه
كسرة
كان تمسك ليهم ( لابد ان يدخل بههههههههههها ) وتتلايف ليهم لياقة عادل امام هههههههههههه
 
وينك ي شر شر ... مشتاقين يا اخي كثير
يعلم الله دي لو لمي فيها بتاع العرقي داك
باخوي واخوي ما بفرط
بالمناسبة اخوك معسكر في الواحة ليهو اسبوع المطر
والعواصف دي كلها في راسو .. الله يكثر من الطلاق والبرنسيسات
موديل 2006 .. اكون كاذب لو قلت ليك ممكن تاني ارجع من (دبي)
خلاس طفشتا العوين جت عليهن داير تقبل علينا هههههههه
كسرة
دبى انتا قايلها فوضى داير تسيب خلياتك وتمشى ابو ظبى بلد النبى هههههههه
 
رغم انو القصة مفبركة لكن حلتك تمشي مول الواحة
بس المصيبة مافي واحدة تعبرك
 
بلد النبي السعودية ي روشا
( ابوظبى بلد النبى ) ده مصطلح يستخدمه ابناء امدرمان لهذه المدينة
كسرة
الجزيرة العربية جت عليها بلد النبى ( السعودية دى بلد أل سعود دون سواهم ) جدنا الله يرحمو عندو قناعة قاطعة وهوس انو العباس جدنا الكبير يعن هسع لو قطعنا المالح بدونا الجنسية ولا التابعية ؟
 
( ابوظبى بلد النبى ) ده مصطلح يستخدمه ابناء امدرمان لهذه المدينة
كسرة
الجزيرة العربية جت عليها بلد النبى ( السعودية دى بلد أل سعود دون سواهم ) جدنا الله يرحمو عندو قناعة قاطعة وهوس انو العباس جدنا الكبير يعن هسع لو قطعنا المالح بدونا الجنسية ولا التابعية ؟
ي راجل قول كلام غير ده
انا شخشيا من قلب امدرمان كيف تفوت علي
 
أعلى أسفل