النهايات المحزنة

ود الشريف

:: كاتب نشـــط::
قلنا من قبل (إنها النهايات المحزنة ) كل الدول رفضت تمويل
أي مشروع حتي مشروع (إفطار صائم) يعني ميزانية السنة القادمة
حيكون بدون إنتاج الناس فرحانة بإنفراجة صفوف البنزين
ووزير المالية بيقول :

أخبار اليوم
وزير المالية يدلي بأخطر الافادات أمام البرلمان حول الاوضاع الاقتصادية .
الركابي : (أي زول قال عايز يدينا تمويل ولو بالكذب جلسنا معاه)

المعني كل الإتفاقيات المبرمة والموقعة مع
شركات البترول (الراوات ) كان كذب
اتفاقية مطار الخرطوم الجديد كذب

اتفاقية مع شركة أوزتورك التركية لتوريد القمح ومعاها 2 مليار كاش كذب

يعني في النهاية قلت (أي زول قال عايز يدينا تمويل ولو بالكذب جلسنا معاه)
ما كان تقول المودر بيفتش خشم البقرة
وهكذا تكون النهايات ( محزنة ) عندما تكذب الحكومة علي شعبها وتتعامل
معها وكأنهم أطفال حضانة بينما تسيل دموع علي حائط البرلمان كما جاء في الصحف

برلماني يذرف الدموع لانعدام السيولة ووزير المالية يكشف عن ترتيبات لحل المشكلة

 
خادم الحرمين : اجتماع سعودي أردني اماراتي كويتي بمكة الأحد لبحث مساعدة الاْردن اقتصاديا - صحيفة الرأي
http://alrai.com/article/10439776/م...-كويتي-بمكة-الأحد-لبحث-مساعدة-الاردن-اقتصاديا

كسرة :
و إشتقت لي طيف الدموع
و مشيت طريق اسمو المصير
ودعت زهرات الأمل
و رجعت لي ألمي الكبير
حسيت شعور
الراهب السار السنين
مشتاق يفتش ليهو دير
و لامن تعب
سالت دموعو علي الدرب
وووووو
غناء كورال البرلمان
 
25/12/2017
قال وزير المالية السوداني محمد عثمان الركابي في جلسة استثنائية للبرلمان إن حجم مشروع موازنة البلاد للعام المقبل يبلغ نحو 25 مليار دولار.
وأظهرت بيانات أن الإيرادات الضريبية ستمثل نحو ثلثي الموازنة
______________
يعني بتلموها من ستات الشاي !
من بتاعين الدرداقات !
من الموظفين الغلابة !
بتمشي ويييين!!!!!
نفس الوزير كان في عمرة رمضان
ووزير آخر يتعالج خارج السودان
ووزير آخر سايق (طبالين) للتدريب في الصين
وبعد ده عايزين الميزانية تمشيكم ثلاثة شهور !!
وكما جاء في الخبر الأخير (الاردن)
إجتماع خليجي لحل الأزمة المالية للأردن
ما في زول يقول وليه (السودان ) كان أولي
فأقول لو كنت أمين علي (وطنك . شعبك . أرضك )
ولو كنت (ســـوداني) بما يعنيه هذه (السودنة)
من عزة وكرامة وإباء وأزيد ليها (رجولة ) بما
تعنية كلمة رجولة كان الرجال وقفوا معاك
لكنك . بعت بالرخيص (ليهم ) وأهنت شعبك (قدامهم)
ومديت يدك تشحت (منهم ) وكذبت (علهم)
وأنت عارفهم يكرموا الكريم ويذلوا الذليل
آخر الكلام :
اعمل ليك (خته) جمعية وشيل الأول
 
ده كله بيحصل والناس ساكته.
اتنعل أبو عرضنا والناس ساكته.
شحدوا باسمنا والناس ساكته.
اتذلينا بسببهم والناس ساكته.
أبوه شعب يستحق.
 
وحدهم هم من اوصلونا لهذا الدرك السحيق من الفاقة والمهانة نتسول الشرق والغرب ( ومادين قرعتنا لليسوى والما يسوى ) دمروا البلد واقتصادها وانسانها وعاثوا فيها فسادا يزكم الانوف ( المعونات والمساعدات والمنح والودائع الدولارية كلها راحت فى غضب الله وسفوها ) لقمهم ضرب وتانى منو البيديهم
كسرة
نشفوها جوة وبرة ربنا يلطف بالعباد . الناس ما فضل ليها الا تقلع معايش اولادها تمرق بساطورك وعكازك تقالع اللقمة وده ح يحصل قريب جدا وقولوا ودسنترا قال وان غدا لناظره لقريب
 
الفول البياكلوهو الناس ومرات ياكلوا مويتو بس وقفوا استيراده وهسع طار السماء وعادى جدا طلب الفول ممكن يعمل اربعين جنيه والناس داخلة على مدارس وسندويتشات وهلما جرا
كسرة
قال ليك المسطول قاعد فى مطعم قعد جنبو واحد سلفى دقنو لى صرتو طلب ليهو واحد فول ختوهوا قدامو حمد الله واثنى عليه واللهم بارك لنا فيما رزقتنا وانشاء كتيرة قام غسل يديهو ودور الحمد لله الذى اطعمنا وسقانا واللهم ادمها نعمة واحفظها من الزوال ونفس الانشاء المسطول قال ليهو معقولة يا شيخنا هرجتك دى كلها فى صحن فول يعنى لو اكلتا شية تمشى الحج ولا شنو ؟
كسرة تانية
الفول زاتو بقى رفاهية ربنا ينتقم منهم
 
واحدة في البرلمان قالت ان كل الشعب عنده امراض نفسية بسبب الانهيار الاقتصادي ولازم يعملوا قانون للصحة النفسية
دي اخر الحلول وهي جنترة الشعب
 
وحدهم هم من اوصلونا لهذا الدرك السحيق من الفاقة والمهانة نتسول الشرق والغرب ( ومادين قرعتنا لليسوى والما يسوى ) دمروا البلد واقتصادها وانسانها وعاثوا فيها فسادا يزكم الانوف ( المعونات والمساعدات والمنح والودائع الدولارية كلها راحت فى غضب الله وسفوها ) لقمهم ضرب وتانى منو البيديهم
كسرة
نشفوها جوة وبرة ربنا يلطف بالعباد . الناس ما فضل ليها الا تقلع معايش اولادها تمرق بساطورك وعكازك تقالع اللقمة وده ح يحصل قريب جدا وقولوا ودسنترا قال وان غدا لناظره لقريب
قبيل ساعات وفى وسط ارقى احياء امدرمان ( حى الروضة ) اغتيال مواطن رميا بالرصاص ونهب مبلغ يفوق المليار كان يحمله المرحوم بسيارته
وقبلها ببضع ساعات التهجم على مواطن داخل متجره باحد احياء الثورة بامدرمان بغرض النهب لطف الله وحده انقذ صاحب المتجر من موت محقق
كسرة
الصدفة وحدها ومن امام بوابة احدى المستشفيات كنت شاهد عيان للحادثين والغريبة الكلام ده قبل الشمس تمغرب زاتو . نسال الله اللطف
 
يا جماعة دي الخرطوم ول مكسيكيو سيتي!!!!!!!!!!

امس واحد مات بطلق ناري في شارع النيل امدرمان امام انظار الجميع وقيل ان الشرطة من اطلقت النار
قبل 3 يوم تاجر مقتول في امدرمان برصاص في وسط حي الروضة
امس بالليل في شارع النيل زول مضروب واقع وينزف قريب العمارات الكويتية
سمعت برضو واحد مضروب في شارع النيل داخل عربية كرولا
امس برضو اولاد قافلين شارع دردوق - الحاج يوسف بالسواطير وشغالين قلع عينك يا تاجر
سرقة عربات في جبرة حدث لا يلفت اي انتباه
طفلين مقتولين في جبرة لا خبر لا اتر
بتاع رقشة في شمبات البراحة راكبة معاه ولية حامل قلع منها الدهب والقروش ورماها في نص الظلط بتهديد السلاح
اتنين شايلين سواطير وسكاكين دخلوا بيت نص النهار في شمبات واحد مهدد الاطفال والحريم والتاني نهب البيت واتخارجوا
واحد تلب بيت في الدناقلة بحري قتل الرجل وزوجته وسرق العربية
( منقول )
كسرة
لسع الغريق قدام وربنا يكضب الشينة
 
يا جماعة دي الخرطوم ول مكسيكيو سيتي!!!!!!!!!!

امس واحد مات بطلق ناري في شارع النيل امدرمان امام انظار الجميع وقيل ان الشرطة من اطلقت النار
قبل 3 يوم تاجر مقتول في امدرمان برصاص في وسط حي الروضة
امس بالليل في شارع النيل زول مضروب واقع وينزف قريب العمارات الكويتية
سمعت برضو واحد مضروب في شارع النيل داخل عربية كرولا
امس برضو اولاد قافلين شارع دردوق - الحاج يوسف بالسواطير وشغالين قلع عينك يا تاجر
سرقة عربات في جبرة حدث لا يلفت اي انتباه
طفلين مقتولين في جبرة لا خبر لا اتر
بتاع رقشة في شمبات البراحة راكبة معاه ولية حامل قلع منها الدهب والقروش ورماها في نص الظلط بتهديد السلاح
اتنين شايلين سواطير وسكاكين دخلوا بيت نص النهار في شمبات واحد مهدد الاطفال والحريم والتاني نهب البيت واتخارجوا
واحد تلب بيت في الدناقلة بحري قتل الرجل وزوجته وسرق العربية
( منقول )
كسرة
لسع الغريق قدام وربنا يكضب الشينة
(السنتراوي ) شكراً وإنت بتلقط في أخبار النهايات (المزعجة )
نعم سيكون الحال هكذا وهذه هي البداية
ونهايتها عند ما يجد الجوع الكافر سبيله الي البطون
الإتجاه الي مخازن (التموين) من بقالات ودكاكين ولن تسلم
منها حتي ستات الشاي . عطالة + فلس + ضنك + جوع = نهايات محزنة
المخيف في هذه الحالة عندما يكون الجائع لدية سلاح فتاك ولديه السلطة (اوامر) إستعماله
وحوله فارهات تستفذ حاله البائس
 
يبدو ان الاوضاع بالمنتدى صارت من اكثر النهايات حزنا . المنتدى خاوى على عروشه واستعمرته العناكب ( الحقيقية والافتراضية )
كسرة
اعيدوا الى المنتدى القه وبريقه ونشاطه بمقدمكم وحضوركم الراتب ( معقولة الناس كلها تطش ؟ )
عدت يا عيدى بدون زهور وين سمرنا وين البدور غابوا عنى
 
يبدو ان الاوضاع بالمنتدى صارت من اكثر النهايات حزنا . المنتدى خاوى على عروشه واستعمرته العناكب ( الحقيقية والافتراضية )
كسرة
اعيدوا الى المنتدى القه وبريقه ونشاطه بمقدمكم وحضوركم الراتب ( معقولة الناس كلها تطش ؟ )
عدت يا عيدى بدون زهور وين سمرنا وين البدور غابوا عنى
ود السنتر والله مقصرين بس بعزري كنت مسافر لمسقط ثم للقاهرة
لظروف قاهرة وانا بكتب الكلام ده وتعب السفر بخليني اشوف طشاش
 
كدي نرجع لبدايات (النهايات المحزنة )
شعارنا العالي بيرفع
والعالم كلو بيسمع
فلنأكل مما نزرع
ولنلبس مما نصنع
وهدفنا الواضح أنو
أبداً في يوم ما بنرجع
ولو داير زول يتجرأ
ويهدد سيرنا ويمنع
ح ندلي الغصن الأخضر
ونعبي في لحظة المدفع.
والريس ما نوريغا
ريسنا السيف البقطع
...
الشعار يمثل أكبر عار في جبين الأسلاميين
يريدون نسيانه بأي ثمن بالدارجي (زي ودالحرام)
 
شكوي يا ناس الراكوبة
هنا مقال بعنوان
e.gif
se2.gif
البلولة في موسكو ..
نشر قبل أيام مزيل بإسم
ابراهيم عمر محمد – فيسبوك
وايضاً في أحبار السودان (مصدر الخبر /صحيفة الراكوبة )
مع شعار الراكوبة
المهم المقال كاتبة الاصلي (هشام عباس عمر) وهو بمثابة إبن الأخت
ويشكو مر الشكوي علي هذا التعدي مع إحترامه للراكوبة وإدارتها
 
حالنا والنهايات المحزنة
المسافة صفر
جابت ليها وقود طائرات
برج الفاتح الطابق الكم ما عارف
طبيب (الفكي ) أسم الدلع معالج روحي)
 
شكوي يا ناس الراكوبة
هنا مقال بعنوان
e.gif
se2.gif
البلولة في موسكو ..
نشر قبل أيام مزيل بإسم
ابراهيم عمر محمد – فيسبوك
وايضاً في أحبار السودان (مصدر الخبر /صحيفة الراكوبة )
مع شعار الراكوبة
المهم المقال كاتبة الاصلي (هشام عباس عمر) وهو بمثابة إبن الأخت
ويشكو مر الشكوي علي هذا التعدي مع إحترامه للراكوبة وإدارتها

ايوة الزميل الحبيب هشام عباس زعلان لسرقة حقه الأدبي المكفول ومن حقه مقاضاة سارق المقال

ود الشريف أمبس مسكاقمي
 
ناس السياسة يقولو ليك (عنق الزجاجة )
او (النفق المظلم) لوضعنا الحالي .
لكن وزراءنا الأجلاء (يكتشفوا ) حاجات
غريبة مثلاً :
السلطات السودانية تكشف عن معادن نفيسة بإحدى الولايات !!

المرة دي ما قالوا بترول او ذهب او الماس او حتي نحاس
خلوها عايمة كدي زي الجنيه العايم
قالوا (نفيسة ) دي ما بتطلع بالزئبق حتي جهاز كاشف المعادن
ما بيعرفا .. نفيسة دي ممكن تكون نفيسة ذاتا ست الأسم
لا وقال :
كشفت وزارة المعادن عن وجود معادن نفيسة أخرى بولاية جنوب كردفان،
رغم إنو عرًف نفيسة بإنها معدن من المعادن بس نفيسة (الأخري ) دي شنوا!!!
زمان في السنما نهاية الفلم بيتعرف قبل ما يولعوا الانوار ويكتب علي الشاشة
(النهاية )​
 
أعلى أسفل