الفلاتية.

السرالخزين

:: كاتب نشـــط::
استمعت الى باقة أغنيات بصوت الفنانة عائشة الفلاتية وتذكرت الزمن الجميل زمن الترماج من المحطة الوسطى لأم درمان وتذكرت النظافة التي كانت تحظى بها العاصمة المثلثة وتذكرت القطارات ومحطة الخرطوم وتذكرت مشروع الجزيرة الذي كان يأكلنا ويلبسنا حيث كنا نأكل مما نزرع ونلبس مما نصنع وتذكرت النقل الميكانيكي والنقل النهري والخطوط البحرية وتذكرت قواتنا المسلحة الباسلة وتذكرت جمال وروعة وتنسقيق مباني القيادة العامة وتذكرت حسن عطية وهو يسجل أغانية بحديقة جامعة الخرطوم الفتية وتذكرت جمال العاصمة منزوعة الأبراج وجمال ناسها وتذكرت عبد الحميد يوسف يؤدي رائعته غضبك جميل زي بسمتك وتذكرت البساطة في كل شئ تذكرت وتذكرت وتذكرت وفي الآخر تأوهت.
 
رد: الفلاتية.

ما ياهو انت عارف اي حاجة حتي درب الترماي . رأيك شنو في جيل الشباب
من (الغنايين ) !​
 
رد: الفلاتية.

الخزين ازيك
الحمد لله اتذكرت دفعتك
اصيل والله
 
رد: الفلاتية.

طبعا لاني صغير وكدا سمعت بالحاجات دي سمع والفضل يعود للتكنلوجيا الخلت مواليد التسعينات من جيلنا يشوفو عشة الفلاتية ويستمعو ليها ويعملو مقارنة ويشوفو الخرطوم زمان وهسع ويصلو لنتيجة انو ننحن بنسبح عكس التيار وراجعين للخلف
 
رد: الفلاتية.

الاستعمار الانجليزي سلمنا تراث وثقافة وحضارة زي كل الدول الاستعمرها في نفس الحقبة وكان من المفترض نبتدي من هناك ونجعل الحاجات دي اساي لدولتنا بس الحصل عكس كدا
الحصل اننا شطار جدا في تدمير الحاجات الكويسة والفضل يرجع للحكومات وبالذات حكومة الانقاذ قضت على كل حاجة حتى الخدمة المدنية والمباني زي السكة حديد وغيرها نهاية بجامعة الخرطوم ولسة الجاي اسوا
حاجة ليالي ياريت لو تتكلمي عن الزمن الجميل وحنعتبرك شاهد على العصر
 
رد: الفلاتية.

الخزين ازيك
الحمد لله اتذكرت دفعتك
اصيل والله
سأعيش في جلباب أبي ولن أنسلخ عنه مهما كانت الظروف أما انتي يا حاجه ليالي يا ام عيون غلاد وزي ما قال عوض العوض عاوزينك لا تخرجين من جلباب الوالد وتنضمي لي لنكون انا وانتي شاهدين على العصر ولك محبتي.
 
رد: الفلاتية.

سأعيش في جلباب أبي ولن أنسلخ عنه مهما كانت الظروف أما انتي يا حاجه ليالي يا ام عيون غلاد وزي ما قال عوض العوض عاوزينك لا تخرجين من جلباب الوالد وتنضمي لي لنكون انا وانتي شاهدين على العصر ولك محبتي.

الحاجة ليالي مشلخة مطارق على فكرة يا الخزين يعني ما تعمل ليك شويفعة والحنك البيش دا وتعمل قدري
واصل السرد الشيق يا الخزين عن الذكريات الجميلة للزمن الجميل وايام الداخلة وهيك
 
رد: الفلاتية.

الحاجة ليالي مشلخة مطارق على فكرة يا الخزين يعني ما تعمل ليك شويفعة والحنك البيش دا وتعمل قدري
واصل السرد الشيق يا الخزين عن الذكريات الجميلة للزمن الجميل وايام الداخلة وهيك
ليالي اسمها الحقيقي (زينبو) من مواليد 46 بمدينة الأبيض اسم الداية بتول بت كضيم عملت في الحقل الصحي وتقاعدت في المعاش عام 1997م بعد رحله عمل طويله استمرت 60 سنه.
 
رد: الفلاتية.

الفلاتية القريبة دى ههههه والله انا خايفك تكون حاضر بنونة بت المك
كسرة
الله يرحم ايام الفلاتية هسع اى فنانة مسمية نفسها باسم حلتها ( القلعة ومدنى وجبرة وزقلونا ) والغنا كلو ( زنق ) والعربية والكبرى والجامعات ويا فلان ويا علان وكلينق كلينق كلينق تييييييييييت كرو كرو كرو وااااك
 
رد: الفلاتية.

طبعا لاني صغير وكدا سمعت بالحاجات دي سمع والفضل يعود للتكنلوجيا الخلت مواليد التسعينات من جيلنا يشوفو عشة الفلاتية ويستمعو ليها ويعملو مقارنة ويشوفو الخرطوم زمان وهسع ويصلو لنتيجة انو ننحن بنسبح عكس التيار وراجعين للخلف
في التسعينات انت كنتا جاري ورا تعويضات الانداية . الله يخرب بيتكم
شلة (الاخوان ) دقسو نميري اسع كان في زول مات بتسمم عرقي ولا (سبيرتو ) ولا في زول مات بملاريا !!!
 
رد: الفلاتية.

في التسعينات انت كنتا جاري ورا تعويضات الانداية . الله يخرب بيتكم
شلة (الاخوان ) دقسو نميري اسع كان في زول مات بتسمم عرقي ولا (سبيرتو ) ولا في زول مات بملاريا !!!

ودالشريف والله الزمن دا كلو بتعامل مع الزول دا كنديد من دورنا ... طلع من اولاد (نيدو) يعني شافع ساااااااااااي
الله لاكسبك ... البخليك تكابس وسط اعمامك شنو
 
رد: الفلاتية.

في التسعينات انت كنتا جاري ورا تعويضات الانداية . الله يخرب بيتكم
شلة (الاخوان ) دقسو نميري اسع كان في زول مات بتسمم عرقي ولا (سبيرتو ) ولا في زول مات بملاريا !!!
ود الشريف حأرسل لك الرضاعة عبوة لتر لتسلمها لطفلنا العزيز عوض العوض ابن التسعينات.
 
رد: الفلاتية.

ود الشريف حأرسل لك الرضاعة عبوة لتر لتسلمها لطفلنا العزيز عوض العوض ابن التسعينات.
سر السرور ما تدقس ساي عوض ده من ايام تقسيمات ( الاندايات ) وبزتو ذاتا
كان بيملاها من الانداية ديل ناس كانو بيشيلو خرتاية المدرسة تنقط زيت زلابية
وحاجات تانية .
كسرة :
ابو عويض في داعي اسع تقول من التسعينات !!
 
رد: الفلاتية.

سر السرور ما تدقس ساي عوض ده من ايام تقسيمات ( الاندايات ) وبزتو ذاتا
كان بيملاها من الانداية ديل ناس كانو بيشيلو خرتاية المدرسة تنقط زيت زلابية
وحاجات تانية .
كسرة :
ابو عويض في داعي اسع تقول من التسعينات !!

ههههههه شكلك كدة من زمن الحجار كانت لينة وشايلين حال خزنة براهو
كسرة
ترجمها ياخى لى ناس الشهادة العربية لانو التورية بتدى معنى قريب غير مقصود ههههههه
 
أعلى أسفل