لحقت امات طه .... !!!! تصدقو ؟؟؟؟

رد: لحقت امات طه .... !!!! تصدقو ؟؟؟؟

الجنسية السودانية .... لحقوها امات طه
الخامس الادنى فى العالم
تانى الفضل شنو تودونا
سالب صفر ولا شنو ؟؟؟؟
ياخ حرام عليكم يا كيزان
وصحى الاختشو ماتو ...... !!!!!
 
رد: لحقت امات طه .... !!!! تصدقو ؟؟؟؟

الجنسية السودانية خامس الأدنى نوعية فى العالم
 
رد: لحقت امات طه .... !!!! تصدقو ؟؟؟؟

أدنى الجنسيات نوعية ، هى على التوالى ، جنسيات دول : الكونقو الديمقراطية (161) ، افريقيا الوسطى (159) ، اريتريا (158) ، السودان (157) .
 
رد: لحقت امات طه .... !!!! تصدقو ؟؟؟؟

أدنى الجنسيات نوعية ، هى على التوالى ، جنسيات دول : الكونقو الديمقراطية (161) ، افريقيا الوسطى (159) ، اريتريا (158) ، السودان (157) .
يا حبيبنا التصنيف ده كبشر ولا كمستند
 
رد: لحقت امات طه .... !!!! تصدقو ؟؟؟؟

رقم 160 وين يا بكري ؟؟
 
رد: لحقت امات طه .... !!!! تصدقو ؟؟؟؟

يا حبيبنا التصنيف ده كبشر ولا كمستند

الكلام دا حقيقي يا ود صنترا
بكري ما بجيب كلام من دون ادلة وصراحةةانا شايفها مجاملة مفروض نكون اسوأ
 
رد: لحقت امات طه .... !!!! تصدقو ؟؟؟؟

الكلام دا حقيقي يا ود صنترا
بكري ما بجيب كلام من دون ادلة وصراحةةانا شايفها مجاملة مفروض نكون اسوأ
عارفو بكرى والله راجل مجتهد ومصداقية عالية مافى كلام . ما قصدته الجهة الصنفت دى هل صنفتنا كمواطنين سودانييين فى عضمنا وجعلتنا فى ذيلية شعوب العالم . ام المقصود الجنسية (الخدرا ) كمستند من حيث الجودة والرداءة
كسرة
غايتو لو ما قاصدين المستند ( ده احنا طلعنا اى كلام يا قدع )
 
رد: لحقت امات طه .... !!!! تصدقو ؟؟؟؟

عارفو بكرى والله راجل مجتهد ومصداقية عالية مافى كلام . ما قصدته الجهة الصنفت دى هل صنفتنا كمواطنين سودانييين فى عضمنا وجعلتنا فى ذيلية شعوب العالم . ام المقصود الجنسية (الخدرا ) كمستند من حيث الجودة والرداءة
كسرة
غايتو لو ما قاصدين المستند ( ده احنا طلعنا اى كلام يا قدع )

من 89 ونحن اي كلام
التصنيفات الزي دي بتكون حسب مقاييس موضوعية وغير خاضعة للمزاج الشخصي ابدا
 
رد: لحقت امات طه .... !!!! تصدقو ؟؟؟؟

من 89 ونحن اي كلام
التصنيفات الزي دي بتكون حسب مقاييس موضوعية وغير خاضعة للمزاج الشخصي ابدا

والله صحى مادام البلد رئيسها زاتو مجهجه وعاملين ليهو امر قبض كمان ( ونتيد )
كسرة
تانى عندنا خشم ننضم بيهو . 160 دى بتكون الصومال قطع شك باقى الناس ديل لاعبين معانا ضاغط يا فوقنا يا تحتنا هههههه
 
رد: لحقت امات طه .... !!!! تصدقو ؟؟؟؟

يا حبيبنا التصنيف ده كبشر ولا كمستند
عزرا على الرد المتأخر يا ود سنترا
كمستند يا حبيبنا بس المستند ده ما شايلنو بشر ولا انا غلطان ؟؟؟؟
بعدين تتباع فى كل مكان يا غالى
كل احترامى
 
رد: لحقت امات طه .... !!!! تصدقو ؟؟؟؟

Germany was first, followed by Denmark, Finland, Norway, Sweden and Iceland (equal fifth). After came Ireland and Austria (equal sixth) and France.

Numerous African states were rated poorly: Sudan (157th), Eritrea (158th), Central African Republic (159th), and the Democratic Republic of the Congo (161st).

Who has the best nationality? - SWI swissinfo.ch

تلقى الكلام كلو هنا يا ود سنترا
 
رد: لحقت امات طه .... !!!! تصدقو ؟؟؟؟

بالمناسبة فى تقارير اخرى حول الدول الاقل نموا
وحول اسوا أسوأ دولة في العالم ، من حيث ممارسة العبودية
حيث جاء السودان فى المركز السادس
وغايتو ..... !!!!!
 
رد: لحقت امات طه .... !!!! تصدقو ؟؟؟؟

جاء (الجواز) السودانى فى قائمة اضعف جوازات السفر عالمياً للعام 2016 ، بحسب تصنيف “Passport Index” لجوازات السفر في 199 دولة.
وجاء جواز السفر السودانى فى المرتبة (194) عالمياً فى حين جاء جواز السفر الفلسطينى (تحت الاحتلال) فى المرتبة (187) عالمياً !!
واقوى جوازات السفر فى العالم ، هى على التوالى جوازات : المانيا ، السويد ، فنلندا ، فرنسا ، اسبانيا ، سويسرا ، بريطانيا ، الدنمارك ، ايطاليا ، هولندا .
واضعف الجوازات هى على التوالى ، جوازات : افغانستان ، باكستان ، العراق ، الصومال ، سوريا ، السودان ، اثيوبيا ، جنوب السودان ، ايران ، ليبيا .
 
رد: لحقت امات طه .... !!!! تصدقو ؟؟؟؟


والله صحى مادام البلد رئيسها زاتو مجهجه وعاملين ليهو امر قبض كمان ( ونتيد )
كسرة
تانى عندنا خشم ننضم بيهو . 160 دى بتكون الصومال قطع شك باقى الناس ديل لاعبين معانا ضاغط يا فوقنا يا تحتنا هههههه
خلي بالك يا صاحب الامجاد لو دخلوك في التصنيف قطع شك مصنفين امجادك معاك
غايتو جنس محن .
كسرة :
لو الجماعة اول ما يجدعوهم يقوموا ينشرا ليك لباسات الجماعة في حبل الغسيل
والحوش بدون سور والغادي والجاي يشوف (لباسات وستايين وجبونات وفنايل شبك )
وعيييييييييك والغسيل يكون بدون صابون والهدوم شربانة وبرضو تقول لي معايير ,
كسرة تانية :
تتذكرو كراسي الباصات كانت منجدة بإكياس السكر (احييي انا يا بكري )​
 
رد: لحقت امات طه .... !!!! تصدقو ؟؟؟؟

خلي بالك يا صاحب الامجاد لو دخلوك في التصنيف قطع شك مصنفين امجادك معاك
غايتو جنس محن .
كسرة :
لو الجماعة اول ما يجدعوهم يقوموا ينشرا ليك لباسات الجماعة في حبل الغسيل
والحوش بدون سور والغادي والجاي يشوف (لباسات وستايين وجبونات وفنايل شبك )
وعيييييييييك والغسيل يكون بدون صابون والهدوم شربانة وبرضو تقول لي معايير ,
كسرة تانية :
تتذكرو كراسي الباصات كانت منجدة بإكياس السكر (احييي انا يا بكري )​

والله غايتو الله يسترنا يا عمك المنتدى ده عارفو يوم بسقط حجرنا ويلحقنا امات طه كما قال بكرى
كسرة
جت عليكم قاعدين برة تحمدوا ربكم ويد الجلاد لا تطالكم بينما نقبع بالداخل نكتوى بالجحيم ويتصيدنا الجلاد . سمعتا تحت تحت كدة انو فى تقنية ممكن يحددوا بيها احداثيات الغرفة البتكتب منها ونسبة الخطاء لا تتجاوز المترين . ( الشر برة وبعيد ).. (وجعلنا من بين ايديهم سدا ومن خلفهم سدا فاغشيناهم فهم لا يبصرون )
مع انو اخونا الفاضل وليد الحسين رغم بعد المسافات تطاولت يد الجلاد وحاكت له ما حاكت . بالمناسبة العندو اخبار عنو يطمنا عليهو بالله
 
رد: لحقت امات طه .... !!!! تصدقو ؟؟؟؟

والله غايتو الله يسترنا يا عمك المنتدى ده عارفو يوم بسقط حجرنا ويلحقنا امات طه كما قال بكرى
كسرة
جت عليكم قاعدين برة تحمدوا ربكم ويد الجلاد لا تطالكم بينما نقبع بالداخل نكتوى بالجحيم ويتصيدنا الجلاد . سمعتا تحت تحت كدة انو فى تقنية ممكن يحددوا بيها احداثيات الغرفة البتكتب منها ونسبة الخطاء لا تتجاوز المترين . ( الشر برة وبعيد ).. (وجعلنا من بين ايديهم سدا ومن خلفهم سدا فاغشيناهم فهم لا يبصرون )
مع انو اخونا الفاضل وليد الحسين رغم بعد المسافات تطاولت يد الجلاد وحاكت له ما حاكت . بالمناسبة العندو اخبار عنو يطمنا عليهو بالله
الامجاد تبيع ؟؟؟؟
 
أعلى أسفل