توصية المهندس الزراعي ...اسمع زيييين

في الضواحي

:: كاتب نشـــط::
نحن في السودان عمووووووم بنزرع زرة (عيش)
وكلنا بنبحث عن الفايدة ،القروش ، الدخل ،وماعندو دخل كويس بحاول يصلحوا بالزراعة والعندو دخل بحاول يزيدو بالزراعة ...مهما اختلفت الحاجات الزرعناها تظل الغالبية زرة..
التوصية شنو طيب؟
التوصية فيها معلومتين 1/طن الزرة عالميا مابزيد من300دولار ..الطن تقريبا 11شوال إذا اعتبرنا الشوال بياخد90كيلو .
2/طن اللحوم بيتراوح ما بين 1500دولار للمجمد 2500دولار للمبرد ..دا عن فئة العجالي
عن فئة الضأن دائما الطازج سعر الطن ما بين 3000_3500دولار للطن ..الماعز ما بين 4000_5000دولار

التوصية: القيمة المضافة للزرة ..والمفهوم بتاع تزرع وتتعب وتخاطر عشان تحصد وتجي تبيع محصولك دا في السوق..دا مفهوم مفترض تشيلو من حياتك ولو تدريجيا
كيف ؟
تضيف الحيوان لمنظومة الزراعة اي حيوان ضان بقر ماعز وتعمل شركتك براااااااك بهايمك زاربهن ومستشير فوقهن الخبرا ومعارفك الجامعيين القرو زراعه كتير من أولاد القرية بكونوا قاريين جامعة الزراعة ..اديهم خبرتك وحكمتك وعصاميتك وشيل علمهم واستفيد منهم في شركتك الخاصة ..شركة زراعة وقيمة الحيوان المضافة .
الحيوان والزراعه وشين لعملة وااحدة وحتى سيدنا يوسف لما حلم بالسبعة سنبلات ماحلم بيهن إلا ومعاهن سبع بقرات..فيا اخوان التوصية انت إذا مقتدر تعمل مشرووع كبيير مية ميتين اربعمية رأس بهيمة وياحبذا ماعز ..مامقتدر ابدا بشوية نعزايات وسط زراعتك خاصة في المناطق المروية ..الجزيرة بعض القضارف ضفاف النيل إي حواشة مروية.. شوفو الفيديو دا انشروه بينكم وصلو للمزارعين الصغار وكبار المزارعين وصلو للمزارعين المعسرين ..باختصار كل مهتم بالزراعة لازم يسمع التوصية دي يفكر فوقا بس حتى إذا ما قدر ينفذها وسلامتكم ..
[video=youtube_share;uBmukeVNAvs]https://youtu.be/uBmukeVNAvs[/video]
 
التعديل الأخير:
رد: توصية المهندس الزراعي ...اسمع زيييين

ما الزرة بس ..كل مزروعاتنا قمح دخن عباد شمس فول صويا ...الخ كلها عندها مخلفات ..مخلفات القصب دي بنديها للحيوان قصب ..ودا أكبر غلط لانو البهيمة بتاكل الورق وبتخلي ليك القصب قاعد ..والقصب اذا اتأكل بطريقتو دي مابتهضم وبمرق من البهيمة روث غير مهضوم والحيوان مابستفيد منو أي حاجه والبخسر المربي لانو بشتري اللوري أيام الرخصة بألف جنيه والفائدة الحقيقية تقريبا أكثر من نص وزن العلف بشوية ..والباقي القصب مابستفيد منه الحيوان ودي خسارة،..يعني تشتري لوريين حتى يجيبن فائدة لوري واحد لو القصب مقطع سيلاحظ..لازم القصب ومخلفات العيش والدخان نقطعها صغاااار بمكنه ممكن تفتشو اليوتيوب تلقوها (اكتب في قوقل ماكينة تقطيع العلف) وبعد مايتقطع يتخلط بمولاص بعداك ندى البهيمة عشان تسمن أسرع ونستفيد منها سريع..
القصب ياخوانا بتاع ابوسبعين دا علف مالئ ..يعني بحتاج علف مركز معاهو ..ممكن نضيف لتغزية بهايمنا الزرة زاتها أو الدخن ..أو قشر الفول ..ودي كلها حاجات عارفنها ..لكن الحاجة الممكن تكون جديدة على الناس ماكينة تقطيع القصب دي
 
التعديل الأخير:
رد: توصية المهندس الزراعي ...اسمع زيييين

[video=youtube_share;EdfyYlQW6Wo]https://youtu.be/EdfyYlQW6Wo[/video]
عشان الفكرة تتقرب من تقطيع القصب وعمل علف (السيلاج). اتفرجوا على العمل الجبار دا
 
رد: توصية المهندس الزراعي ...اسمع زيييين

التقليدية في الزراعة يجب أنها تختفي شيئا فشيئا....الجمعيات الزراعية المرشدين الزراعيين التقليدية يجب أنها تختفي في السنين القليلة الجاية..دا عبء كبيرر على كاهل القطاع الخاص والجمعيات الزراعية..في الحركة بركة واستخدام التقنية بزيد الانتاجية مرات بنسبة100% وقول في المتوسط60% ..والقيمة المضافة من تربية المواشي داخل الزرع والاستفادة من مخلفات المزروعات دا بيزيد الدخل بنسبة 300%. وكل الرزق عند الله لكن الحركة فيها بركة ...
 
رد: توصية المهندس الزراعي ...اسمع زيييين

[video=youtube_share;Q2z2qOqGN_k]https://youtu.be/Q2z2qOqGN_k[/video]

حاجات مدهشة وتقنيات رهيبة..وين الجمعيات الزراعية تشوف المفاهيم دي..وين القطاع الخاص ...زول شاف حصادة البصل دي ؟
 
رد: توصية المهندس الزراعي ...اسمع زيييين

الشرق الأوسط كله سوق مفتوح للمنتجات الزراعية السودانية اكثر من اربعمية مليون بني ادم ..الصين لوحدها مليار ونص بني آدم ..افريقيا ..كل العالم سوق مفتوح ..بس دايرة حبت لحلحه
 
رد: توصية المهندس الزراعي ...اسمع زيييين

الاوساخ والقاذورات التي تملأ العاصمة عايزه لها شوية لحلحة شوف لها حل بدل الكلام البتقول فيهو دا ..
انتو العاصمة ما قادرين تنضفوها زراعة شنو العليكم بعدما دمرتم مشروع الجزيرة ومشاريع زراعية اخري ..
 
رد: توصية المهندس الزراعي ...اسمع زيييين

موضوع انصرافي
 
رد: توصية المهندس الزراعي ...اسمع زيييين

الاوساخ والقاذورات التي تملأ العاصمة عايزه لها شوية لحلحة شوف لها حل بدل الكلام البتقول فيهو دا ..
انتو العاصمة ما قادرين تنضفوها زراعة شنو العليكم بعدما دمرتم مشروع الجزيرة ومشاريع زراعية اخري ..

ما عندي قضية بالنفايات ..أنا مهندس زراعي اسألني عن الزراعه وعن حلولها اجيبك يا (انت منهم)
 
رد: توصية المهندس الزراعي ...اسمع زيييين

في الزمن دا زول بقدم لزول حاجه بلاش ما في ...وانا كمهندس زراعي بديك عزيزي القارئ توصية مجانيه (إذا خصمت حق تنشيط خدمة الانترنت) ..
التوصية بتتعلق بالحيوان ..المزارع واعي ومسؤول داير للفدان يديهو أعلى انتاجية ..تلقا مزارعين جيران زرعو سوا وبسقو سوا وبدو يوريا كتير ..لكن انتاجهم متفاوت دا فدانو جاب ليهو عشرة شوال ..داك جاب ستة داك فشل مرة واحد وداك جاب عشرين شوال ..الفرق شنو تفتكر !؟ الواطة واحدة والموية واحدة واليوريا ..
ياللا عشان نتجنب الفشل في الإنتاج أو قلة الإنتاجية نعمل بالتوصية البتقول: لكل فدان زراعي يجب خمسة أطنان سماد بلدي .(لوري)
السماد البلدي غالي ؟! طيب سوي سمادك براك ..ورخييييص
كيف؟
كأنك داير تزبل اوضتك ..تلم روث بهايمك في حفر كبيرة
اديه شوية موية وخلي يتخمر ستة أسابيع على الأقل ..كن عمل ثلاثة شهور في المتوسط كويس ..
دا فايدتو شنو؟
اقوليك فايدتو ..
الواطة بترجع جديدة كانو مازرعت لمدة كم سنة ..وفي الحقيقة انت زرعتها الموسم الفات وحصدت والموسم ذا حتزرع ..اذن الفائدة تجدييييييد الواطة بعداك تاني يعتمد على انتظامك في الري وفي سماد الأساس (الداب) ..وماتركز في اليوريا كثير وماتضيفا اكتر من الموصي به ومره تانية بقوليكم أضرار اليوريا الكتير أعلى من الموصي بيها شنو..
 
رد: توصية المهندس الزراعي ...اسمع زيييين

الملح (سماد اليوريا) مركز البحوث بوصي ب 40كيلو للفدان ..أسأل مهندس زراعي ماتزيدها من تلقاء نفسك بالذات في النباتات المثمرة زي الباميا الطماطم الفلفلية الخيار ..الخ . لييه لانو اليوريا الكتير بشجع النبات ينفخ ريشو اوانطة ساي الازهار مابتم في مواعيدو والازهار قليلة وفرصة تلقيحها بتقل..الكلام دا كلو يعني شنو يعني لقطاتك بتقل..وتضيع عليك فرصة كبيرة للربح .
طيب التوصية شنو ..
استشير المهندس الزراعي ..السماد شنو المفروض وكميته قدر شنو
 
رد: توصية المهندس الزراعي ...اسمع زيييين

الملح (سماد اليوريا) مركز البحوث بوصي ب 40كيلو للفدان ..أسأل مهندس زراعي ماتزيدها من تلقاء نفسك بالذات في النباتات المثمرة زي الباميا الطماطم الفلفلية الخيار ..الخ . لييه لانو اليوريا الكتير بشجع النبات ينفخ ريشو اوانطة ساي الازهار مابتم في مواعيدو والازهار قليلة وفرصة تلقيحها بتقل..الكلام دا كلو يعني شنو يعني لقطاتك بتقل..وتضيع عليك فرصة كبيرة للربح .
طيب التوصية شنو ..
استشير المهندس الزراعي ..السماد شنو المفروض وكميته قدر شنو
الاخ الكريم
موضوع ثري وقيم لكن في بلد أكبر معوق لها حكومتها في نهضة البسطاء يستعصي البدء.. يااخي معظم المزارعين تخلوا عن هذه المهنة التي يعشقوها وتجري بدمائهم وتدافعوا بحثا عن بديل لتوفير لقمة عيش كريم الابعد عام 1989م ..
تقبل تحياتي
 
رد: توصية المهندس الزراعي ...اسمع زيييين

الناس الفي الحكومة بمشوا الليلة بكره بعده ..الحاجة المابتمشي الزراعه ..ولاتقولي بترول ولا تقول لي دهب ..الزراعة دهب السودان الأخضر...توعية المزارعين الفضلو واجب وطني ..مهما يكن من شيئ توعية الناس جذء لايتجزء من ضمير المهندس الزراعي لكل نضاله معلم يناضل تعليما المهندس يناضل تخطيطا المرشد الزراعي نضاله الإرشاد والتوسع الراسي للانتاجية..فكرة المواطنة ينبغي انها تكون سائدة وتتغلب على كل محاولات لتغييبها..الان التقنية تغيرت والمعدات رخصت لكن لسه مقدرة المواطن ضعيفة شان كدا طوبة طوبة
 
رد: توصية المهندس الزراعي ...اسمع زيييين

الناس الفي الحكومة بمشوا الليلة بكره بعده ..الحاجة المابتمشي الزراعه ..ولاتقولي بترول ولا تقول لي دهب ..الزراعة دهب السودان الأخضر...توعية المزارعين الفضلو واجب وطني ..مهما يكن من شيئ توعية الناس جذء لايتجزء من ضمير المهندس الزراعي لكل نضاله معلم يناضل تعليما المهندس يناضل تخطيطا المرشد الزراعي نضاله الإرشاد والتوسع الراسي للانتاجية..فكرة المواطنة ينبغي انها تكون سائدة وتتغلب على كل محاولات لتغييبها..الان التقنية تغيرت والمعدات رخصت لكن لسه مقدرة المواطن ضعيفة شان كدا طوبة طوبة[/quote


طيب
يابن اختي مافي شئ اسمه مهندس زراعي حمل اللقب من حق من درس كلية الهندسة وتخصص في الهندسة الزراعية وزمان قلنا كلامنا ده في اجتماع المجلس الهندسي قبل ما نغادر البلد دي الكلية اسمها كلية العلوم الزراعية بها اقسام انتاج محاصيل- بساتين- ارشاد زراعي - غابات- مكافحة افات - اقتصاد زراعي.ري
مافي علاقة مع كلية الهندسة ياأستاذ
هذا للعلم والتوضيح فقط
 
رد: توصية المهندس الزراعي ...اسمع زيييين

الناس الفي الحكومة بمشوا الليلة بكره بعده ..الحاجة المابتمشي الزراعه ..ولاتقولي بترول ولا تقول لي دهب ..الزراعة دهب السودان الأخضر...توعية المزارعين الفضلو واجب وطني ..مهما يكن من شيئ توعية الناس جذء لايتجزء من ضمير المهندس الزراعي لكل نضاله معلم يناضل تعليما المهندس يناضل تخطيطا المرشد الزراعي نضاله الإرشاد والتوسع الراسي للانتاجية..فكرة المواطنة ينبغي انها تكون سائدة وتتغلب على كل محاولات لتغييبها..الان التقنية تغيرت والمعدات رخصت لكن لسه مقدرة المواطن ضعيفة شان كدا طوبة طوبة[/quote


طيب
يابن اختي مافي شئ اسمه مهندس زراعي حمل اللقب من حق من درس كلية الهندسة وتخصص في الهندسة الزراعية وزمان قلنا كلامنا ده في اجتماع المجلس الهندسي قبل ما نغادر البلد دي الكلية اسمها كلية العلوم الزراعية بها اقسام انتاج محاصيل- بساتين- ارشاد زراعي - غابات- مكافحة افات - اقتصاد زراعي.ري
مافي علاقة مع كلية الهندسة ياأستاذ
هذا للعلم والتوضيح فقط

خلاص سمي المفتش .. التسمية مافرقت مادام الموضوع اصلا حديث للبسطاء..لكن جناب المفتش دي وقعها عند الناس قديما وقع له شنه ورنه..
كسرة: ماتقولي جنابو دي عسكرية كمان نقبل وين ياعمك:pardon:
 
رد: توصية المهندس الزراعي ...اسمع زيييين

نحن في السودان عمووووووم بنزرع زرة (عيش)
وكلنا بنبحث عن الفايدة ،القروش ، الدخل ،وماعندو دخل كويس بحاول يصلحوا بالزراعة والعندو دخل بحاول يزيدو بالزراعة ...مهما اختلفت الحاجات الزرعناها تظل الغالبية زرة..
التوصية شنو طيب؟
التوصية فيها معلومتين 1/طن الزرة عالميا مابزيد من300دولار ..الطن تقريبا 11شوال إذا اعتبرنا الشوال بياخد90كيلو .
2/طن اللحوم بيتراوح ما بين 1500دولار للمجمد 2500دولار للمبرد ..دا عن فئة العجالي
عن فئة الضأن دائما الطازج سعر الطن ما بين 3000_3500دولار للطن ..الماعز ما بين 4000_5000دولار

التوصية: القيمة المضافة للزرة ..والمفهوم بتاع تزرع وتتعب وتخاطر عشان تحصد وتجي تبيع محصولك دا في السوق..دا مفهوم مفترض تشيلو من حياتك ولو تدريجيا
كيف ؟
تضيف الحيوان لمنظومة الزراعة اي حيوان ضان بقر ماعز وتعمل شركتك براااااااك بهايمك زاربهن ومستشير فوقهن الخبرا ومعارفك الجامعيين القرو زراعه كتير من أولاد القرية بكونوا قاريين جامعة الزراعة ..اديهم خبرتك وحكمتك وعصاميتك وشيل علمهم واستفيد منهم في شركتك الخاصة ..شركة زراعة وقيمة الحيوان المضافة .
الحيوان والزراعه وشين لعملة وااحدة وحتى سيدنا يوسف لما حلم بالسبعة سنبلات ماحلم بيهن إلا ومعاهن سبع بقرات..فيا اخوان التوصية انت إذا مقتدر تعمل مشرووع كبيير مية ميتين اربعمية رأس بهيمة وياحبذا ماعز ..مامقتدر ابدا بشوية نعزايات وسط زراعتك خاصة في المناطق المروية ..الجزيرة بعض القضارف ضفاف النيل إي حواشة مروية.. شوفو الفيديو دا انشروه بينكم وصلو للمزارعين الصغار وكبار المزارعين وصلو للمزارعين المعسرين ..باختصار كل مهتم بالزراعة لازم يسمع التوصية دي يفكر فوقا بس حتى إذا ما قدر ينفذها وسلامتكم ..
[video=youtube_share;uBmukeVNAvs]https://youtu.be/uBmukeVNAvs[/video]

كنت أتمنى أن تناقش معوقات الإنتاج الزراعي والحيواني .
لكن وجدت طرح طفيلي لا أكثر
 
رد: توصية المهندس الزراعي ...اسمع زيييين

كنت أتمنى أن تناقش معوقات الإنتاج الزراعي والحيواني .
لكن وجدت طرح طفيلي لا أكثر

اووووووو معوقات.. المعوقات4
السياسات الضعيفة
ضعف التمويل
الجهل الزراعي(المعرفي)
التسويق.

متى ما خليت 3 منهم الرابعه بتنحل تلقائيا
 
رد: توصية المهندس الزراعي ...اسمع زيييين

اووووووو معوقات.. المعوقات4
السياسات الضعيفة
ضعف التمويل
الجهل الزراعي(المعرفي)
التسويق.

متى ما خليت 3 منهم الرابعه بتنحل تلقائيا

مازال الطرح كما هو
ذكرت المعوقات حسب تصورك لكن لم تناقش أسبابها واثر الأسباب في داخل القطاع إنعكاس ذلك على الناتج القومي
 
أعلى أسفل