دراما ماكو..!

السرالخزين

:: كاتب نشـــط::
وقعت في مصيدة القنوات السودانية التي اصلا حاذفها وكانت الورطة أن أقع تحت رحمة القناة القوميه(السودان) في حلقة ضمت ثلة من الممثلين الذين هم في نفس الوقت منتجين ومخرجين ومؤلفين وسيناريست وربما مصورين (ممثل شامل).
والدراما السودانية ولدت ناقصه واستمرت ناقصه وظلت ناقصة رغم مرور الأعوام ودخول العولمة.
أن يتبنى التلفزيون مسئولية الدراما خيار مهم بمثابة آخر (الدواء الكي) بحيث تفرض شروط ومواصفات مطابقة على المتقدمين مثلما كان يحدث قديما في اطابير لجان الاذاعه عند إجازة (مطرب) في الصوت والكلمات واللحن او كما كانوا يخوضون الامتحان الصعب في الزمن الجميل مع تبني التلفزيون العمل الفني بكامله.
درامتنا حتى إشعار آخر (ماكو).
 
التعديل الأخير:
رد: دراما ماكو..!

ديكور بائس مسرح مهلهل ملابس مستفزة توحي للناظر بخواء
الفكرة صوت كأصوات الباعة في سوق ام دفسو مشخصاتية تايهة
بين فكرة المسرح والتمثيل وفي النهاية عبث لا يرتقي بأن تقال
انها مسرحية وممثلين بل انهم شوية (سريحة في سوق ام دفسو )​
 
رد: دراما ماكو..!

ديكور بائس مسرح مهلهل ملابس مستفزة توحي للناظر بخواء
الفكرة صوت كأصوات الباعة في سوق ام دفسو مشخصاتية تايهة
بين فكرة المسرح والتمثيل وفي النهاية عبث لا يرتقي بأن تقال
انها مسرحية وممثلين بل انهم شوية (سريحة في سوق ام دفسو )​

والله ي ود الشريف يلحق يسمعك الممثل الكبير (محمد عبدالله) الا يعمل فيك مسرحية
 
رد: دراما ماكو..!

والله ي ود الشريف يلحق يسمعك الممثل الكبير (محمد عبدالله) الا يعمل فيك مسرحية
يا البعدالله الناس دي ما عندها مساحة في (المخيخ) لعمل درامة
حقيقية بالرغم انو الشارع يعج بالمواضيع الجيدة الممكن تستقل
لعمل سيناريو جيد .. انت قايل المصريين ديل بيكتبو من وين
من القهاوي والأزقة والحارات الشعبية .
كسرة :
محمد عبدالله ده منو !!!​
 
رد: دراما ماكو..!

قال ليك الرباطابى عندو صرة فى عينو الشمال سالوهو فى الحلة انتا يا فلان صارى عينك دى طوالى ومغمضها مالك قال ليهم انتو هو الفاتحة دى مالينها
كسرة
طه سليمان مجسد ليهو شحصيتين فى مسلسل رمضان كدى املاء لينا واحدة بث .
 
رد: دراما ماكو..!

يا البعدالله الناس دي ما عندها مساحة في (المخيخ) لعمل درامة
حقيقية بالرغم انو الشارع يعج بالمواضيع الجيدة الممكن تستقل
لعمل سيناريو جيد .. انت قايل المصريين ديل بيكتبو من وين
من القهاوي والأزقة والحارات الشعبية .
كسرة :
محمد عبدالله ده منو !!!​
يا ود الشريف بالنسبه للدراما السودانية الأبواب مشرعة لكل من هب دون انتماء ودون ثقافه ودون دراسه ولا حتى الموهبة بل ولا حتى الرغبه.
اشكال وأنماط من الذين اقتحموا درامتنا لا لون ولا طعم لهم وكأنهم ليسوا مننا دم بقري وسذاجه
وسخافه.
كذلك مجال الغناء والطرب فهو من نفس الصنف والجنس الناعم يتبرج أمام الكاميرا أكثر مما يبدع في الطرب.
أننا فعلا في ورطة.
 
رد: دراما ماكو..!

الدراما السودانية كان من الممكن ان تكون دراما متميزة ولكن كالعادة الحكم الدكتاتوري لا يحب المسرح الحر لانه يعكس واقع الشعب
ولان معظم المسرحيين المتميزين هم من تيارات معارضة للحكم تم التضييق عليهم بدرجة كبيرة وغاب التمويل لاعمالهم ولاحقتهم الرقابة والمصنفات فاصبحت اعمالهم اما متوقفة او اعمال تجارية لا ترقى للمستوى المطلوب
فرقة الاصدقاء مثلا سارت بخطى واثقة ولكن تم تحجيمهم تماما ولا اثر لهم في الساحة وكل الاعمال الدرامية والمسرحية الان هي عبارة عن اعمال مسيسة لمصلحة الحكم
 
أعلى أسفل