ر م ض ا ن

رد: ر م ض ا ن

كيلو السكر 10 ج
كيلو اللحمة العجالي 70 ج
الكهرباء قاطعة بمزاج ناس الكهرباء ..
درجة الحرارة اليوم في الخرطوم 47
مستوى الدخل في الحضيض ...واغراض رمضان في السماء ...
ويقولوا ليك رمضان كريم
 
رد: ر م ض ا ن

زمان درسونا في الابتدائي حكمة مشروعية الصوم ..
وهي بي اختصار انو الشخص الغني يحس بي معاناة الفقير ..
اقول ليكم حاجة هسي الغنيان لا بحس بي الفقران ولا شيء ...
حا اقول ليكم
 
رد: ر م ض ا ن

رمضان كريم وجمعة مباركة
 
رد: ر م ض ا ن

طبعا الزول الغنيان غير الفلل والشقق والبيوت المكيفة والعربات المكيفة والمكاتب المكيفة دا كلو ما عاجبهم بمشوا اوروبا ومكة والمدينة ومصر والخليج وماليزيا شهرهم جت بعدوه نوم بالنهار وسهر بالليل ..عليكم النبي بحسوا بي الفقير كيفن ...
 
رد: ر م ض ا ن

ياود دفع الله سلامات لعلك بخير بعد غيبة طمنا عليك بعدين نشوف موضوعك مع رمضان ده:music2:
 
رد: ر م ض ا ن

شوف يا صديقي صلاح سبب الغياب لانو المنتدى كان طاشي لمن المنتدى رجع كان عندي مشكلة دخول ولمن اتخلت مشكلتي لقيت رمضان في وشي عليك النبي ما بشتنة ...
ازيك يا اخي وحات شيخي التوم ودبانقا مشتاقين
 
رد: ر م ض ا ن

ود دفع الله انزيك
كل عام انت واسرتك الكريمة بالف خير ..

ربك لطيف وكريم بعباده ..
 
رد: ر م ض ا ن

زمان درسونا في الابتدائي حكمة مشروعية الصوم ..
وهي بي اختصار انو الشخص الغني يحس بي معاناة الفقير ..
اقول ليكم حاجة هسي الغنيان لا بحس بي الفقران ولا شيء ...
حا اقول ليكم

الغنيان بصوم رمضان كنوع من التغيير في النظام الغذائي واحيانا رجيم
الفقير بصوم لانو كدا كدا ما لاقي حاجة احسن يجوع ويلقى اجر
:shout:
الحكمة لازم يغيروها الزمن دا :005::005:
ود دفع الله مشتاقين كتير اخبارك شنو؟
 
رد: ر م ض ا ن

في يوم من الايام نت ماشي ابوحمد والباص اتعطل في الطريق والجماعة هايجين موية نشربها مافي
السواق جاهم وقال ياجماعة انتو زعلانين ليه ما قاعدين تصومو ولا شنو ؟ قام واحد قال ليهو " نان دايرنا نصوم بدون اجر " :rofl:
 
رد: ر م ض ا ن

يا مننا يا صديق حبابك الوووووف
انا بخير بس الحال مايل ..ولناس تجابد لعواسة الابري و حاجات رمضان لا السوق راحمهم ولا حتى الطبيعة راحماهم سخانة من ستة الصلح لي عشرة بالليل ...والناس مضطرة تعمل مكيف والمكيف بشفط الكهرباء دايرة القروش والقروش عند الكيزان والكيزان تبا لهم يا اخي ...
ورمضان دا براه قصة والشعب المطحون يا تصاقر السوق طبعا مافي زراعة ولا شيء بقت الحياة بتاعة سوق نصهم فريشة والنص التاني شحادين ...والحر قالياهم والسوق قاليهم ....
يعني مافي اي امكانية لفتوى تخارج المطحونين ديل من الصوم ...
مش قالوا الدين يسر وليس عسر ..
يبقى عليهم الدين والدنيا عاصراهم ..
دا كتير
مودتي يا صاحب
 
رد: ر م ض ا ن

حبينا عوض العوض ازيك يا اخي وشوقنا كتير
طيب لو الحكمة من مشروعيتو انتفت واقعيا طيب شنو الحنك الجديد ...ولا بس صوموا تصحو بس ..اقول ليك حاجة حتى مسألة صوموا تصحوا في الحراية دي فيها قول ...
عموما صوموا وصموا خشومكم ....
-''''-'-'''------
نسيت اقول لي مننا وانت تهانينا التكليف الجديد بالاشراف وعلي الطلاق انتوا قدرها وزيادة ...
مودتي يا صاحب ...
بالجنبة كدة مكي داقي الجرسة برضو من ابو الروم ههههههههههه
 
رد: ر م ض ا ن

حبينا عوض العوض ازيك يا اخي وشوقنا كتير
طيب لو الحكمة من مشروعيتو انتفت واقعيا طيب شنو الحنك الجديد ...ولا بس صوموا تصحو بس ..اقول ليك حاجة حتى مسألة صوموا تصحوا في الحراية دي فيها قول ...
عموما صوموا وصموا خشومكم ....
-''''-'-'''------
نسيت اقول لي مننا وانت تهانينا التكليف الجديد بالاشراف وعلي الطلاق انتوا قدرها وزيادة ...
مودتي يا صاحب ...
بالجنبة كدة مكي داقي الجرسة برضو من ابو الروم ههههههههههه
تصحو دي ما دايما كما الحال عندي اذا لقيت دكتور شاطر زي بت كوهين ... :005:
مكي الايام دي عايش كرنفالات الجديد
وياريت لو تقدر تسحبو بي جاي
 
رد: ر م ض ا ن

كلب الحر قال بعضمة لسانه البلد مليانه هوت دوق ورخيص بسعر التراب امشي اجدع ليك خمسه كراتين بكفنك مع شوية بيتزا بتاعت الوزير داك ماتجي تسكلب فينا هنا :sarcastic:
ولا كمان عايزنا نكذب كلب الحر ونصدقك انت ياعلماني ياكافر :008:
 
رد: ر م ض ا ن

لي شنو ؛؛؛؛

(يَا أَيُّهَا الَّذِينَ آمَنُوا كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ )

يقول تعالى مخاطبا للمؤمنين من هذه الأمة وآمرا لهم بالصيام ، وهو : الإمساك عن الطعام والشراب والوقاع بنية خالصة لله عز وجل ، لما فيه من زكاة النفس وطهارتها وتنقيتها من الأخلاط الرديئة والأخلاق الرذيلة . وذكر أنه كما أوجبه عليهم فقد أوجبه على من كان قبلهم ، فلهم فيه أسوة ، وليجتهد هؤلاء في أداء هذا الفرض أكمل مما فعله أولئك ، كما قال تعالى : ( لكل جعلنا منكم شرعة ومنهاجا ولو شاء الله لجعلكم أمة واحدة ولكن ليبلوكم في ما آتاكم فاستبقوا الخيرات ) [ المائدة : 48 ] ، ولهذا قال هاهنا : ( يا أيها الذين آمنوا كتب عليكم الصيام كما كتب على الذين من قبلكم لعلكم تتقون ) لأن الصوم فيه تزكية للبدن وتضييق لمسالك الشيطان ; ولهذا ثبت في الصحيحين : " يا معشر الشباب ، من استطاع منكم الباءة فليتزوج ، ومن لم يستطع فعليه بالصوم فإنه له وجاء "[
 
رد: ر م ض ا ن

الدين يسر ومامعقد إذا كنت في سفر مسافة 70 كيلو وانت في سيارة فارهة ومكيفة يجوز لك أن تفطر .....
وبالقياس يجوز لمن يحرم من أبسط حقوقة الأدمية من كهرباء وغذاء جيد وماء نظيف + درجة حرارة خرافية تقارب 50 . يجوز له أن يفطر على أن يصوم في شهر ديسمبر ..والله الموفق والمستعان
 
رد: ر م ض ا ن

الدين يسر ومامعقد إذا كنت في سفر مسافة 70 كيلو وانت في سيارة فارهة ومكيفة يجوز لك أن تفطر .....
وبالقياس يجوز لمن يحرم من أبسط حقوقة الأدمية من كهرباء وغذاء جيد وماء نظيف + درجة حرارة خرافية تقارب 50 . يجوز له أن يفطر على أن يصوم في شهر ديسمبر ..والله الموفق والمستعان
ههههههههههههههه
الملتحى جز اللحية وافلس رمضانيا

 
أعلى أسفل