بعد الغياب :

أبحمد

:: كـاتب نشــط ::
تفرقت بنا السبل الاسفيرية بعد الغياب ، وتشتتنا في شوارع شتي ، لم نجد ( همبريب ) الراكوبة لتي كنا نستظل بها في وقت القيلولة واشتداد الحر .
الشكر للأخ المفضال دكتور عوض العوض والذي كان علي تواصل دائم بنا وكان آخرها زفه بشريات استعادة الراكوبة لصدورها وريادتها بلا شك .
كما نهنئ الذين تم ترقيتهم للإشراف العام وللمشرفين ، سعادة الفريق أول ركن الضو الباقي ، وسعادة الفريق ركن عوض العوض ، والفريق ركن إنت مننا ، والفريق ركن الضواها ، ولا أدري من الذين هم بمجلس القيادة من الآخرين ولكنني أزف لهم أصدق التهاني .
الشوق لكل أعضاء الراكوبة العامرة بكافة ألوان طيفهم السياسي ، ولأحمره الذي يغلب علي ألوان طيفه .
من الغياب لم ندرك كيفية الدخول وكيفية الكتابة إلا بعد عناءٍ كبير .
مجددا لكم الشوق كله والإحترام كله .
 
رد: بعد الغياب :

ربما نتغيب لظروف سفر خارج العاصمة لظروفٍ طارئة ، بعدها سنواصل إن شاء الله تعالي الجلوس في ظل دوحتنا الغناء , نستمتع بخرير ميائها وشقشقة عصافيرها وتطريب حمائمها ، نتكئ علي عنقريبها والذي يطيب لنا المقام به مادمنا علي قيد هذه الفانية ، ونحمل عليه إلي مثوانا الأخير عند مماتنا .
حقيقة عاودنا الحنين إلي إخوة أعزاء وأخوات فضليات ، نعم لم نلق بهم ، وتقطعت سبل الإتصال بهم لأننا لم نعرف لهم من وسيلةٍ ، ولكنهم تركوا أثرا طيبا في أنفسنا . فتعلقت أرواحنا بهم محبةً ووداً وذلك تشابه أرواحنا .
 
رد: بعد الغياب :

:smile2::smile2:الرجل الرائع ابحمد
الراكوبة تفتقدك كما تفتقدها وتفتقد اطلالتك عليها .. ارجووان لا يطول غيابك فكلنا في انتظارك لأن العودة لا تكتمل الا بوجودك .. تحياتي وتقديري
 
رد: بعد الغياب :


ابحمد ها زول .. وينك خبارك امطول الغيبة (وراك !!)
البلاد كيف جاهزين السنة ولا مخرفين صعيد !!
رطل التمباك وصلني تب عيلا بدون عطرون
آهن السلام للوليدات .​
 
رد: بعد الغياب :

بعد الغياب عاد الحبيب المنتظر ...عودا حميدا مستطاب ....نورت وحبابك عشرة ..تحياتنا
 
رد: بعد الغياب :

حبابك الف ابحمد
ومرحبا بعميد الراكوبة ...
 
رد: بعد الغياب :

:smile2::smile2:الرجل الرائع ابحمد
الراكوبة تفتقدك كما تفتقدها وتفتقد اطلالتك عليها .. ارجووان لا يطول غيابك فكلنا في انتظارك لأن العودة لا تكتمل الا بوجودك .. تحياتي وتقديري
الحبيب الغالي عوض العوض ..
تحياتي اللا محدودة ..
مكابسة الحياة والتقاط الرزق جعلنا نغيب قسرا في زمن القوي يأكل الضعيف ويتقد محل ماهو رهيف .. بس قول يا لطيف من زمن مائل وسحا ما ينزل وشايل
.
 
رد: بعد الغياب :


ابحمد ها زول .. وينك خبارك امطول الغيبة (وراك !!)
البلاد كيف جاهزين السنة ولا مخرفين صعيد !!
رطل التمباك وصلني تب عيلا بدون عطرون
آهن .​
ود الشريف يا زول ظريف
الغيبة كانت لزوم زراعتنا البطيخ في موسم الجفاف .. تعرف يا ود الشريف قالوا في زول زرع بطيخ في وادي .. الجماعة كلهم بطيخو قام ماعدا هو ، قام خاطب بطيخو قائلا : كنت تشر سااااي . البطيخ بنجيبو
السنة دي زي سنة عامنول بنمشي من دار سافل لديار صعيد .
ود عماري تب وصل وعسع تي كاضم السفة دقار لوري .
العوون بحمد الإله طيبين ..عوجات مافي .
.
 
رد: بعد الغياب :

بعد الغياب عاد الحبيب المنتظر ...عودا حميدا مستطاب ....نورت وحبابك عشرة ..تحياتنا
كدراوي يا الساكن جوة الجوف جيتكم مع الشوق مردوف .. بس ألا حاكمانا ظروف .. ومن الهم عوزنا الشوف
 
رد: بعد الغياب :

الحبيب ابحمد ،،
مشتاااقييين يااااخ ، ومشتاقين لأناقة حرفك ،، وحلاوة منقتكم
 
رد: بعد الغياب :

حبابك الف ابحمد
ومرحبا بعميد الراكوبة ...

أبو رزان يا زول يا انسان .
دة أنا زول غلبان
لو انا عميد ، إنت رئيس أركان
وياهو دة السودان
ياهو دة السودان
وبكرة أحلي .
 
رد: بعد الغياب :

ها جني وين كنت غاطس

العبدالله مليون سلاااااام
تعرف ذكرتني أغنية بنات تقول : ( كحيل العين يا جدي العمراب .. إنت ساكن وين حالي كلو عذاب ) .
دحين أنا ساكن بين الشعور والوجدان .. ما بين الألف والياء . ألملم في بعض الحروف وأكون منها فسيفساء من معان .. لتهرب المعاني وتبقي الحروف مبعثرة ( كتيراب ) اللوبيا في ( جرفا حلو ) تنمو وتتقارب
.
 
رد: بعد الغياب :

دبايوا نشكابو

الخال صلاح عباس .. أذكر المثل الذي يقول : ( حسنوا الخال وخال الخال شوفوا الجني كان إجي بطال ) .
قنبوا طولا
أشربوا من نيلنا ورهدنا وفولة
ومن حدا الدامر أقطعوا ببنطون سولا
قلوبنا بحبكم ماهولة
ونحزر نفزر :حبوبتي من هولة وجولة حتي الملوك عقلولة

 
أعلى أسفل