Tweet

انتو يا ناس الراكوبة جنيتو و لا شنو ؟
و عشان ناس المديدة الحارة ما يجو ناطين جوز طوالي و يقولو لي انت قاصد الادارة الموقرة بتاعت المنتدي يكون كلامي و اضح بالاتي :-
الادارة الموقرة و كلمة ( موقرة ) دي بتعامل بيها لم نكن بنقيف قدام القاضي ايام العمل في سلك المحاماة المرخي ، و الادارة زاتها تستحق اللقب ده عن جدارة لانها اقوي من القاضي زاتو لانو داك ما بشرع ( شفتو كيف )
بمناسبة الكلمة دي مريحاني شديد ( شفتو كيف ) و طبعا مع الاحتفاظ بحقوق النشر و الطبع لصاحبتها الفاضلة
يا اخي اقوليكم حاجة الادارة اقوي من المحكمة القومية العليا زاتها لانو ديك بتلغي و تعدل و تصادق علي اي حكم يصدر من قاضي اقل منها في الدرجة
مش كده وبس المحكمة القومية العليا بتبلع كلام رئيس الجمهورية كلامو ( مع قلتو ) لو عمل حركة جاي و لا جاي
لكن الادارة ( اووووووووه مين ادقك يعم ) قطع يعني قطع سجن يعني سجن لا استئناف و لا طعن و التماس ولا التباس و لا يحزنون
شفتو كيف
مجانين انتو السادة الزملاء و الزميلات
قبل كم يوم كده ما دخلتا علي المنتدي ( الكضب خيبة ) دخلتا سريع رسلتا رسالة و غيرتا صورة اللقو بتاعتي
لكن بخلاف كده مرة مرة بدخل ، القي لي جهاز مطرف ، بالموبايل ، يعني شمومة علي الماشي ، و ختيت روحي مكان زول ساااااي بقراء الراكوبة و ما مشترك معانا فراجة يعني ، طوالي قولتا الناس ديل جنو و لا شنو ؟
كيف اقوليكم

[ جايك يا حبة اصبري علي رزقك شوية المهلة سمحة ، شفتي البوست ده حدو قسم شرطة المدينة عرب

و الله مشتاقون يا دكتورة

ابو هالة ...ازيك يازول ياجميل ذو الخيال الجامح
كده روق المنقة واتوهط تمام واحكي لينا الحاصل شنو !!!!!
لك مودتي

عندي و احد صحبي قبل كم يوم فتح ليهو بوست ، يعني روعة في اللغة روعة في المداخلات ، الناس بتكتب بمزاااج عجيب ، ابو روضة المسكين عيان جا كتب ليهو كم كلمة وسطر جديد وكم نقطة ، يعني حاجة حلوة شديد ، و سيد البوست صحبي ده ، اكتشف نفسو مرة تانية من جديد و كان ما بعرفو انا زاتي كان هاقول ده منو
داير ادخل ارم لي رمية رميتين ، قلتا يا ولد انت زول اشتر تقوم تعفص ليك زول و لا تكسر ليك كباية و لا تتفليك سفة في زول القيامة بتقوم ، احسن تحترم روحك و تعمل فيها روحك كانون السرور و اتخارج شوف سفرك وين
سيد البوست مشي السوق خمسة دقائق بس يجيب ليهو كيس صعوط و حبة خضار لزوم الغداء ، جا لقيك البوست بقي مديدة نبق ده شايل عكاز وده شايل طوبة وده شايل حديدة و ديك لافة الطرحة في نصها و ديك شعرا قايم بوخ عصيده
صاحبنا بقي يتلفت ، يا جماعة ده بوستي
نادا ليهو زول من الشارع سااااااي و قاليهو اقراء لي البوست ده باسم منو ؟
الزول قاليهو البوست ده بتاعك انت زاتك ، يا زول قول حاجة غير كده متاكد البوست ده مكتوب باسم عاشميق الدين شخصيا
الزول قاليهو اي
يا جماعة يا جماعة يا جماعة ، صحبنا بقي يكورك
لا حولا ، قال احسن حاجة امشي افرك لي و يكة ولا سجوك بدل الشغلانا دي

منواشي
يا قلب الاسد مشتاقين يا حبيب
عندنا زميل في المنتدي ده اسمه ( بات نيوز ) كله ما القيهو مداخلة واقراء اسمه بنحني ليهو احتراما
الكتير ما شوية و القليل ما صعب لكن الحال بغني عن السؤال
شايل معاي كمية تجارية مهربة من العماري الكارب ، متوهط فوق البنبر بمزاااااج يا ناس بحر الغزال يا ناس الهلال
احترامي يا حبيب

برضو و احد صاحبنا كده فتح ليهو بوست ، والراجل من كتابي المفضلين في المنتدي و قلتا برضو يا ولد الاساتذة لمن يتكلمو ( قطم ) و عاين بعيونك بس
و البوست حقيقة انسيابي بصورة طبيعية جزابة ، و يعني اقعد يا ولد اكتبي يا بت ، قول كده يا شافع ما تقولي كده يا بنية
المهم البوست مشي كويس و جبه تعليمية كاملة لمن الواحد يحس براسو مستعدل بدون مؤثرات عقلية
مع حوامتي يوم فتحت المنتدي و قبل ما اجي داخل اي بوست ضربتني ليك ريحة الخمرة و الطلح و الضفرة وفلير دمور
قلتا في نفسي يا جماعة الادارة الموقرة بقت تاجر المنتدي في العيد للعرسان ولا شنو ؟
كم يوم برضو جيت داخل لقيت ليك الزغاريد ما تديك الدرب و اسمع ليك ( صوت الدلوكة ) باريت الصوت لحدي ما دخلتا البوست بتاع صاحبي بتاع دروس قل ولا تقل
لقيتو واقف جم الباب ، اها بعد السلام قلتيهو الحاصل شنو ؟
طوالي قال لي بطاقتك معاك ؟ قلتيهو اي معاي داير بيها شنو ؟
قال لي انا ها اعقد الليلة و دايرك شاهد في القسيمة معاي
لا حولا
تقول لي ما جنيتو ، هو الجن ده كيفنو

انا مع الكوجين ده بقي فيني حال ناس الحالة الما لقو زول يصلبيهم الجمعه
اقولة ليكم ان شاء الله تبقي بقليع اضافرين
قالو ناس حلة ما لقو زول يصلبيهم الجمعه ، في النهاية في راجل من المثقفاتية بتاعين الحلة اصر عليهو صحبو الا يخطب و يصلي بالناس ، و الراجل المثقفاتي ده كان ضارب كمية وزن عشرة رطل من نبتة ( القنب الهندي ) و مع الالحاح من صحبو و ناس الحلة طلع صلي بيهم ، و هم ما رقين من الجامع قال لصحبو رايك شنو في الخطبة و الصلاة ؟ صحبو قاليهو تمام التمام لكن عندي خمسة ملاحظات في الصلاة ، المثقفاتي قاليهو قولا
قاليهو اول حاجة التليب في المنبر شنو ، انت ما شايف السلم
تاني حاجة السجارة بين الخطبيتين ما كان في داعي ليها
تالت حاجة ابو جهل فعلا هو زول كافر و في النار لكن كلمة ود الش....... ما كان في داعي ليها
بعدين من القاليك الخندق حفرو بكتربلر
و خامس حاجة منو القاليك الترابي من العشرة المبشرين بالجنة

جايكم يا مجانين المافي شنو

صحبي القبيل بتاع البوست القلب المزرعة السعيدة المجنين بيها الشفع في الفيس بوك ، كل ما يدخل وست يلقي ده عيونو محمرة ودي صارة وشها وديك شايلة كوكاب و داك لافي دقة قنقليس و كل واحد يمدليهو يدو يا سلم عليهو بمساخة ولا واحدة سلمت عليهو وبزغت ولا داك ما اشتغل بيهو زاتو
وعشان هو زول شوية كده ما معتود علي عالم النفسيات ده و بتعكنن بسرعة ، قال احسن حاجة امشئ اعمل بوست استفز فيهو روحي واشكلا و اعمل مسرح الرجل الواحد
في زول ريحو ، ده يهبشو ويقوم جاري وده يرمليهو كديس ميت و ديك تدفق فيهو مويت العدة ، اخر حاجة شاليهو باغة ( انا ما عارف فيها شنو ) لكن شكلها كده زي موية مقطرة و وقف جم باب البوست و بقي يمشي و يجي زي ابو العروس المنتظر ناس السيرة ، و بعد ده ولانو زول قلبو حنين ما قال لزول ما تدخل ، وبعد شوية الحوش اتملئ و بقي في البخارجو من الاستفزاز الشديد المخفف للعقوبة ، لكن برضو مع الجن الكلكي الراكب الناس الفي الحوش لقي روحو بحجز ، وبعد ما كان داير الزول البعمل معاهو مشكلة بقي في روحو
المسكين عملهو بوست عشان لمن تسخن معهو يدخل بوستيهو و يكورك زي الزول البخيطو ليهو جرح في بطنو بدون بنج ، يعني بوستيهو خشبة يعضيها لمن الالم يخفف شوية
لكن وين ، اخر حاجة قال ( انا يا اعقل مجنون يا اجن عاقل في الناس ديل )

قالو الوزة كانت بطة ، لكن عارفين بقت وزة ليييه ؟
عشان في واحد وزاها
الله يجازى الكان السبب
انا زاتي مشيت اتخففتا ولقيت لي بوست مطرف وسيدو كان عاملو شرك لواحد معانا هنا ، ولمن هو زاتو وقع في الشرك اتخارج و خلاهو لام كيكي ، قلتا في نفسي الامارة بالسوء امشي شيل البوست ده و نظر فيهو و اجدع ليك كم جدعة كده ، و عموما خليهو طرح جاد و الشباب بشيلهو معاك و بكون حاجة تفاكرية واخراج الهواء بتاع الشيش من الرائتين و بالمرة الواحدة يطرح مشكلة و حلها و بدون طالعني و اتحداك و المسيرة ماشة و الحاجات المخمرة الانتو عارفنها
و فعلا البوست زي العجب ماشي تمام ، لكن كل مرة الناس بتتخارج بدون سبب ، و مرة مرة بجيني صحبي عاشميق يمد لي حاجة من فوق الباب و لايدخل يقول اللون ده مالك كترتو كده و لا الدولاب ده مفروض يكون تلاتة ضلف ، و بقية الناس يا بعينو من فوق الحيطة ولا الواحدة يقابلك في بوست و يرمي ليك كلمة من بعيدة لموضوع البوست البتكتب فيهو ولا يعين ليك و لسان حالو ( قرررررررررررررررررررر ) ده صوت الكديس لمن يكون نايم
يعني عموما كده مافي مشاكل و لا بديك بالبرطوش ولا واحد جا وقليك فهمك شنو في عبادة البقر في الهند ، تمام التمام مزاااج الف كلام محترم لغة بسيطة حقائق علمية وتاريخية مبسطة و سلسة ، غبتا اليوم الاول لقيت المشاهدات قربت من التلاتة الف ، قلتا كويس ما خسارة اكتب زي ناس بيروت و اطبع في الراكوبة و خلي الناس في اي حتة تقراء ، اليوم التالت علي الماشي لقيت ليك البوست مافي ، افتش افتش افتش ، هياجماعة الداهية ده طفش و ين ؟ اخر حاجة لقيت لي واحد قالي كده شوفو علي المطبخ ، مطبخ ؟ مطبخ شنو يا زول ، قال لي يعني الحتة بتاعت الاسرة و الطفل و السفاسف ديك ، فعلا مشيت لقيتو خاتنو جم امبوبة الغاز
لاحولا ، ده كلام شنو ؟ يا ادارة يا موقرة ليييه كده ده بوست حنين اي لكن ده ما مكانو ، مافي زول قال لي انت بتقول شنو
اخر حاجة عرفتها تحت تحت قالو واحد من المجانين ديل كتب تعليق ما جبادة ( يعني بايخ و ما جايب حقو ) في البوست و الادارة الموقرة طوالي اصدرت مرسومها رقم كده ما عارف لعام 2012 و شالت البوست بسبب واحد مجنتر
و عملا بمبدأ ( ما تباري المجانين و لا تخلي المجانين يباروك ) خليتو لاب يد قوية

الله لا وراكم الوحدة في الغربة ، يعني هم فوق هم فوق برد ولا خرمة
المهم عندي حته صغيرة كده جم البيت الساكن فيهو مصاحب فيهو الضفادع ( القعونج لناطقين بغيرها ) و طبعا ما زي ضفادعكم الجربانة دي ، دي ضفادع تريانة و لونها زاهي منعش و شكلها حنين وصوتها تقسيمة بوكس تلاتة وتمنين طالع من عمرة ، عشان كده لمن البرد يبقي شديد بدخلم معاي في البيت وهم ( الضفادع يعني ) مسالمين جدا و كان عليت صوت التلفزيون بزعلو وبمرقو من البيت ، يوم لقيت لي ضفدعة صغيرة شكلها عندها وجع مفاصل و الرطوبة عامل ليها عسر هضم ، شلتها معاي و انا ماشي الشغل و كان عندي مشوار في حته شوية الاجراءات الامنية فيها مشددة ، و انا داخل في جهاز بكشف جسمك كلو بدون هدوم و كان نسيت الضفدعة في جيب الكبوت و الجهاز بقي ينبح زي السكران بدواء القحة ، يا اخي الناس دي زرزرتني جنس زرزرة و ما فكاني منهم الا بعد ما مريت علي معمل الاحياء الدقيقة و الاسلحة البيلوجية و تمت مصادرة الضفدعة لصالح الجمعيات بتاعت مكافحة الالغام الارضية ، شفتو كيف
من المدخل ده انا بنبه الادارة الكريمة الموقرة ، انها تحدد مجموعة من الزملاء او يطبق الامر ده علي الجميع بدون فرز انو يتم تفتيش اي زميل او زميلة داخلين علي المنتدي
و يا ادارة يا كريمة يا موقرة الناس دي فيها مجانين كتار و يقوم واحد يجي داخل برشاش و لا غاز السارين ولا بي سفروق يجهج باكاتنا ، ودي مسؤليتكم من الناحية القانونية واسمها المسؤلية التقصيرية في القانون
عشان قبل كم يوم في واحد جا دخل بعكاز قلنا ما مشكلة و مرة و احدة بصرمة قلنا عادي ، لكن شايف الموضوع بقي فيهو فيران و بف باف ، و لمن سالنا قالو الباعوض كتير و الضبان ساكن هنا طوالي
يا جماعة ده جن شنو ده

يا خال
اقول ليك ده جن شنو ولّه ارجاك تخلص المرور في عنابر التجاني الماحي ؟؟؟؟؟؟؟؟؟؟؟؟؟؟
من الاخر كده سؤال ساموطي من واحده مجنتره
شفت كيف

يا ضونا

مساك بالف خير

كان علي الجن مقدور عيهو ، لكن في ناس كده بتكون عرفة روحها مجنونة (شفت كيف )و قايلة الجن ده بجري في دمها و الواحد مع جنون بختيل روحو من ( مصاصين الدماغ ) يعني علي الفيهو داير ينقليك جنو ده ، كيف ؟
علي حسب الفي راسو الا يعضيك في رقبتك
دي المشكلة الانا خايف منها زاااااتها

احترامي

الحيب الغالي
ابو روضة

الجنترة بقت خشم بيوت ، بس ناس خمسة بيوت ديل ما مجانين ديل حقارين و دي شوكة دربة براهو
لكن اذكرك لمن تجي تضرب عشان يقبضو علي المجنون القدامك ، اضرب تلاتة تسعات معاها مفتاح لاهاي

مرحب بيك ، و البوست قاعد لو ما جنن ليهو واحد من الادارة الموقرة

ابوالهل ليك وحشه محب والله
خشم بيتك مرات يغباك! تقنب تعاين . كان قدامو شدره نيم وتحتها ناس بلعبو سيجه و ضاله . وبهي هناك ضو شادها جبنتها وتسولف مع ابحمد . تمد راسك واحد من 2 يا لقيت نفسك ممدد في عنبر الجراحه ولا خاشي بكان غلط . بدل عرس تلقاهو طهور؟
كامل التضامن موت موت ، حياه حياه

[QUOTE=ابو روضة;330056]

[color="red"
هسي في الخبرية
قلت لي بوست اللخو اللفحتو انت وقمت بيه سداري ودوهو دار الامومة والطفولة
يا ريت لو فتحو ليه قسم ( رعاية المخنثين )
وكاااااااااااااااااااااااااااااااااااك
ويا خوفي الكراكة تسمع كاك دي تقول اشتهيناها وتجينا هاده وتلقى البوست ده نصه في الاقتراحات والنص التاني في الشكاوي


[/color][/QUOTE
ابو روضة يا حبيب
هو انا لحقت اقوم سداري ، الجماعة خلوني زيتا الفراول و شديت الجنزير و ظبت السرج ، بس تقول ها اركب لي فيل مع اللفة يا عمك حصلوني
غايتو جنس حسادة عليهم
اسه لمن لقيت البوست بتاع الحنكشة قاعد قلتا الحمد لله صحبك يكون صبح بام فتفت كاربة و ختاهو ما شافو و لادخل جوا

[quote=ابوهالة;330325]

اقتباس:

المشاركة الأصلية كتبت بواسطة ابو روضة [color="red" هسي في الخبرية قلت لي بوست اللخو اللفحتو انت وقمت بيه سداري ودوهو دار الامومة والطفولة يا ريت لو فتحو ليه قسم ( رعاية المخنثين ) وكاااااااااااااااااااااااااااااااااااك ويا خوفي الكراكة تسمع كاك دي تقول اشتهيناها وتجينا هاده وتلقى البوست ده نصه في الاقتراحات والنص التاني في الشكاوي [/color][/quote ابو روضة يا حبيب هو انا لحقت اقوم سداري ، الجماعة خلوني زيتا الفراول و شديت الجنزير و ظبت السرج ، بس تقول ها اركب لي فيل مع اللفة يا عمك حصلوني غايتو جنس حسادة عليهم اسه لمن لقيت البوست بتاع الحنكشة قاعد قلتا الحمد لله صحبك يكون صبح بام فتفت كاربة و ختاهو ما شافو و لادخل جوا

والله العظيم يا ابو هاله ودخالتي وابحمد اخوي
وابو روضه ودعمتي
وعاشميق اخوي
والله انتو تلفو راس بلد
اقول ليكم كلام راس ضرررررررررب
والله راسي ضرب هو اصلو ضارب
وبعدكم ضرب ذيادة
انا الجابني ليكم شنو
وحات ضوتنا البريده ذي رويحتي
راسي ضارب
بري بري يايمه من ذي دا
الناس كلها جنترت وجاها ترللي

أبحمد يا اخوي
كيفنك يا محترم
اصلا موضوع التشتيت من البلد بقي مرات هو الحل و لو مؤقتا ، بعدين لذيك و الذي بكرس و يقنطر الغضب ، علي البلد وعلي الاهل و علي اي حاجة انت بتكن ليها الاحترام و المودة
ما ممكن في القرن الواحد و العشرين بلد بحالة و شعب عدد سكانو اكبر من سكان اسرئيل و فلسطين و نكون عبيد و حشم و بقيت فضلات من الزبالة تكون اكل وليدتنا ، عشان مجموعة من الجهلة و المعقدين و المتطرفين رقابنا الطلعت حرة من ابهاتنا تتحني لالهة ما عندها هم غير العرس و اكل الحرام و الزنا في نهار رمضان
بقينا ملطشة يا أبحمد للبيسوا و ما مقيم زاتو بسوى شنو
بقينا لمن نشوف بعض في الغربة نضاير ذي ناس الجرب من بعض
ملعون ابوك بلد
كان ده هشيمك و لا حصادك
ملعون ابوك بلد لمن زلة الغريب تكون ضل من هجير زلة الزبالة
ما علينا نواصل شوية جن كده يرحنا من سؤال معفن عارفن اجابتو و ساكتين

ابحمد اخوي
انشاء الله ربنا يرد غربتك الليله قبل
بكرا
حكومة السجم تطير والبلد تستقر وكلنا نرجع
وانته انشاء الله ربنا يرجعك لاولادك وتشوف
الصغير والكبير يا ابحمد اخوي

ابو هاله اخوي
بتك اسما هالة والله انت متغشف خالص
ما كان تبزر حبه وتسميها ابتهالات
حته في الاسامي كاتمنها علينا ما ترحمونا وتفكوها حبه
اهو ده الجن
شفت كيف

[ود خالتي كيفنك يا ابو هلول
دياميه ميه ميه
نحنا الديامه زهور القيامه ياو د خالتي
زهور القيامه دي اس تجيب لي الهواء
ويطلعوني كافرة
عاد اسوي شنو يا اخوي اليوم
كلو قاعدة مع ابحمد يعني من تابع قوم وكدا
وانا مافريت بقيت
وانا واخوي ابحمد اليوم كلو قاعدين
نتشاور في موضوع بت اختي ضوتنا
قدر ما امسك فيهو يفلت ويجري

عارف يا ابو روضة قبل كما سنة جاي من سفر و شايل لي امانات بتعت زول من بحري ، و الدنيا كانت سخانة و الساعة داخلة علي عشرة بليل ، اها مشيت لزول ما لقيتو لقيت اخوهو ، و الكهربا كانت قاطعة ، قعدنا بره جم الباب لحدي ما اخوهو يجي و اسلمو امانتو
بعد شوية جا واحد لزول المعاي وقاليهو الامية ضربت لكن ناس الكهربا قالو جايني يصلحوها ، ما بذكر رده عليهو بشنو لكن واصلنا عادي في الكلام ، بعد شوية اسمع ليك صوت ونش مدور بابنصات ( قاعن قاعن قاعن قاعن أأأأأأأأأأأأعن ) يعني صوت عالي و في زول زي بقول لسواق ( لا بهنا لا نزل شوية خلاص كده مظبوط ) المهم انا اكيفتا في نفسي و قلتا خلاص الكهربا هترجع للمساكين ديل
بعد شوية الصوت سكت ، قلتا لزول المعاي ناس الكهربا الشغلانا غلبتم و لاشنو ؟
قلي ناس كهربا شنو ، ديل اتنين مجانين في الحلة عمل لينا مفك في راسنا
قلت ليهو معقول بقلدو الصوت بالطريقة دي ؟
قالي الحمد لله ما قلبو رادي و جابولينا برنامج لسان العرب

والدعول ده
بدل يغشفنا برانا ما يتغشف هو في الاول
اسم من تلاته خروف ( الخاء مقصوده) عمــــــــــــــــــــــــــــــر شفت الجن كيف
المفروض يسحب وجبه الفطور ويبقي اسمو مر ( والله مرارة الحنضل بس ) مستحيل يتبلع
او يفط الغدا ويبقي اسمو ( عر ) صحي والله عر ... مش كان عر والله كان عرعرتوا للصباح الحمار ده ما يفهم شي
وحقيقي خذ الحكمة من افواه المجانين
شفتو ا كيف

الضو يا الضو
انتي بقيتي تمشي بحرالغابة
ولا قاعدة تقعدي في ميدان سينما النيلين
هوووووووي الضو قولي الحقيقة

ياااااااااارب تحفظ هالة
وتغطي هاله وتستر هاله
وتفرح بيها امها وابوها
وتعلي مراتبا
وتبر والديها
قادر ياكريم

انا عشان الكلام دا ما بفتح تلفزيون السودان
انا اصلا كركبته وبقيت شنبري خافي افتح تلفزيون
السودان معناها يا ني المشيت بوشي

ابحمد انا خطبه ليهو وحدة راجلها مات
وحدة وارد اليابان بس هو اتجنن قال يالضو يا الانتحار
وقال وارد اليابان دي اديها لا ابو حمود
قلته هوووي الكلام دخل الحوش بقي فيهو ابو حمود
اخير انسكت نوافق
انشاء الله بس ما يكون اطعام 60 مسكين كل يوم

هووووي يا ابو هاله يا اخوي
انته مصيبه وانا من زمان ماسكه خشمي علي وعامله فيها بت عز ومولدة
في الرياض خليني بسترتي
اصلو الديامه لمن يتلمو بنسو انو في ناس
كدي اسي قوم تاوق لبتاع المطعم الفي الشارع البرة
عمك التخين البيع الفول والصير نسيت اسمو
عاوزة فول وشوف لي الراجل الجنب السينما بتاع الاقاشي

ياها ذاااااته واسي اكان قلته
ل ابحمد الكلام دا ما بصدقك
هووي هي اصلها مجنونه
من يوما
والله ابحمد مسكين الليله الدنيا حا تاهو معاهو
اتزكر اولادو مزاجو معكر

نوريكم بقية جنكم
الواحد يكون فاتح ليهو بوست بمناسبة معينة لظروف معينة ، و الموضوع ينتهي علي كده ، يجي يدخل اي بوست ممكن من البداية يرشو و لا الكلام لمن يسخن يقعدو يقولو ليهو أنت ما قلتا كده و عملتا كده و سويت كده يكرهو البوست يقوم يتخارج
الحاجة دي انا ما حضرتها في المنتدي لكن قالو واحد من الزملاء يوم وقف في نص المنتدي و قعد يكورك في الجماعة ( مش شنبي ده اهندا انا حلقتو )
الموضوع شكلو انتهاء علي كده و مافي جديد حلق شنبو حلق شنبو ، لا مات و لا كفر
لكن بقي يدخل اي بوست الجماعة يشبكوهو ليك اها حلقتو بموس و لا بحلاوة و لا ديك تلم فيهو وتقول ( بث ، قالتي شنو يا عمو شنبو )
يعني الواحد كان عارف حلاقت الشنب بجيب جنس ده ، كان ياخدها من نهايتا و يحلق شنبو و دقنو و يشيل حواجبينو و يحلق صلعة
يعني الواحد يجيكم عاقل و انتو المجانين تطلعوهو مجنتر وبدون شنب كمان

ابوالهل
فقدتك يا اخوي
قلت لي رحلوك وين ؟ والله بالغو . يعني دايرين يفسدوا اخلاق الجهله
بوست كان منقه بس . والحاله لسه ما غشينا مدني
انا حاتل هنا بس . يحولو واحد يشوفو ليهو زول
اوعي انا من المقنطرين

سلامي ليك عاشميق زولا سمح

من النعم ولا النغم علي نفسي هي قوة الذكرة التي حباني الله سبحانه وتعالي بها فلا انسي عادة الشئ الذي اشاهده اول مرة و لا اتذكر انني قلت لاحدهم ( ما بذكر ) الخلاني اقول الكلام ده هو نفس مسار البوست الحالي ، التذكر ، فلو لم يكون هناك ذاكرة لما تواصل الناس بعضهم البعض ، و علي مدار اسبوع كنت اخزن ما أشاهده علي البورد من جميع الزملاء و كل معلومة او خاطرة تخزن في مكان ذلك العضو في نفسي ، و خطر لي ان اكتب بوست لاتوغل داخل النفس البشرية ( و كالعادة ) الزملاء الاعزاء من هم اقدر معرفة مني في ذلك سوف يدلون بدلوهم ( ناس طب النفس ، والدراسات الاجتماعية و مختصين في الفلسفة و ... ألخ )
لكن حقيقة الذهن ما كان حاضر عشان اعمل بوست بالضخامة دي ، وكنت داير اسميهو ( الانسان ذلك المجهول )
فنحن نكتب و نقراء و نمشي و نتخاصم و نتعارك و نتسامي و نتكبر و نستعلا ، و كل شئ من تلك الحركات او السكون هي اوامر مخزن في الهارد ديسك ، و ممكن الهارد ديسك يكون تلتين قيقة و ممكن يكون ستين و ممكن يكون مية وعشرين وممكن يكون ( وان تيرا ) شفتو كيف
و ممكن الهارد دسك يكون مركب في جهاز راماتو تعبان و ممكن غير كده و ممكن يكون ضاربو فايروس و ممكن يكون الانتي فايروس بتاعو من القوة يمنع عنه حتي الشئ البفيدو
كل و احد فينا قاعد وارا لوحة مفاتيح يشكل و يلون و زي ما هو عاوز ، و الاحساس البجيك و انت بتكتب في مشاركة او رد علي مشاركة هو نفس الاحساس البجيك لمن تكون عاوز تشتم ولا تسب و لا تصالح ولا تزعل ليك شخص مخاطب من وراء الشاشة
اغلبنا لا يعرف البعض بالصورة ولكن الانطباع بجي من خلال السرد المصفوف في المشاركات ، ده كوز وده شيوعي وده راجل ودي مراة ، وده احمر وده حلبي وده اخضر ، ده سمين وده ضعيف ، ده حساس و مرهف وده خشن و سمج
كلنا بنرسم صورة من خلال الهارد ديسك بتاعنا و الذاكرة المتوفرة عشان نقدر نتماشي مع السرد المموه بالحروف
كلنا بنتعامل عشان نوصل رسالة ( اذا ما اغلبنا ) للمتلقين لكن بفلت دائما الوضع و الواحد ببقي ما عارف الرسالة هي شنو ذاتا الداير يوصلا
و ببساطة الرسالة يا جماعة جواب و سؤال
انا منو ؟ وانت منو ؟

ينصر دينك ياخ
انت يا ولاه شارب حاجه
الحياة اقصر من تضيع في المحاككات والعداوة ,, كفاية عداوة الدنيا العديل دي
وصدقا لي قولك بختا ناس قريت ليهم ردود ما عجبتني

كلنا تقريبا عندو مليون ضب في راسو ، وده ما ضرورة ينعكس علي كتابة المنتديات ، و الشغل الشاغل بكون اساير حياتي في مجتمع دخلتو برغبيتي و رضائ ، و الانسحاب بكون عادة مستبعد لانك وراء كيبورد
و بتكون مطر اغلب الاحيان انك تتعامل مع الناس الانت جيت و لقيتم ولا بعديك بنوع من الاكراه ، عشان في ناس تانين بكونو عاوزين يأزوك ، ليه بس لانك خالفتو في فكرة او معلومة او موقف او حتي ما ضحكتا علي نكتة بايخة هو حكاها
في النفوس دائما فعل الخير صعب و فعل الشر ساهل لدرجة الاستمتاع
وايزاء الغير بالغة هو من اسواء انواع الايزاء ، ولغة ( المطاعنة زي ما بقول ابو روضة ) جايزة و متاحة وهي الانسب لليزاء لانك مستحيل تلقي الذول المختلف معاك قدامك
وراء الشاشة بس
هتعمل شنو ؟
يا تنساهو
و لا تبقي مجرم

ابو هاله يا ظريف ولطيف في عز الصيف
انت الراس ونحنا الساس
في واحد خط مستقيم مجننو ليك واحد مستهبل قام الزول ده قال لازم ازنق ليك المستهبل ده واخلي يبطل الاستهبال .. وقام قال للمسنهبل انا عامل ليك مسابقه اسئله تجاوب عليها بسرعة
سألو : ما هو الشيء الذي يطفو ع سطح الماء ويبدأ بحرف الـ ق؟
جاوب المستهبل : قطعة خشب
مشاها الدعري وقال ليهو : طيب لو قلنا تبدى بحرف الـ ب؟
قال المستهبل : برضو قطعة خشب
قاله ليهو : طيب بحرف الـ ن؟
قال المستهبل : نفس الشيء قطعة خشب
قال له: طيب بحرف الـ ز
قال المستهبل : زي ماقلت لك قطعة خشب
عصب الدغري قال بس الكلمة المطلوبه بحرف الـ ي
قال المستهبل : ياخي مابتفهم قطعة خشب
انت البتسأل وانا البجاوب
ان شاءالله تكون عرفتني بس الظاهر بتعرفني من زمان .... ياربي اتقابلنا ويييييييييييين ...ويييييييييين
شفت كيف

ممكن تكون مجرم ؟ ده سؤال و انت بتكتب في اي حاجة من وراء الشاشة أسالو لروحك ، و الجريمة هي كل فعل ياتي من بالغ عاقل راشد يدرك ماهية افعاله لفعل يخالف نصوص القانون
لكن تعالو أسألكم في اليوم الواحد و بتقع كم جريمة ما بتم القبض علي مرتكبها عشان القانون يعاقبو ؟ بل كم جريمة بتقع و القانون اصلا ما نص علي انها جريمة
ممكن الانسان يازي اخوهو بكل بساطة ، لكن ما ممكن بكون هو برتكب فعل الازاء يعرف انه دي جريمة
لانو لو فكر ضروري هيذكر العقوبة و مافي رادع للانسان غير الايزاء الجسدي ممكن يحد منه ارتكاب فعل الجريمة ، لكن لمن يكون مافي عقوبة الفعل يتضاعف حتي يبقي ظاهرة حميدة او قبيحة
و نرجع تاني لذاكرة لانو الذاكرة دائما لا تنسي الايزاء و اكثر شئ يرهق الذاكرة و بتالي جسم الانسان هو عدم القدرة علي رد الايزاء
يا حبايب تساموا و تعجلوا اكثر بقول الخير و الطيب ، وزي ما بتلقو الجماعة كاتبن في حافلات الثورة بنص ( الكلمة الطيبة جواز سفر )
ارهقو روحكم في الناس البتازي في بلدنا علي مدار الساعة خليهم شغلكم الشاغل اترصدوهم وحتما ماشين لزبالة الجو منها
في دورية اسفيرية لامور القانون و الاجرام و غيرها من القوانين ، و الاشتراك فيها مفتوح لجميع
في مرة كان النقاش دائر حول الجريمة و مسبباتها النفسية و اثارها علي المجتمع ، الكلام ماشئ كويس فجاء جا واحد مسمي روحو ( بيتر بان ) علي ما اذكر و قال انكم لا تعرفون المجرمين الحقيقين و المجرمين الحقيقين موجودين بيننا و لا يوجد نص قانوني بحرم فعلهم ولا يعاقبون علي ما يفعلون و عدد المجرمين ديل واذكر بالترتيب بدون الاخلال بالترجمة :-

المجرم الاول :- احباه والدها من خروجه الي الدنيا راعاه ، فرحا اذا ابتسم و حزن اذا بكاء وحفاه بالحنان و لم يأكلا حتي شبع ولم يشربا حتي ارتواء و راعاه كشتلة تنبت في ارضا قحلة ، منعا منه الريح و المطر و الثلوج حتي كبر فذهب بهما الي دار العجزاء

المجرم الثاني :- تجده مغلوبا علي امره تحميه تحفه بالامان تساعده و تعطيه متي ما طلب منك ولا تبخل عليه حتي براحتك ، وبعدها تكون يدك او من يعض

المجرم الثالث :- تبيع كل من حولك ، الدنيا و مافيها لخاطره ، تخاصم الناس لاجله تقول لكل من حولك انكم خطاء وهو الوحيد علي صواب و عندما تحين لحظة الحوجة اليه يخزلك بلا سبب و يبعيك في اول باب سوقا يجده

المجرم الرابع :- تحبه اكثر من نفسك تعطيهو قلبك علي قطائف الحرير ، يأخزه يتسلي به ويرجعه اليك كومة دماء و دموع

ضونا
كان علي قطعة الخشب انا ما عرفتها لكن علي التانية ياني المباريها من زقاق لراس بيت لحوش لمطبخ لحدي تقول الروب
و بمناسبة قطعة الخشب دي بدور أسالك فيها كم مسمار ؟

المجرم الخامس : من يملك زوجة جميلة رائعة تاتيه كل ما طلبها تعطيه ما لا يعطي الا لغيره تنجب له البنين و البنات , لكن مع اول انثي تفجره فيفجره و ينسي ما اعطي له علي سبيل الخصوص

المجرم السادس :- تظنه صديقا فياتي اليك بحواجه فتقيها اليه وتأثره علي غيره تقسم بان الله اعطاك اخا من غير امك و كل طلب منك ظننت فيه الصداقة التي لا تنتهي ، لكن يوم الحوجة اليه يتنكر اليك وكانه لم يعرفك مرة

المجرم السابع :- يأتي بأبنائه إلى هذا العالم
دون أن يوفر لهم الرعاية الكافية
دون أن يكون بحجم المسؤولية
أو يلعب دوره كأب
فيتركهم للشارع
ويوم يتنبه لانحرافهم
يكون أوان التقويم قد فات

المجرم الثامن :- يحب نفسه أكثر مما يجب
يدمر كل من حوله
ليشبع نرجسيته
طلباته أوامر
إحتياجاته مفروضات و الغير عنده مجرد عبيد

هم موجودون بيننا و لكن القانون لا يعاقبهم ولا يوجه اليهم التهم لانها ببساطة تهم تأزي النفس و القانون لا يعتد بمثل هذا الايذاء

كتبت ما قراتم
و أستغفر الله لي ولكم من كل ذنب
و ربنا يمد الاجال و نجيكم تاني